(((..أبطال الثوره في ساحات التغيير.)))...مرسله للاخ الشاعر/عبدالله الجعيدي (ابو سالم)

[علي بن ماضي]

الاخ الشاعر الشامل خالد بن مهنا
شاص وسفر الى الوطن في ست ساعات قمة الامنيات
ثم ساحات التتغيير وكذب اعلام مسيلمه
وعناء الغربه والكفالات
وتهميش المغترب وعذابه وعناة والسبب ولى امرة الذي يبيع كل شي في سبيل الكرسي
الله ياخالد توليفه فايقه الجوده وخلطه فريده في قالب شعري لايجيده الا المتفوقون وانت تقف في اعلا الهرم الابداعي بحسك الوطنى
قصيده مميزه تشبعك شعرا فايق الجوده
تقبل كل احترامي وتقديري واعجابي
اخوك علي بن ماضي

[عبدالله الجعيدي]

اقتباس : المشاركة الأصلية كتبت بواسطة خالد بن مهنا [ مشاهدة المشاركة ]

ياراكبأ في شاص يطوي المسافات=مصنوع ومصمم بخبره وتكتيك يطوي مسافة يوم في ست ساعات=مايخيّب امالك على الكيف يعطيك لاوصّل الطبلون الى بعد الاميات =شم الانوف مع الاراضي ويدهيك ولايهم المنعطف والملفات=اعسر واخطر منعطف جبه يمديك وانته ولد سائق وعندك مهارات=امسك دركسونه ولاعاد اوصيك واقصد منار العز مهد الحضارات=لي حضنها في شدة الوقت يؤيك لحمك دمك روحك وللقلب نبضات=اسمك قرينك صاحبك لي مخاويك مستقبلك حاضرك ماضيك لي فات=تبغى تضيّع حاضرك بيع ماضيك ان بعتها باتخسر اشياء وبالذات=حياك لي بين المخاليق يحييك وارسل معك ازكى وارق التحيات=لقيادة الثوره وكل من يلاقيك من الرجال الثايره وسط ساحات=وشعارهم بالروح والدم نفديك ياموطن اهل النومسه والجميلات=مايستحق الشعب انه يحل فيك! ..لو ماقدر يكفيك شر العصابات=اللي الى اكبر داهيه باتوديك وهاك شعبك ثار نظم مسيرات=واتذكرك ماكان جاحد وناسيك ضحّى وفي صدره تلقى الرصاصات=مادامك اعطيته فلابد يعطيك اما انت ياللي لك في الكذب عادات=يكفيك ماسويت في الناس يكفيك عليك في كذبك دلائل واثبات=تهرج وترجع من كلامك تماتيك حكاية الشاويش ام الحكايات=في اخر الحلقات ولعاد بخفيك واوراقك اللي فيها تكتب خرافات=واللي عليها اسمك وعلمك وطاريك رميتها في وسط كيس النفايات=آسف ترى ماعاد صرنا نثق فيك ياكير للفتنه تنذخ شرارات=الله يجيب اليوم لي فيه نطفيك نفّتك من بلوه كبيره وآفات=بليتنا فيها عسى الله يبليك علمت شعبك كيف يدمن في القات=هنّه وقل يالله بعلمه يهنيك وابعدت شعبك عن مواطنه سنوات=وكأن ماهو شي منك ويعنيك ان عاش برضه شاقه الضرف وازمات=والنفط والثروه معك في مخابيك في ارض غربه عاش لوعه وفجعات=داري بهم ماقول وش لي يدريك راعي الاقامه عذبته الكفالات=يكفلك بن آدم وكافلك باريك إلا كفيلك لو تفارقه لحضات=او تشتغل لحساب غيره يمسيك في سجن للترحيل عبر الجوازات=والدرب لي جابك يقولوا يوديك اقولها والقلب مليان حسرات=انا لي الله وانت ربي يجازيك ولاّ ايش رايك يابو سالم في ابيات=انت اعتبرها جات عندك تحاكيك وابغى جوابك واضح بدون شفرات=وانا اعرفك لي فيك مابايخليك والختم صلو عالنبي عد الايات=لي في كتاب الله الى الحق يهديك

حيا وسهلا بالجمل والعبارات =من عند شاعر باعذب الشعر يرويك
خالد . وخالد خالد الذكر ما جات = في يوم منّه قاصرة او غدر فيك
صوته في السمرة كما عشره اصوات = والحرب فيها لادعيته يلبيك
ما يعتذر في ساعة الضيق بالذات = يمسي يهد بالميم طاء والبلاجيك
صولات له في كل موقف وجولات = والحرب له فيها مواقف توديك
للنصر. ويجيب العدو في متاهات = ويصمّك الأبواب في الوجه تصميك
وبعد يالمرسول شل الرسالات =لاعند خالد ثم قل له يهنيك
بالفوز عبدالله ونيل البطولات = وأزكى التحاياء والسلامات يهديك
ثم قل له أن الجو فيه انقلابات =ماهو كما منته تحب دوب ياتيك
لا تستبق الأحداث واحسب حسابات =للي يثيرونك وللي يهديّك
بالعقل والمنطق قياس المسافات= لقصر طرق ما عذر له مايوديك
وابعد عن أصحاب الخطب والشعارات = وانته بن ادم ماتبى حد يرويك
لي في المصارف يكنزون الريالات =ما ضن حد فيهم من الفقر يغنيك
لجل الكراسي نظموا الأعتصامات = ما نظموها لجل نسيان ماضيك
لو كان لك حد خو يقود المسيرات=يفرح من افراحك وياذيه ماذيك
بانرفع اسمه والصور فوق هامات= ماتنحي ماغير لله باريك
لي بايجي ياخوي مثل الذي بات =هذا كما هذا وهذي كما ذيك
يتبادلون الدور في نهب ثروات=جابوا بواخرهم لها والسنابيك
لي يسرقوا كحل العيون السهيرات = يابن مهنا عينهم من مخابيك
لاترتجي شي خير من بايع القات= واهل العمايم واللحى والمساويك
لي سرّحك مغصوب مابايضويك=وان قد ضويت انته مراده يسريك
يبغاك تبقى دوب جنب السفارات = من تحت رحمة ناس ع المر تسقيك
من خلف وادي مور لاخلف عينات = بالخير ماحد قال ربي يمسيّك
للأسئلة ماباتحصل جوابات = عند الصكك والمرتشي والصعاليك
لو من مقابرهم يقومون لموات = لمباتهم باتنطفي والاتاريك
ماباك تقبلها على كيف ماجات= والا تلبي صوت كل من يناديك
حذرك تخاوي من يخون المخاوات =خاو الذي فالضيق نفسه يخاويك
وان باتحل حل فالحصون المنيعات = عند الذي دايم يلبون داعيك
والمعتدي عالحرث والنسل بالذات = له لاتخليها خليّه مرابيك
لازم نحط للظلم حد والمعانات = قبل ان تعزيني وانا قوم عزيك
ونرجّع أيام ألهنا والمسرات = للأرض لي دايم تضمك وتاويك

[علي فدعق الهاشمي]

اقتباس : المشاركة الأصلية كتبت بواسطة عبدالله الجعيدي [ مشاهدة المشاركة ]

حيا وسهلا بالجمل والعبارات =من عند شاعر باعذب الشعر يرويك خالد . وخالد خالد الذكر ما جات = في يوم منّه قاصرة او غدر فيك صوته في السمرة كما عشره اصوات = والحرب فيها لادعيته يلبيك ما يعتذر في ساعة الضيق بالذات = يمسي يهد بالميم طاء والبلاجيك صولات له في كل موقف وجولات = والحرب له فيها مواقف توديك للنصر. ويجيب العدو في متاهات = ويصمّك الأبواب في الوجه تصميك وبعد يالمرسول شل الرسالات =لاعند خالد ثم قل له يهنيك بالفوز عبدالله ونيل البطولات = وأزكى التحاياء والسلامات يهديك ثم قل له أن الجو فيه انقلابات =ماهو كما منته تحب دوب ياتيك لا تستبق الأحداث واحسب حسابات =للي يثيرونك وللي يهديّك بالعقل والمنطق قياس المسافات= لقصر طرق ما عذر له مايوديك وابعد عن أصحاب الخطب والشعارات = وانته بن ادم ماتبى حد يرويك لي في المصارف يكنزون الريالات =ما ضن حد فيهم من الفقر يغنيك لجل الكراسي نظموا الأعتصامات = ما نظموها لجل نسيان ماضيك لو كان لك حد خو يقود المسيرات=يفرح من افراحك وياذيه ماذيك بانرفع اسمه والصور فوق هامات= ماتنحي ماغير لله باريك لي بايجي ياخوي مثل الذي بات =هذا كما هذا وهذي كما ذيك يتبادلون الدور في نهب ثروات=جابوا بواخرهم لها والسنابيك لي يسرقوا كحل العيون السهيرات = يابن مهنا عينهم من مخابيك لاترتجي شي خير من بايع القات= واهل العمايم واللحى والمساويك لي سرّحك مغصوب مابايضويك=وان قد ضويت انته مراده يسريك يبغاك تبقى دوب جنب السفارات = من تحت رحمة ناس ع المر تسقيك من خلف وادي مور لاخلف عينات = بالخير ماحد قال ربي يمسيّك للأسئلة ماباتحصل جوابات = عند الصكك والمرتشي والصعاليك لو من مقابرهم يقومون لموات = لمباتهم باتنطفي والاتاريك ماباك تقبلها على كيف ماجات= والا تلبي صوت كل من يناديك حذرك تخاوي من يخون المخاوات =خاو الذي فالضيق نفسه يخاويك وان باتحل حل فالحصون المنيعات = عند الذي دايم يلبون داعيك والمعتدي عالحرث والنسل بالذات = له لاتخليها خليّه مرابيك لازم نحط للظلم حد والمعانات = قبل ان تعزيني وانا قوم عزيك ونرجّع أيام ألهنا والمسرات = للأرض لي دايم تضمك وتاويك

حين يأتي الشعر بهذه الهيبة و بهذا الوقار فهو يجبرنا على الإصغاء و التمعن بماجاء بين السطور من حكايا ومشاعر وأحداث وحين تأتي الأبيات بهذه الأناقة و هذا العمق من شاعر فذ خدم الشعر باابياته الراااائعة فهي تجبرنا على التعلم من الفنون المتلاحقة من بحر و مفردة وقافية قصيدة تستحق ان نمرّها .. و نتوقف لقرائتها ..جزله من راااس جزل مفردات فذهـ سيناريو قافيه قوة الجمالية المتدارجه من بيت لآخر في القصيدتين اسمتعنا بقصيدة الشاعر خالد بن مهنا من قبل واليوم نستمعت بهذه القصيدة الراااائعة لاستاذ الجميع عبدالله الجعيدي لله دركم حتى آخر حرف .... سلمتم يابني مره على هذا القصيده الغير مستغرب منكم ويستاهل خالد بن مهنا المرّي الفوز بالمركز الأول فرحنا لك يابو سالم لاعدمناك يالنشمي لكم خالص التحية والتقدير