مساجلات الزامــــل الشعبي

[النحوي]

اقتباس : المشاركة الأصلية كتبت بواسطة مجمل

الذيب يالشعار عني قد ذهب = خلا مجمل للعلاوي والهبوب ودي كما الشعار نعرفه السبب = خذها عداله ياعمر 10 جيوب وزيد تعشيره وهذا ذي يجب = يالذيب لك تقدير في وسط القلوب بدعي على اهل الجود رميان السلب =بدعي على طالب وبدعي بن ذيوب

صح الله لسانك اخي مجمــــــــــل
ابيات جميله والمطلوب من الذيب
أن لايرد لك طلب ويعود يشارك اخوانه
ولا بعد هذه العداله من شخص ماله ذنب كلام
وهذا أملنــا جميعـــــــــــــــــــــآ

[النحوي]

اقتباس : المشاركة الأصلية كتبت بواسطة القنّاص

من اوتي الحكمه خيره قد كثر = الخير في مخلوق يدلّك عالصواب بوش له صالح حروبنا تستمر = لاجل العرب تحتاج يسلفها سلاب في القايله خله تقبّصه الذبر = يتبع على بوشه مع حضرة جناب الادمي لاتاب وعاده مقتدر = ولاخير في متعه يتبعها عقاب عالسوي بمشي قراري قد صدر = ماشي عتب مني ولابقبل عتاب عما سلف نادم لصحابي بعتذر = والعفوانا طالب من كل الصحاب بانغير الموجه يمنا مستقر = يالله عسا تحميه من نهش الذياب المغترب دايم عيشه في كدر = ياكم وكم ملهوف لشعبه والركاب يارب تعدلها في لمح البصر = بارض اليمن يرتاح كل شيبه وشاب بختم جوازاتي بعزم عالسفر = ياخير من ساعه نزولك يالشعاب سلام عالنحوي وعاشعبة عمر = فيها الكرم زايد مشايخ ماتهاب

صح الله لسـان اخي القناص
ويعطيك العافيــــــــــــــــــــة
وأعتقد انك بكلامك هذا معاد بتخلينا
ننتظر الأجازه حق المدارس من حر
الشــــــــــــــــــــــــــــــــــــوق

[طالب النعماني]

يعطيكم العافيه

[القنّاص]

اقتباس : المشاركة الأصلية كتبت بواسطة مجمل

الذيب يالشعار عني قد ذهب = خلا مجمل للعلاوي والهبوب ودي كما الشعار نعرفه السبب = خذها عداله ياعمر 10 جيوب وزيد تعشيره وهذا ذي يجب = يالذيب لك تقدير في وسط القلوب بدعي على اهل الجود رميان السلب =بدعي على طالب وبدعي بن ذيوب

القصد يامجمل تعب حالي تعب = العلم جا طالب وهمي والشغوب
نبغا السلا واهله ولاندوّر نشب = عامر معه ابليس في حلقي نشوب
بعض العرب ناديت ولكنه غلب = من حصنهم جتني بالعاني ضروب
بالوقت باجيبه بعد والا قرب = ياخير من ساعه بها ضيمي يذوب
الذيب بوطارق رجوعه قد وجب = رشّان بالمدخل ومن فوق الغلوب
بالصفر لي خانه مجملنا حسب = بالخير له جازي عزي دوب دوب

[بدر النهدى]

عالذيب مابدعي وراسي قد غلب = يومه يتغلى ولاعنده سلوب
ترك كلامي امس خلاه في المهب = كله كلام الناس نذاه الهبوب
يمكن بيروح يبغاء لاحبب = وانتم تبغونه يقعد في الجبوب
واليوم ياطالب شب النار شب = بعض العرب اليوم ضيع الدروب

القصيد من الغازي وليست من بدر النهدي

[القنّاص]

اقتباس : المشاركة الأصلية كتبت بواسطة بدر النهدى

عالذيب مابدعي وراسي قد غلب = يومه يتغلى ولاعنده سلوب ترك كلامي امس خلاه في المهب = كله كلام الناس نذاه الهبوب يمكن بيروح يبغاء لاحبب = وانتم تبغونه يقعد في الجبوب واليوم ياطالب شب النار شب = بعض العرب اليوم ضيع الدروب القصيد من الغازي وليست من بدر النهدي

بنشد الغازي عسا ماشي خرب = بغينا خبر وافي موثق بالكتوب
كهرب والهاتف في لحظه طلب = والطرق زانت والمسنت شروب
لليمن عوّد وكم سعفك عرب = الخير في ارضي لها حسي يطوب

[محمد سعيد بن مخاشن]

اقتباس : المشاركة الأصلية كتبت بواسطة مجمل

هذا الكلام الزين سر الحال سر = ياخير هو البدع لاحصل جواب بشكي لكم ياهل المعاني والفكر = بشكي من الغربه وهم الاغتراب عشرين من لعوام مرت فالسفر = ماينقفل باب السفر ياخس باب هذا قدرنا ياجليلين العجر = ياكثر فقدي للمطارح والشعاب

المخشني بيت يجر الليل جر=يسمر معاه إسهيل لين إسهيل غاب
المغترب حاله نكد قط ما يسر=عضه زمانه بالمطاحن والنياب
إن قام دقه غار والرأس إنكسر=وإن هو قعد عا القاع قبصته الدواب
ياخس زمن ... ما اليوم مالي معتذر=حب الثعاله بعد معدمت الذياب

محمد بن سعيد بن مخـاشـن

[القنّاص]

بعض العرب بيّت يوشي عالقرب = والدرب مادله عسا المذنب يتوب
والاكل معه بايت مجمّد في العلب = من ربنا نعمه ولافيها عيوب
النوب حلاّني وقصدي والطلب = من عسل صافي من وسط الطنوب

[أحمد العمودي أبوفيصل]

اليوم مالشعبه تحسيها حلب = كانك في لندن وانته في الرحوب
أنوار في كل دار باتت تلتهب = كأنها لبنان من بعد الغروب
بزبوز للضميان منه بيشرب = والزفلت موجود في كل الدروب

[مرعي بن صالح بن سميدع]

نرجو من الشعار التقيد بفصل واحد
حتى يتسنى لنا المشاركة
وملاقطة القول
وقعنا في حيره نتبع من ( مسعد او مسعود)
مايصير يا اخوني كل واحد يجر من قداه
يوم يقع القول ملاقطة تحس للقول طعم ثاني
ارجو من اخواني الشعار الاستمرار على فصل واحد وفي حال خروج اي شاعر عن الفصل يرجى حذف مشاركته او يطلب من الشعار تغيير الفصل
وايضا المحافظة على وزن الابيات على الشاعر ان يتزمل بقصيدته قبل ان يكتبها في المنتدى وكلنا خطاؤون ولكن يعلم الله اني ما كتبت هذا الا لإني احبكم في الله
وتقبلو كلامي بصدر رحب