مساجلات الزامــــل الشعبي

[حزوم القوم]

ياسلامي لكم عدة حروف القصيده=جيتكم قلت باسوي على النت جوله
زايرين السقيفه والذي في العضيده=رحبو بالفتى بالشعر ساعة وصوله

[طالب النعماني]

اقتباس : المشاركة الأصلية كتبت بواسطة حزوم القوم [ مشاهدة المشاركة ]

ياسلامي لكم عدة حروف القصيده=جيتكم قلت باسوي على النت جوله زايرين السقيفه والذي في العضيده=رحبو بالفتى بالشعر ساعة وصوله

مرحبا قول من شاعر بيوته فريده=حي ماجاب من عنده وحي مايقوله
يالشبامي منح صاحبي رتبه جديده=بعد ماشل عالشعار كاس البطوله

[خالد بن قاسم]

مرحبا مرحبا باهل الحروف الجديده=من قبلنا في الدنيا يلاقي قبوله
مرحبا ياحزوم القوم ماخط بيده=والذره من زرع حبه بيصرب سبوله

[طالب النعماني]

اقتباس : المشاركة الأصلية كتبت بواسطة خالد بن قاسم [ مشاهدة المشاركة ]

مرحبا مرحبا باهل الحروف الجديده=من قبلنا في الدنيا يلاقي قبوله مرحبا ياحزوم القوم ماخط بيده=والذره من زرع حبه بيصرب سبوله

مرحبا مرحبا بالهل العقول الرشيده=شرفونا في الزامل جمال الحموله
قل لخالد لباء جبهه وثوره مجيده=في جنوب اليمن بعلن حكومه ودوله

[حزوم القوم]

جيت يوم السقيفه صيتها في الجريده=غصت في بحر لما قست عرضه وطوله
والخبر قد وصلني لا مسافه بعيد=والحزوم اكتلف جاء والحذي في رجوله

[طالب النعماني]

اقتباس : المشاركة الأصلية كتبت بواسطة حزوم القوم [ مشاهدة المشاركة ]

جيت يوم السقيفه صيتها في الجريده=غصت في بحر لما قست عرضه وطوله والخبر قد وصلني لا مسافه بعيده=والحزوم اكتلف جاء والحذي في رجوله

وين بوصالح
يستاهل شاعرنا حزوم القوم لقب شاعر السقيفه بكل جداره

[طالب النعماني]

اخواني الشعار جميعا
واخص الاخ خالد بن قاسم
اطلب العفؤ منكم استاذنكم معزومين عند المنصب بن سحاق وهناك السمر مباشر حي مع المغني الكبير ابوسعيد المعمور
لذالك اطلب ان يعذرني اخي خالد على المغادره والا سمره مايتفوت لولا اللتزام والوعد

[خالد بن قاسم]

اقتباس : المشاركة الأصلية كتبت بواسطة طالب النعماني [ مشاهدة المشاركة ]

مرحبا مرحبا بالهل العقول الرشيده=شرفونا في الزامل جمال الحموله قل لخالد لباء جبهه وثوره مجيده=في جنوب اليمن بعلن حكومه ودوله

ليل قولو لبوراضي يقوي رصيده=يوم هو يعرف القافي ويعرف فصوله
يوم جانا حزوم القوم فكو قليده=فكو الباب له واتسمعو ذي يقوله

[بن قطمان]

اقتباس : المشاركة الأصلية كتبت بواسطة طالب النعماني [ مشاهدة المشاركة ]

اخواني الشعار جميعا واخص الاخ خالد بن قاسم اطلب العفؤ منكم استاذنكم معزومين عند المنصب بن سحاق وهناك السمر مباشر حي مع المغني الكبير ابوسعيد المعمور لذالك اطلب ان يعذرني اخي خالد على المغادره والا سمره مايتفوت لولا اللتزام والوعد

مرخوص يابوراضي مادام انك ساري على واجب بلغ تحياتنا للمنصب بن سحاق وللاخ ابوسعيد العوبثاني المعمور
وانشاءاللة كل لياليكم افراح بس لاتنسى تجيب لنا موجز عن السمرة المميزة ولولا المسافات لما فاتنتنا سمرة وفيها المعمور

[بن قطمان]

اقتباس : المشاركة الأصلية كتبت بواسطة حزوم القوم [ مشاهدة المشاركة ]

ياسلامي لكم عدة حروف القصيده=جيتكم قلت باسوي على النت جوله زايرين السقيفه والذي في العضيده=رحبو بالفتى بالشعر ساعة وصوله

لك تحية ولك تقدير فيما تجيده=مرحبا بالخضر والشعب سالت سيوله
واللقب بايجي لاهل العقول السديدة=والثمر قال بن قطمان في زرع خوله