مجلس الدان الحضرمي

[الواقعي]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

لا يا طبيب الهوى بالله طببني=شف لي سنه عالمغذي ما طعمت القوت ان شي معك طب يا دكتور علمني=وان كان ماشي معك بند ودعني موت

ذا ليه(ي)الذيب ذاك الزين بهذلني=مولود برج الاسد ولا (ب)برج الحوت
يا قارئ الكف ليتك با تفهمني=و الا تركت الحضاره سرت لا برهوت

[مبروك بن ماضي]

لا يـا طبيـب الهـوى بالله طببنـي=شف لي سنه عالمغذي ما طعمت القوت
ان شي معك طب يـا دكتـور علمنـي= وان كان ماشي معك بند ودعني مـوت

اللي مجنن عمر في العشق جنني = والسبة اللي حوى زينه سحر هاروت
كامل مكمل بكل مافيه يعجبني = وآخص حمر الشفايف لي بطعم التوت

[عمر الذيب]

اقتباس : المشاركة الأصلية كتبت بواسطة المطلع [ مشاهدة المشاركة ]

للموت ماباسخابك طول صدقني= لكن حياتك وموتك عند ذو الجبروت كل الدواء لو عطيتك بايكذبني =من قلت له بايرد الموت من مبخوت

بعد المحبين في الدنياء معذبني=لي تركوني وحلو ذي السنه سيحوت
ما حد خلاف المحب يقدر ينسمني=لي طعم هرجه كما بو زبده البسكوت

[المطلع]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

بعد المحبين في الدنياء معذبني=لي تركوني وحلو ذي السنه سيحوت ما حد خلاف المحب يقدر ينسمني=لي طعم هرجه كما بو زبده البسكوت

الذي متعبك نا مثلك متعبني =سمسمر بحالي وخلاني جلس مبهوت
كلما تذكره حس الرأس يوجعني= وفي اذاني سمع منه صدا للصوت

[مبروك بن ماضي]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

بعد المحبين في الدنياء معذبني=لي تركوني وحلو ذي السنه سيحوت ما حد خلاف المحب يقدر ينسمني=لي طعم هرجه كما بو زبده البسكوت

شعر الغزل عند بو طارق يهيضني = وش عاد لو نا ادندن به وشل الصوت
يمكن يروح الوجع لي كان ممرضي = ولايعدي علي وقت السلى ويفوت

[المطلع]

اقتباس : المشاركة الأصلية كتبت بواسطة مبروك بن ماضي [ مشاهدة المشاركة ]

شعر الغزل عند بو طارق يهيضني = وش عاد لو نا ادندن به وشل الصوت يمكن يروح الوجع لي كان ممرضي = ولايعدي علي وقت السلى ويفوت

ياكبتن الميج ياريتك توصلني=ماقدرت شفني تحرك من مكاني فوت
خذني جماله معك بالله نزلني =عند المحب لو نزل حتى على البرشوت

[مبروك بن ماضي]

اقتباس : المشاركة الأصلية كتبت بواسطة المطلع [ مشاهدة المشاركة ]

ياكبتن الميج ياريتك توصلني=ماقدرت شفني تحرك من مكاني فوت خذني جماله معك بالله نزلني =عند المحب لو نزل حتى على البرشوت

مافيه شي عن وصاله لي يعوضني = والله لو بيت في مرقص وسط بيروت
ابغى اروضه وان يقدر يروضني = في لعبة الحب ماهي لعبة البيلوت

[المطلع]

مابى المفطح ولا المندي يعوضني =عن كزمة الخبز في التنار والمفتوت
عزي بلادي بها كلما يمتعني =وادي عمر ايش عنده باتقع بيروت
لوما الذي في الوطن نسمع يفزعني= ان كان ذلحين يالغربه عطيتش شوت

[الواقعي]

اقتباس : المشاركة الأصلية كتبت بواسطة مبروك بن ماضي [ مشاهدة المشاركة ]

لا يـا طبيـب الهـوى بالله طببنـي=شف لي سنه عالمغذي ما طعمت القوت ان شي معك طب يـا دكتـور علمنـي= وان كان ماشي معك بند ودعني مـوت اللي مجنن عمر في العشق جنني = والسبة اللي حوى زينه سحر هاروت كامل مكمل بكل مافيه يعجبني = وآخص حمر الشفايف لي بطعم التوت

مبروك فنان حتى العشق علمني = يعرف مسار الحجل لي حط في بيروت
هو في المنامه وفي باريس (ك) لمبي = كل ما رأته العذارى يرفعين الصوت

[صوت سيبان]

اقتباس : المشاركة الأصلية كتبت بواسطة المطلع [ مشاهدة المشاركة ]

للموت ماباسخابك طول صدقني= لكن حياتك وموتك عند ذو الجبروت كل الدواء لو عطيتك بايكذبني =من قلت له بايرد الموت من مبخوت

الموت حق عا الذي يهدم وذي يبني=والتاليه كلها في القبر والتابوت
لاكن لاهوعلى الموعد يشاورني= باقول خل المحب في العاصمه بيروت
وأرحم فؤادي طلبتك لاتعذبني=وشل عشره من الغيضه ومن سيحوت