مجلس الدان الحضرمي

[سالم عاشور حسنون]

اخي الفرقز
الشاعر الكبير مبارك جحله شاعر قديم وله باااع في الشعر
اما تجي انته على اخر الزمن وتقووول فيه شعررره فاعذرني

[عمر الذيب]

انست ياللي على ذا الصوت تترجم=حقك ولك وانت عادك خيب في الترباه
في الشعر لك باع يشهد سوط بالعسم=واهل القبالي ودوعن واهل وادي ساه
هتلي خبر من قداء السعران والكلثم=والدوري اللي بداء يسخن في المدلاه
هل شي امل فوز به ياسعيد واتعشم=والا قنع واترك الدوري بيد مولاه

وان حد ثاني عنده جواب يجيبه

[سالم السقاف]

كل ن رفع كاس والأخبار تتلعثم = وما درينا لمن ذا الكاس خذ مرساه
سعيد باللي جرى يخفي ويتـكـتـّم = وسعد يقـرح على القرطـاس يتحداه
وأم اللبن عاعيال الدار تـتـألـم = ما حد لها ياعمر في الحيط فك معداه

[علي بن طالب الحامد]

اقتباس : المشاركة الأصلية كتبت بواسطة سالم السقاف [ مشاهدة المشاركة ]

كل ن رفع كاس والأخبار تتلعثم = وما درينا لمن ذا الكاس خذ مرساه سعيد باللي جرى يخفي ويتـكـتـّم = وسعد يقـرح على القرطـاس يتحداه وأم اللبن عاعيال الدار تـتـألـم = ما حد لها ياعمر في الحيط فك معداه

حبيب داري بها وانته بها تعلم=كلين يفقع طلع ذا الليل ع ليلاه
قم رد طرفك لربك صيح واتألم=ماخاب والله لا منهو دعاء مولاه
جتهم من الشرق والقبله مبالغ كم=كلن يحول وشيكه ضاع في المثناه
معاد شي صبح بعد الليل ذا الاضلم=حاشاه حاشاه مانقنط غلب حاشاه

[صوت سيبان]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

انست ياللي على ذا الصوت تترجم=حقك ولك وانت عادك خيب في الترباه في الشعر لك باع يشهد سوط بالعسم=واهل القبالي ودوعن واهل وادي ساه هتلي خبر من قداء السعران والكلثم=والدوري اللي بداء يسخن في المدلاه هل شي امل فوز به ياسعيد واتعشم=والا قنع واترك الدوري بيد مولاه وان حد ثاني عنده جواب يجيبه

مانا مشعوذ ولا قاري في الطلسم = الحل والعلم عندك ياوسيع الجاه
ذلاّ تخيل ولعرف قلها والجم= ياالله عسى خير وأبعدنا من الماساءه
وراعي الدار قد سمر وقد لحم= ويقول ماشي خلل بي بين في مبناه
أن كان ذا صدق ماضنيت تتهدم= بتم كما الدقم راسي دوب في مرساءه
ويقول ماله شرب في عشره أمحرم= بعضه يبلث وشي خوله وشي تبداه
ولقاء شراريب من كوعه إلى المعصم=وفي رجوله حذا باتكسر السلاه

[عمر الذيب]

اقتباس : المشاركة الأصلية كتبت بواسطة صوت سيبان [ مشاهدة المشاركة ]

مانا مشعوذ ولا قاري في الطلسم = الحل والعلم عندك ياوسيع الجاه ذلاّ تخيل ولعرف قلها والجم= ياالله عسى خير وأبعدنا من الماساءه وراعي الدار قد سمر وقد لحم= ويقول ماشي خلل بي بين في مبناه أن كان ذا صدق ماضنيت تتهدم= بتم كما الدقم راسي دوب في مرساءه ويقول ماله شرب في عشره أمحرم= بعضه يبلث وشي خوله وشي تبداه ولقاء شراريب من كوعه إلى المعصم=وفي رجوله حذا باتكسر السلاه

ياصوت سيبان يرقل ابرهه لشرم=وامست تنوش رجوله بعد كل مالقاه
من زامل البدو لي ما كان به مهتم=يشكي ويبكي ويدفع مال في مسعاه
والعاد فاده بشي والفيد والمغنم=لي كان ينقله من سيحوت للمخواه
سبر يقل يوم خلق الله بدت تفهم=وتحلل الهرج لي قاله ولي قلناه
والبرق والرعد في القنفان يتحطرم=كن المخيل يقول الغيث ماشفناه
الغيث خصبه بحسب الظن على مدرم=واما كريتر بحسب الظن ما يلفاه
الا ان تفرع وجات اردوف من ظلهم=كل من ذرى مال غيره بايشل مذراه

[علي بن طالب الحامد]

امتلا الفصل يابوطارق والربوط تتكر.!

[سالم عاشور حسنون]

ذا فصل والثاني نشوف البرق يتلمـــع
ربي جعلها على الاشعـــــاب والوديان
قولوا لمحفوظ يا كم عيــن با تدمـــــع
انته رفيقــــي وبا حـــــذرك بوجمعــان
لي داخل البحــــــــر ياصاحبي اتضيــع
ما كل ليـام تلحق لول او مـــرجــــــان
كم حـــــــذروه الاوادم كـــــن مايسمع
ماشي سلوبه دخل في داخــل الميدان

[علي بن طالب الحامد]

اقتباس : المشاركة الأصلية كتبت بواسطة سالم عاشور حسنون [ مشاهدة المشاركة ]

ذا فصل والثاني نشوف البرق يتلمـــع ربي جعلها على الاشعـــــاب والوديان قولوا لمحفوظ يا كم عيــن با تدمـــــع انته رفيقــــي وبا حـــــذرك بوجمعــان لي داخل البحــــــــر ياصاحبي اتضيــع ما كل ليـام تلحق لول او مـــرجــــــان كم حـــــــذروه الاوادم كـــــن مايسمع ماشي سلوبه دخل في داخــل الميدان

ذلا سحب خرف ماشي سيل بايجّزع=ياذي تكورم حسبت ان العرب عميان
مابانهابش عرفنا البخص ذي يوجع=دجاحة ابليس كانت عندها جنحان
من قصوا الريش ذي يطعمش قد فلسع=خلاش خلاش لا عاكر ولا دخان
لوعدتي اليوم في جنبش عمد بارزع=معاد با نقتمر السحر حقش بان
قم شل مزحاتك نزل بالنخل او تطلع=واهل السياسه لهم تدبيرها والشأن
ياكم لحقنا قد لحقنا الدين يتوسع=بلاد الايمان عليها جم يعتمد الايمان
واما الغبي قد لقا جوده وقد ودّع=ذي جاب همدان عليكم والنعم همدان
وان عدت عدنا وان ترفعت بأترفع=ماليوم حاكم عدلها شوكة الميزان

[صوت سيبان]

اقتباس : المشاركة الأصلية كتبت بواسطة علي بن طالب الحامد [ مشاهدة المشاركة ]

ذلا سحب خرف ماشي سيل بايجّزع=ياذي تكورم حسبت ان العرب عميان مابانهابش عرفنا البخص ذي يوجع=دجاحة ابليس كانت عندها جنحان من قصوا الريش ذي يطعمش قد فلسع=خلاش خلاش لا عاكر ولا دخان لوعدتي اليوم في جنبش عمد بارزع=معاد با نقتمر السحر حقش بان قم شل مزحاتك نزل بالنخل او تطلع=واهل السياسه لهم تدبيرها والشأن ياكم لحقنا قد لحقنا الدين يتوسع=بلاد الايمان عليها جم يعتمد الايمان واما الغبي قد لقا جوده وقد ودّع=ذي جاب همدان عليكم والنعم همدان وان عدت عدنا وان ترفعت بأترفع=ماليوم حاكم عدلها شوكة الميزان

من مامعه شخط في موقده ماولع = وانته رميته بلا دبره ولاحسبان
عذبت لي يقعرون العلب والمقلع = لاباتت النار تتوقد في العيدان
كمن مسلجم معد يسمع ولايرجع = لهريت با الصوت يحضر (ع) الدان
لو با السلاسل مقيّد بايجي يربع = ميهاب فرعون يا الصكه ولاهامان
أعطيته الميم ط والشرف والمدفع = محسبت لليوم هذا ياعلي ثعلان
ومسكت في ناس لاتشعق ولا ترقع = شله خبيثه يبيعونك بدون أثمان
خلوك في البحر بين الفرس والتبع= هم النجاشي وقيصر حاكم الرومان
الآدمي لاغلط مفروض يتورع = ويتوب توبه ويتعوذ من الشيطان
يبقى مكانه ومن بعض الحجج يقنع= هبت وراحت على العاقل و عا الغشمان