مساجلات الزامــــل الشعبي

[القنّاص]

المطب باين يوحي بالخطر = الخير في الراضه بانحسب حساب
عابيركم شطفه بغيتوني عبر = قدامكم قناص مابعد يوم خاب

[مجمل]

هذا الكلام الزين سر الحال سر = ياخير هو البدع لاحصل جواب
بشكي لكم ياهل المعاني والفكر = بشكي من الغربه وهم الاغتراب
عشرين من لعوام مرت فالسفر = ماينقفل باب السفر ياخس باب
هذا قدرنا ياجليلين العجر = ياكثر فقدي للمطارح والشعاب

[محمد سعيد بن مخاشن]

اقتباس : المشاركة الأصلية كتبت بواسطة مجمل

هذا الكلام الزين سر الحال سر = ياخير هو البدع لاحصل جواب بشكي لكم ياهل المعاني والفكر = بشكي من الغربه وهم الاغتراب عشرين من لعوام مرت فالسفر = ماينقفل باب السفر ياخس باب هذا قدرنا ياجليلين العجر = ياكثر فقدي للمطارح والشعاب

المخشني بيت يجر الليل جر=ويسامرك يا سهيل لين إسهيل غاب
حال المسافر يا مجمل ما يسر=عضه زمانه بالمطاحن والنياب
إن قام دقه غار والرأس إنكسر=وإن هو قعد عا القاع قبصته الدواب
ياخس زمن ما اليوم مالي معتذر=حب الثعاله بعد معدمت الذياب
بلغ إلى الغازي سلامي وإعتذر=منه وقل له بن مخاشن شفه تاب
وإن عاد شي برهان شف وضعي غبر=بارق وراعد يا رفيقي في السحاب
أما المطر ماشي ولا حتى قطر=والناس عا القل والمهونه والهباب

محمد بن سعيد بن مخـاشـن

[النحوي]

صح الله لسانك يالمخشني

[النحوي]

اقتباس : المشاركة الأصلية كتبت بواسطة القنّاص

ابليس مالليله لجحدر قد حفر = موترمع الغازي مايهاب العقاب والحجر شيله وساند من عثر = باقدم الخدمه في وقت الصعاب باساند الغازي في يوم العسر = ان جيت ياجحدر بافتح لك بواب سيد القوم خادمهم وبهذا نفتخر= الناس بتحبك تواضع للصحاب ذرّك عالسكر يوم قوته سبر = يوم انقلب طعمه عافه للذباب

صح الله لسانك اخي القناص

[النحوي]

اقتباس : المشاركة الأصلية كتبت بواسطة طالب باتيس النعماني

احسنتوا ياشباب هكذا حركوا الزامل بالكلام الزين

هكذا ياشباب حركوا الزامل
وأنا خلوني بعيد وهوذا كلام
بغيناك يابوراضي تتصدر الأخبار
مابغيناك تترجا الأخبار
هذا التشجيع سيبه للجمهور أمثالنا

[القنّاص]

من اوتي الحكمه خيره قد كثر = الخير في مخلوق يدلّك عالصواب
بوش له صالح حروبنا تستمر = لاجل العرب تحتاج يسلفها سلاب
في القايله خله تقبّصه الذبر = يتبع على بوشه مع حضرة جناب
الادمي لاتاب وعاده مقتدر = ولاخير في متعه يتبعها عقاب
عالسوي بمشي قراري قد صدر = ماشي عتب مني ولابقبل عتاب
عما سلف نادم لصحابي بعتذر = والعفوانا طالب من كل الصحاب
بانغير الموجه يمنا مستقر = يالله عسا تحميه من نهش الذياب
المغترب دايم عيشه في كدر = ياكم وكم ملهوف لشعبه والركاب
يارب تعدلها في لمح البصر = بارض اليمن يرتاح كل شيبه وشاب
بختم جوازاتي بعزم عالسفر = ياخير من ساعه نزولك يالشعاب
سلام عالنحوي وعاشعبة عمر = فيها الكرم زايد مشايخ ماتهاب

[مجمل]

سلام عا روكب وعالغار الحمر =معسال نوبه مايحطك يالصواب
يرجع شروق الشمس نوبه لابكر = يجنا زبد زاجي من اطراف الشذاب
يلقي بغيه ذي ترجح بالعبر = لو عاد لي شي قرف هو عين الصواب
هذا دواء القولون ماتنفع لبر = شيبه ولكن بايرجعنا شباب

[القنّاص]

وسلام من عندي لبدوي والحضر = اشتقت للمجمر ونخلك يالرحاب
مجمل من ابياتك مساء حالي بشر = اوجعتني ياخوك بيّت جاي هاب
حن النوب في جبحه وقلبي يوم كر = ونات مع اهات وعيشي معاد طاب

[القنّاص]

خلاص حقه معه افصلوا ياشباب