((( الدان )))

[البكري]

للنصح نفسي مستعدّه = للحق نوطيها من علاها
وغرور النفس غواها = ونكون بالنصيحه سعيد

البكري

[مجمل]

القلب محنون في سده=محلى سمرها وممساها
محنون للناس ذي فيها =مثل الغبين يحن للديد

[مـجــرد & هـــدؤؤؤء]

كلامك زين بنعدّه=وسمره قد سمرناها
في الغنا مغانيها=وفي سيئون محلى الغيد
ترى دوعن هو العمده=ترى المشهد سكنّاها
بسافلها وعاليها=أنا شوقي بلا تحديد

[أبونمر]

كل من وعديوفي بوعده =والخل كلمته ماوفاها
شهرين له من سمعناها =منه ولا وفى بالوعيد
لاقال بكره يجي بعده =عادته هذه دهلناها
والسر لي في خفاياها = يظهر على مداه البعيد

[أبونمر]

صابر لحره وعابرده =واشيات جم لي نعاناها
من فرقة الأرض لي فاها=مايوصل الساعي بريد
يامجمل الخل من صده =وقصود له كان يعناها
حلفت بالرجل ماجاها =لما يترك في الصديد
ويعود فعال لي رده=ويجيب لي هو مخباها
من غبطة النفس وجفاها =يريد وإلا مايريد

[البكري]

من تعذّر عطه مده = الامور عاده ماوعاها
باجيب لخبار ذي بغاها = عسى بالعمرالمديد

البكري

[البكري]

السر بيبان ذي عنده = والاشياء ماباننساها
ان جات هي او جبناها = حتى ولا هو عنيد

البكري

[مجمل]

كل وعل محنون في حيده = واشعابه اللي ترعاها
وانته بمرباه ترباها = بندقك حاكم يجيب الصيد
لاتصير قاسي بذالشده= بالطيب حاجات تلفاها
وقلوب بالطيب تجناها = فالعشق ماينفع التشديد

[مجمل]

فصل ياشباب

ذا فصل فالغربه تعبنا فالسنين الماضيه= وعدت الاعمار واحنا هكذا متشتتين
وصرت فكر قال شاعر فالسنين الجايه =ان عاد شي مقلوب نرجع للوطن يامسلمين
ونعيش باقي العمر من تحت الجبال العاليه =فيها خيار الناس ذي هم في وطنهم ساكنين

[أبونمر]

لابد من عوده لها لأن الجواري جاريه= من قبل شفناها وقالوها بوتنا الأولين
رغم التقشف و التعب لها معزه ثانيه = مسجله في الذاكره والقلب عاطول السنين
ماتنتسي ارض اليمن دائم عزيزه غاليه =والخير فيها والعمل لاراد رب العالمين
بالخير موعوده بلدنا والظروف القاسيه = عدت وباتصلح لنا ولذيهم فيها عائشين