مساجلات الزامــــل الشعبي

[أحمد العمودي أبوفيصل]

هذا باخريبه في رأس الجبل = يهدد على الشعار ومتعصر بطان
اليوم هو بادي وجا منه زلل = لي كان هو بألامس واحد من الخوان
شفني هنا دايم في حمل الثقل = وأصبر على مايجيك في هذا المكان

[علي بن طالب الحامد]

ياخير بانصبر اذا ما فيه حل= شفني حديد الطبع شفني هندوان
وش بايرقل قل للغازي بالجبل=روس الشوامخ ماتوطيها التمان
ياذي مثقل ايش كلفك الثقل= لاتشل حملك قبل وقته والاوان
والعفوا يالغازي اذا وقع خلل=من صاحبك سامحه واعطيه الامان
الهطف شرفى تو بدلها بدل= وش با يساويها ببلغ العيلمان

[النحوي]

صح الله لسانك اخي الغازي
مع علمي ان مصيرتشجيعي
سلة المهملات

[أحمد العمودي أبوفيصل]

الاخ النحوي
شكرا لك
بالله عليك الحيد الشامخ هل يعقل
ان حد يرميه بسلة المهملات
طمن انت الحيدالشامخ

[مجمل]

هوكووووو

ماشي معي هاجس ولاشي قول = من فقد ذي هم فالوطن حلان
لاحول لاقوه وثم لا حول = طالت سنين البعد والهجران
لما متى الغربه وطال الطول = مشتاق لاهل الجود والعرفان
ذي حلو الوادي ودار الجول = سلم على الشيبان والشبان

[يسلم صالح بن عكعوك]

ياولد بن منصور وش باقول = هاذي السنه قد كثرو الهبلان
راحو علي اهل الكرم والطول = ذي يطرحون الرشن عالعمدان
لاذكرتهم دمعي يسيل اسيول = راحو علينا صلت الرميان
خلفو لنا ذي يطبخون الفول = مايعرفو سّلام من سلمان
يالله عسا ليله بنجم الشول = بانعرف الذلان والشجعان
من يوم كثرن بهم بامرحول =افتق شفارك ذبح الطليان

[طالب النعماني]

يالذي من الغبه بغيت اللول=اللول مبعد في غبب سيلان
احسن في الحله فطر عالفول=واتميز فني شغل باكستان

[أحمد العمودي أبوفيصل]

مشكور يامجمل وجبت اللول = وجبت العسل صافي في الفيجان
قد جبتها بألعرض هي والطول = بسألك يامجمل عن الشجعان
وينه لي يفطر على روتي وفول = لي كان يترفس في الميدان
مشتاق مامجمل لشربة شول = ودوره في البندر وفي الوديان

[أحمد العمودي أبوفيصل]

مرحيب بن عكعوك جبت الفول = وحطيت لنا السم في الفيجان
كنا نعدك من صحاب لعقول = وأثرك أ ترغي كما الحشوان
قد قال باخريبه وانا باقول = ضارب عمد راسي ورى لاذان

[عمر الذيب]

هكذا ياشباب بارك الله فيكم
عمر الذيب