10-23-2013, 05:44 PM
|
#331 |
|
شخصيات هامه
|
استراحة خاصة جدا رقم 2.
من مايحب الوطن لاتسألوا عنه . موطني في الأعماق ....في القلب والأحداق احن إليه واشتاق ...... والبعد عنه شاق رمز الوفاء والطيب .... يستاهل الجنه من مايحب الوطن لا تسألوا عنه ! يكفي من الأشفاق ....... على المقل والعاق لايغرك البراق ......... إليه لا تنساق حاول على التقريب .... وعسى تجي منه من مايحب الوطن لا تسألوا عنه ! لاتبعثر الأوراق .......وتعيش في اخفاق من شدة الإرهاق ...... القلب رك ماطاق يتحمل التعذيب .......واللكع والمنه من مايحب الوطن لاتسألوا عنه ! متى اليك انساق ؟......مادام عاد الساق قادر على الألحاق ...... ويطوف في الأفاق من دوحتك مايغيب .... وتنتهي الحنه من مايحب الوطن لاتسألوا عنه. |
|
|
10-23-2013, 05:45 PM
|
#332 |
|
شخصيات هامه
|
رقم 167 .
عبدالله محمد باصره . شاعر مجيد أمسك بزمام اللهجة الحضرمية وسخرها في شعره الشعبي بإتقان .. عندما تسمع صوته الأجش في الجلسات تحس أنه فياض الموهبة ,غزير الأفكار . سلاسة العبارات ووضوح المعاني وروعة التصوير يمتاز شعر عمي عبدالله محمد باصره ولذا يسهل على المستمع حفظه ,وأهم موضوعاته الشعرية الغزل من دون غرابة ولاتعقيد , وعندما يعثر مثلي على جديد له لم يسمعه أحد يجتهد في نشره وخاصة إذا كان قوله مثل : يوم قدني كما ذاك السلب بوفتيله = أقرب الناس يتكلم ويهرج عليه قلت له وين معروف السنين الطويله = قال غلق وتم ولعاد لك قابلية قلت له كيف تتناسى ليالي جميلة = طعمها كالعسل لي في قراص البغية قال ذا الصوت مايمسيك في الدار ليلة = وأنت شيبة من الهمة عظامك خلية . وقال : من رسالة في الجوال حالي مكدر = منها ماهنيت النوم ومسيت زعلان الكلم لي بها تحرق كما الجمر لحمر = قال لي في الرسالة كل شيء كان ماكان والرصيد انتهى عندي رصيدك مصفر = من كلامك لقينا صن في وسط لآذان قد هجرني بدون أسباب ياناس تذكر = قلب خلي حجر وإلا معه قلب أنسان ؟. وقال : أنا الا عبد لك مملوك وأنت السيد تتأمر = خزاء للحاسد الشاني في الروشان تم وحنا الحراسة قابضين الزام نسمك الطيب هو العود لايخل والعنبر = وغيرك مامعي ثاني ولاحبيت غيرك يا المحب عند العرب بلتام . تحيتي لهذه الهامة بحجم الكون وله مني العسل الدوعني الصافي وكل مودتي الممتدة له . |
|
|
|
10-27-2013, 08:07 PM
|
#333 |
|
شخصيات هامه
|
رقم 168 .
العيد على النت . (أطول بل من أطول السمرات على النت في العيد في سقيفة الشبامي ). قلت : ياعيد حيابك = خبار اهل الوطن ماتشرح الخاطر وكل ماقد حصل نكد على سالي = يحن لى ارض فيها كاسبين الجود والمعروف ياالزين ماصابك = من عيون الحسد ذي تقطع السابر وانته الا بري من سلطة الوالي = وبيجيك الفرج والعين عدها في فرح بتشوف واديك وشعابك = يحن قلبي لهن لكنني صابر على الغربه وذكرك دوب ع بالي = واتمنى رجع لكنني ع فراقهم مكلوف ذره من اترابك = وورقه من غصون اشجارك الزاهر لهم عندي ثمن ياموطني الغالي = كثر من مال بن لاذن وباشنفر وبامردوف واقف على بابك = أنا المسكين يابالجود ياقادر تسهل أمرنا وتحقق آمالي = وتصلح ماخترب في ارض دمرها الطمع والخوف سنتك وكتابك = لنا منهج في التشريع ومصادر وقائد (......) ع الحق مايبالي = يساوي بيننا في كل شيء في الدخل والمصروف يالعيف من جابك = دمرت المال ذي له كم سنه عامر لقيت الأولي في الترقيه التالي = ولاهو ع الخبل يمشي على العاقل غلب مايطوف اهلك واصحابك = بغوا منك عمل ياالفاهم الشاطر ولاحد يعتمد ع البيض والدالي = وشف ماشي مغطىء ع الجنوبي كل شي مكشوف حضرتك وجنابك =يشوف الناس في الاسواق تتدافر ولكن البضاعه سعرها غالي = من التجار مكسبهم في الحاجة البسيطه الوف قال سبع الليل (أبو جمعان ): لا تحرق أعصابك=عزم يابلحمر وعبر بخط صافر مثيلك قال بوجمعان بيصالي=نصيف الله في عامر وصالح بن عمر شرغوف يادار مسخابك=يحلك مرتشي ويهينك الكافر ثلاث ارباعهم تركي وصومالي=ولا سيب الذي هم من قداء امريكا وقربتشوف قلت : لو قلت لي مابك = انا بقول لك حظي ردي عاثر من الحسره على تغيب دسمالي = ومن تمر الصقاطر والمديني ذي صبح مقطوف سلفني اسلابك = وبنعود سوى ع الخط نتقاطر وبحلف انني مافارق اجبالي = ولو عودت للغربه حسبني آدمي مهتوف المجد يزهابك = نعم ياموطني ياعزي الفاخر تحدى الاجنبي لو قال ياحلالي = بملي متر من ارض البوه الشامخه لأنوف قال أبو جمعان : يامسهل أطلابك=علي بالعهد لا ما قلت لك حاضر معك ياصاحبي في سلم وقتالي=عشان العز بانقضي على كل مرتشي ملقوف مقبلك وذهابك= علينا كالقمر والنجم لي سامر سمر ياحنطبه عارغم عذالي=وسل عاخاطري شفنا كما راعي الثقل مقصوف سيّبت لي سابك=وسبته في الهواء للزخي والعاكر وسبت الزاد والمزناد لعيالي= رفيقي مانبدل به بدل مهما قست لظروف قلت : مابكشف احسابك =وعدني بادفع من مالي الوافر وخذ من مامعي ثلثين من مالي = وانا لي الثلث ون غلق اسحب لك على المكشوف ركز في اعتابك = على مباحث عدن وجنود وعساكر بغوا وضع اليمن بالغصب فدرالي = ولابغوا وضع عند أهل القيم في مجمله مألوف ذي بدلوا احجابك = ولقوا لك طلاسم زود العاكر وسابوا عبيد حم وسط الخلا الخالي = بغونا الا تبع ع كيفهم تحريكنا ووقوف تدنيس محرابك = على يد العميل الخائن الغادر حذر منه وقل له الشال ذا شالي = إذا اشتد الشتاء بتشوفني ع الجول به ملفوف اردم بقلابك = بياري يوم دلوي حبله القاصر افي وقت السناوه ماعطي امجالي = يخليني حنب والمال من كثر العطش محسوف قال بانصيب : لاتــــــــــــــــــزيـــــــــــــــــــد اعــــــــــــجــــــــــــابـــــــــــــك=بـنـفـ ـســك عــــــاد جـــوفـــك وســـطـــه الــنــافــر اذا مــــســـــكـــــوك لاعـــــــمـــــــي ولاخـــــــالـــــــي=يجوا وقت الدرك ويبعدونك من قريب النـوف قــــــــــــلــــــــــــل فــــــــــــــــــــــــي خــــــــطــــــــابــــــــك=كــــتـــــب بـالـمـخــتــصــر الـــنـــافـــع الـــبـــاهـــر نــــكــــر لاتــــقـــــول ذه قـــصـــتـــي ومـــقـــالـــي=اذا نقدك رصاصه قاتله من داخل الشاخوف قلت : الـــــــــنـــــــــخـــــــــب فــــــــــــــــــــــــــــي نــــــــــــــابــــــــــــــكفــــقـــــه لاتـجــيــبــهــا ســـــــــد الــــعـــــرب صـــــاقـــــر ولاهــــــــــنــــــــــدي ولابـــــيـــــفـــــيــــــد بـــــنـــــقـــــالــــــيولـو شافـوك ع السكـه يعـبـروا ع المدحـمـل روف والـــــــــقـــــــــمـــــــــل فـــــــــــــــــــــــــــي ثـــــــــيـــــــــابـــــــــكومـــــــن كـــثــــر الـــوســــخ كـــــــل يـــــــوم تــتــكــاثــر اذا بـــغـــيـــتــــه يـــــــهـــــــب قـــــــلـــــــد تـــغـــســــالــــيبيا الغسه وبالصابـون بـو علامـه الحمامـه دوف ون طـــــــــــــــــــالــــــــــــــــــــت اشـــــــــــــنـــــــــــــابـــــــــــــكقــــ صـــــه بــالــمــقـــص مـــــــــن قــــبـــــل لاتــــغـــــادر ولــــــــــــو شــــــافــــــوك بــيــحــســـبـــوك ايــــطــــالــــيمن اصحاب اللحاء خافك تبيت ع جبل مخطوف حــــــــــمــــــــــبــــــــــصـــــــــــك وقــــــــــــــنــــــــــــــابــــــــــــــكلا تــجــيـــبـــه هـــــنــــــا خـــــلــــــه لـــــبــــــو عـــــامــــــر فــــــــي الــــــــوادي الــــعــــوج بــــاوصــــي اعــيـــالـــييحرسونـك مـن اسهـام العـداء ورماحهـم وسيـوف بـــــــــــعـــــــــــطـــــــــــيـــــــــــك اتــــــــــــــعـــــــــــــــابـــــــــــــــك اذا قــــصـــــيـــــت رأس الـــــفـــــاســـــد الـــــســـــاحـــــر لالــــــــــــعــــــــــــبـــــــــــــت بـــــــــكـــــــــعـــــــــابــــــــــكلــعـــ ب مـعــهــن ولـــــو روعـــــك نـــــزل بـــــادر دعــيـــنـــي لاتــســـكـــت بـــاجـــيـــب عـــمـــالـــييشهـدوا ان عيـنـك ماوصلـهـا منـهـن اقــذوف لاحــــــــــــــــــــــــــــــــــــــــد تــــــــــعــــــــــنــــــــــابـــــــــــكتــ لــقـــي لـــــــه لــــــــوك وهــــــــروج وتــخـــاطـــر بـنـفــســك وأنــــــت فــــــي صــداقــتــك طـــوالـــيوذي نفرك من جارك طلاسم ماكنه وصروف وانــــــــا مــــاخــــاف وظــــمـــــاري عــــلـــــى جــــالـــــييـجـونـي لارعـــد وســــط الـنـشـيـه فـوقـنــا وقــنــوف ثم قلت : باقطب اشذابك = من العلب الذي ع الساقيه حادر وباخليك تسمع صوت سركالي = تبيت تندوح لما تنذي حبك المنسوف لاناخت إركابك = أنا بمسك خطام الدوسري الفاطر معي صحبتي في الترحال ورجالي = ولك كلما بقي حتى جواني قطننا المندوف قالت الشاعرة عيون المكلا : ياشعب نوابك على الحايه الصغيره دوم تتشاجر وبين المر مايفرقون والحالي ولاجتمعوا بنيه صادقه يوم القمر مخسوف واسباب احزابك بمدح الفاسد المغرور والخاسر يجعلونه بطل وعفيف ومثالي وماتحتاج له سيئون يسوونه لاهل الجوف قلت : نـــــــــــــيـــــــــــــزكــــــــــــــك وشـــــــــــــهــــــــــــــابــــــــــــــك=عـ ــلــــى بــــــــلاد الــعـــوالـــق ذه ســــنــــه مــــامــــر تـــفــــجــــر قــــــبــــــل مــــايــــوصــــل لــمــســيـــالـــي=حماني الله من عين الحسد ذي ماتحن وتروف يــــــــــــامـــــــــــــجـــــــــــــري اســـــــــــــحـــــــــــــابـــــــــــــك=تـــ ــــقــــــــرب رأي بـــامــــنــــصــــور لـــبــــانــــاصــــر وذي هـــــــو فـــــــي الــمــكـــلا يــشــبـــك اذبــــالــــي=تجـي لـه صاعقـه وتشـل اركـان البنـى وسقـوف قال بانصيب : عولك وغرابك = يقولين الحقيقه وانت بتكابر وخلك مثلهن في القيل والقالي = ولاتساوي العطب يابوعمر في قيمته بالصوف مدحك واطنابك = يفوق الحد وانته محترق حائر بقوه كاسحه تهجم على مثالي = وانا مسكين لا عراف لي مثلك ولاسنقوف قلت : لالــــــــــــعــــــــــــبـــــــــــــت بـــــــــكـــــــــعـــــــــابــــــــــك=لــعــ ـب مـعــهــن ولـــــو روعـــــك نـــــزل بـــــادر =دعــيـــنـــي لاتــســـكـــت بـــاجـــيـــب عـــمـــالـــي=يشهـدوا ان عيـنـك ماوصلـهـا منـهـن اقــذوف لاحــــــــــــــــــــــــــــــــــــــــد تــــــــــعــــــــــنــــــــــابـــــــــــك=تـ ـلــقـــي لـــــــه لــــــــوك وهــــــــروج وتــخـــاطـــر بـنـفــســك وأنــــــت فــــــي صــداقــتــك طـــوالـــي=وذي نفرك من جارك طلاسم ماكنه وصروف. قالت عيون المكلا : أهلك وانسابك يسكنون المدن ووجودهم ظاهر وبالمعوز بلاغتره ولاعقالي وهم بدوان قد حلوا مغاره في جبل وكهوف كبرت مخلابك ولاسويت شيء والبعض تتآمر وأما العولقي ماقال افضالي عليكم واضحه ياناكرين الجود والمعروف قلت : ماحجيت خطابك = ولاغشيت حد بسلوبك الآسر وقولي بيشهد ع كل افعالي = ولاتأثر ولاهتز منها ذي خضبت لكفوف يالعيف اسبابك = تحملت الأذى والقوم تتناحر وأنا صابر وساكت ماشكي حالي = حسبت الجود بايثمر وبانجنيه بالمردوف ارميت اقطابك ؟= وتبغاني دخل في البحر ونغامر وأنا بدوي على نشرتي وجمالي = سرح وضوي وتعجبني صوات الدان والمدروف قال بانصيب : باعوم دهبابك = حذر يالعولقي تسكت ولاتبادر ومن شان القضيه كل بمكيالي = وشحم البربريه ماكفا كله صبح مغضوف مازلت في شبابك = كلامك في محله يعتبرنادر كما التبر الحمر وزنه بلقفالي = وطعمه كالبغيه الدوعنيه في السقاء وقروف قلت : طيرك وذيابك = يحسفون الغنم ولعاد حد قادر عليهم يردعون الخصم بالآلي = ويبنوا سور من سيل الشتاء يابوحمد مجروف صدقت نهابك = وطلعته إلى الروشان يتفاخر وفرقت اليمن لجنوب وشمالي = وذي هو صف واحد ينقسم بعد التعب لصفوف وبعيد ع شنابك = تقسيم الموحد .شعبه الظافر على حدوده حرس من طيش جهالي = ومن افراد ماتفكر يردون السهب معكوف قالت عيون المكلا : الخوف ينتابك وفي كشف الحقيقة ليش ماتجاهر وغيرك قال آثاري واطلالي عليهم أسم جدي واضحه لعيونكم الحروف كسرت اكوابك وتتأثر بنقد الصامت الصابر كلامه كان في تقدير واجلالي ينبهكم طلوع الفجر وظهور الغسق وكسوف ولالك شي أثر واخبار تتواتر كما مسرور له ايام وليالي مغيب لاقبل دعوه ولاقلبه بكم مشغوف ماسألت اذنابك ولاحد قالك ايش الذي صاير وخلك واقعي لاتكون سريالي يقضي وقت في حلقات شاعر بالألم مكروف قال الواقعي : دعوتك وطلابك مع مرسول عاني عا ورق فاخر بغينا شرح يا صاحبي سركالي وزامل فالعضيده والمغني يتبعه مدروف علّق بكلابك وطلّع حوت غوده بالسمن زاخر ولا تضوي وبيدك عيد صومالي وغيرك يالمقدم كل ما جابه بقي محسوف قلت : مافتحت دولابك = وماخليتها ع الواحد القاهر وفي مطلعي تحسدني ومنزالي = ولاتشوف النقاب الفاضية وسدودنا وكروف ضيعت هيرابك = ولاالربان مثلك راقب الزائر إذا المركب غرق بتحاسب اعيالي = وفي التدقيق مابتسيب لي نتفه ولاحرفوف قالت عيون المكلا : مولى البقش جابك وللمسكين ماقد جييت تتجابر وحبلك رام في مستودعك بالي عليه الطاويه غطت جداره الأربعه ورفوف قدمت له شرابك واوعدته تكون الكاتب الناشر رياء ومجامله ونفاق واضلالي على طرحه الذي كله لوك ومبالغه وهروف. |
|
|
|
10-27-2013, 08:09 PM
|
#334 |
|
شخصيات هامه
|
استراخة خاصة جدا رقم 3.
خالي الوفاض. تبدو أكثر شحوبا ونحافة في غياب حبيبها ,وكلما ذكرته غنت مقطعه (عهود الحب سالت بماء السلسبيل وذكرى الحب طابت بها نفس العليل )..عاد بعد سنين خالي الوفاض من القرش الحنان ,فأبتعدت عنه بعدما سلمته ثروةً ,إلا عصا تتكئ عليها وتهش بها على غنمها . |
|
|
|
10-27-2013, 08:10 PM
|
#335 |
|
شخصيات هامه
|
رقم 169 .
ذكريات نبشها صالح باقازي . نعم ياغالي أنا (واعوذ بالله من قول أنا ) قلت : (اللمى والشهد. أستلذذت الشهد وأنتشيت من اللمى ,فلما ذقتهما معاً ,بقي اللمى ولم أجد للشهد أثراً (. وأيضا قلت : (فتح قلبها فلم يجد قصيدته ,فرمى المفتاح في أعماق المحيط ). قال الشاعر المعروف الكبير صالح باقازي ( أبويوسف ): . (من جات له فرصة يقول المهتجس =يفتح ملفات السنين الأولة تجهش عيونه بالبكاء وبدون حس = في المنحدر يسلك ودرب الهروله ويقول ياحسفة على عودي يبس = والوضع ثاني والأمور امحوله والقصد من هو في كساء غالي لبس =مابا سخاله بالتعب والبهذلة ). قلت له : (حيا بذي قوله وأفكاره تجس = نبضات ماضي ذكرها متأصله في قلب مافيه المشاكس والغلس = فيه الخفيف الدم شيد منزله لكنها دنيا من الصادق تدس = وأحيان تفرض ظرف صعب اتبدله يالمهتجس ريض وقبل الحكم قس= وحكم وحكمك بوعمر بايقبله ). |
|
|
|
10-27-2013, 08:11 PM
|
#336 |
|
شخصيات هامه
|
استراحة خاصة جدا رقم 4.
هل شي على مثلي ملام ؟ عشت السنين الماضيه بين الرجاء.... واليأس من واقع صعوبه يحتمل نأمل بمستقبل مثالي مزدهر .... عنوان أمتنا السلام هل شي على مثلي ملام ؟ بالرغم إن الليل من حولي سجى ..... والحال شح والجرح رافض يندمل لكن لنا تاريخ منه ينبهر ........قارئه من عذب الكلام هل شي على مثلي ملام ؟ من مر وتعدى حوادثهم نجأ ......أهل الحسد والحقد فيهم يكتمل الظلم والفاسد بكذبه يشتهر .... والنور يتحول ظلام هل شي على مثلي ملام ؟ مافاد ذمي في خصومي والهجاء .... مهما حصل مامل ولايمكن أمل عزمي قوي وفجر أحلامي ظهر ...... حدد ملامحه الهمام. |
|
|
|
10-27-2013, 08:13 PM
|
#337 |
|
شخصيات هامه
|
رقم 170 .
فرح عبدالله محمد بن قحدان باوزير . اليوم الموافق 26\10\2012 م في وادي العين في قرية لقلات . في البداية نبارك للعروسين ونتمنى لهم حياة سعيدة وذرية صالحة بإذن الباري . كان في بلادنا يعتبر الفرح ملتقى إعلامي للشعار والفنانين ومن خلاله تظهر أصوات جديدة والحان مميزة ,وكل شاعر يقدم إبداعاته في الترحيب وفي المدح . في الحقيقة بعد وصف الأخ سالم قحدان ترتيبات فرح أبن عمه ,تحرك (عندي الهاجس ) وعشت معهم عقلا وروحا وشاركتهم الفرح بمايلي : قلت : ياهل الزوامل قال سالم بلحمر = جبرو خواطر قوم ع الواجب حضور يوم الفرح عند المناصب له أثر = في النفس يبقى الأنس فيها والسرور يــاعابر القــارات شل مني خبر = بلــغ سلامي قـبل مــا النائم يثــور وقل لهم مني المفيد المختصر = مبروك لك والخير ع ديارك تدور . وبعد التواصل المستمر مع الأخ سالم بن قحدان باوزير قلت : عد ماالطير يترنم على غصن مائل = والنواب التي تصبح ع العلب تجني وعد ماغردت فوق الغصون البلابل = للمشائخ من القلب الوفي بانهني تهنيئة عامة لك من جميع القبائل = تهنيئة خاصة وسلام مرسول مني تعنيئة قل لعبدالله محمد وزامل = لآل قحدان حني يا الشناطيب حني ليتني وسط وادي العين طالع ونازل = بازمل سعفكم وإن شيء غناء بانغني ليتني عندكم بحضر جميع المداخل = مارضي حد يمثلني ولاينوب عني يوم ظرفي لقالي في رجولي سلاسل = والسلاسل إذا باسير شفها حفتني أنما الود باقي بيننا والتواصل = والعلاقة حميمة مابدأ خاب ظني مثلكم في الزيانه قال سالم قلائل = لي أمل زور وطرح زنجبيلي وبني وإن سأل حد عن ما حررته الرسائل = قل لهم حضرمي هذا تراثي وفني . |
|
|
|
10-28-2013, 07:37 PM
|
#338 |
|
شخصيات هامه
|
رقم 171.
شعر العشقة كالفتاة المستترة وراء الخدر في بلادنا . فيما يراقب العاشقون (المراقبون للحلقات ) بحذر انطلاق حلقات (العشق والعشقة ) بين الفينة والأخرى لجأت بعض المعرفات إلى ارسال بعض مقاطع لصوت الناي ( المدروف ) على لحن صوت ( قد لك سنه ماسلت ياوادي النبي ) وفي نفس الوقت تنتظر كلام المحبة التي يعتبرها البعض كالفتاة المستترة وراء الخدر والذي لم يظهر منها إلا شيء يسير في شعرنا الشعبي الحضرمي , ومحبكم الفقير لربه لايمتلك المقدرة الشعرية الفريدة والكبيرة ليبحر بالعاشقين في ذلك المجال ,ولكنها محاولة قدر الإمكان ,فقلت : باموت : لاقد فارق الروح الجسد = لاطول الغيبات ياخلي رجع والدمع جرح في غيابك كل عين = ( مدريت قبل لافيين ) عائش بدونك في كلاليب النكد = والرأس صدع والوجع بعده وجع وفي الحقيقة ماعلي سلفه ودين = ( مدريت قبل لافيين ) برمي عصا الترحال برجع للبلد = ضاقت بي الدنيا بمافيها الوسع باعيش باقي العمر بين الواديين = (مدريت قبل لافيين ) ياحضرموت الخير ماحد مثل حد = أنتي بلادي من ترابش ماقنع طينش ذهب وحطبك كله عود زين = (مدريت قبل لافيين ) قال صالح باقازي (أبويوسف ): يامرحبا بكلام ناسبني وسد =وبغيت منه كل ساعة باسمع يومه وصل مخصوص من ذاكي وحين = (مدريت قبل لافيين ) فيه الدواء للعين ذي فيها الرمد =ويسمع المخلوق ذي قالوا صقع لك بنحني ياكنز في وسط الخزين = (مدريت قبل لافيين ). . |
|
التعديل الأخير تم بواسطة حنطبه ; 10-28-2013 الساعة 10:05 PM |
|
|
|
|
10-29-2013, 06:25 PM
|
#339 |
|
شخصيات هامه
|
رقم 172 .
( كلح في الوجه ولامغص في الشواء ). من يقول لي إن السبب للأزمة الوحيد في بعد ماكان موجودا من آلاف السنين بالاثبات والدليل القاطع غير المادة ؟..( كله منك يوم سيبتها في لحظات ولاحسبت للعاقبة)..من كان متشبث بها كان أملا للبسطاء ,ومالبث الوقت أن يمر حتى عادوا من البداية ,وطار الدليل وأصبحوا أمام واقع تفرضه الظروف ( ويامسلم ياسلام ). قلت لك من زمــن اصبر وعنهم تجاوز = والذي فــي الشبك أكبر من اللي نشوفه مــالعبوها بفــن ذي يكرهون المعــاوز = شغلهم مــاحتبك والخيط بــانت عطوفه ذي عمد في الوطن حقه ولو قال عاوز = كل مـاهو معك مـن رأس بركه لحوفه لــه الـما عـدن إلا إذا شـاف حــاوز = مـاه مبـعـد فتك يسقي جـروب الخـلوفــه . الحاوز : الخزان الكبير للماء . |
|
التعديل الأخير تم بواسطة حنطبه ; 10-29-2013 الساعة 06:36 PM |
|
|
|
|
10-29-2013, 06:41 PM
|
#340 |
|
شخصيات هامه
|
رقم 173 .
( بغيتونا نحكي بالصدق أو نجامل ؟). يعبر الكثير من العامة عن ارائهم في كل شيء ,وعندما نصل إلى المشكلة التي بصددها اليوم ,فمنهم يصمت ومنهم من يتجنب ومنهم من يقول ياجماعة غيروا الحديث وما احد متكفل بحد للناس رب كريم )..النقاش دائر وأحيانا يصل إلى درجة فعلا غير مقبولة , لهذا لماذا لم نطرحها ونجعل كل شيء ( فظح في منسف ) ,ومن على رأسه بطحه يتحسسها ومن له رغبة وجاد في الحوار فليتفضل ,كل الأبواب مفتوحة والباري من عليائه من وراء القصد : مشكلة ظاهرة في مال بعض الحضارم = مايدفعون شيء صدقات للمستحقين والعفيف الذي صامت وبالدين غارم = يامسيكين حاله في الزمن يامسيكين مــستــحقينـها لازم يــطـلبــون لازم = كل طلبــه مذلــة قل لأهل المــلايين وين أهل الفضيلة وين جود الأكارم = للأسف كم من الأجواد مدفون في الطين عاد شي حل في الحاصل نهائي وحاسم = يرشد القوم لحكام الشريعة مع الدين هكذا الناس شتــى بين هزلي وحازم = والرعية أمــانة فــي عنـاق الســلاطين قال صالح باقازي : كنت عازم على بعض المواضيع عازم باخفيها وبلقي شكل ثاني وتلوين. يحزر القصد منه كل ذاكي وفاهم يوفي الكيل ويحط العبر في الميازين. كن ساعات تكلف ياجناب الملازم تكشف اوراق وتجيب الحجج والبراهين. وانت بالفعل شف وصفك مناسب ملايم للعرب ذي تميز بين شفره وسكين قال سالم الطفح بن حميد : التياسير لشعتها الرضه في القواسم والسدد لي تبات امفتحه خانها الطين من علي النار للمسكين حطوا مياسم هم بنعمه وهو تشعل بجوفه براكين خربت الدار بعد التفرقه والتقاسم ماخلاف العقارب وسطها والثعابين . |
|
التعديل الأخير تم بواسطة حنطبه ; 10-29-2013 الساعة 08:47 PM |
|
|
|
 |
| مواقع النشر (المفضلة) |
|
|
|
|
العرض العادي
