06-05-2006, 11:52 PM | #381 | |||||
شاعر السقيفه
|
الله يصون الوعل ذي قرنه مزين بالعجر =تسلم من الافات لاياصقر ذي فالجو فار
الصبر ربك بايعينه من في الدنيا صبر =والصبر باتلقاه لاجاء يوم ما منه فرار كل من حفظ دينه في الدنيا سعد يابونمر =يسعد ويستانس كما الحراث لاشاف المثار لاتغبط الا من معه رشبه وعالبوري جمر = ومزله بوري من الحمي يطول بالعمار وان شي قديمي ذي تقع فالقصع من فوق الكمر = والله باتنسى همومك للزمن قاسي وجار |
|||||
06-06-2006, 12:37 PM | #382 | |||||
حال متالّق
|
مانا في الدنيا ولا في العشق طول ياعمر =العافيه مالي عسى يالله بس طول العمار
وبانراويك المذنب والمناصف في الخبر =واليابس المرزوم والذي في دروعه والوصار واما القديميات والقصبي وياحي ماذكر = لالحقت لي قصبي زراف القرن ماهوقرن ثار تردني بعد الشيوبه شاب بن اربع عشر= وتشل آثار الشيوخه والكهل وتزيدني ايضا وقار |
|||||
06-06-2006, 04:23 PM | #383 | |||||
شاعر السقيفه
|
شف القديمي لي معك ماليوم قده غبر = كمن قديمي مرمي في مكانه لدّحل والغبار
والشباب في القلب ماهو بتحسين الصور = مايرده شبابك لي معك مصرور في الصرار |
|||||
06-06-2006, 11:05 PM | #384 | |||||
حال متالّق
|
الوقت يالبكري يشيب بك وعظمك لاانكسر=مابيرجع عاحسب ماقد كان قبل الأنكسار
والوقت هذا عيف تنوي خير لك ردوه شر =وتضيع جمالك وباتضيع حمولك والشوار حتى الصفاء منك يبت ويجي لك بداله كدر=تفريط في واجبك اوتقصير في صاحب وجار للآن عاد الأمر لي والله باقي ما احتزر =حيران في امرين يالبكري كما التوأم عبار |
|||||
06-07-2006, 12:58 PM | #385 | |||||
شاعر السقيفه
|
الامر الاول اليابس قط مايرجع خضر = ولا تستوي في الذوق يابونمر جميع الخضار والامر الثاني القطار لي يقوده عور = باتضوي القطيره كلها بالمكسّر وصاحب العوار البكري
|
|||||
06-07-2006, 01:44 PM | #386 | |||||
شاعر السقيفه
|
يامن خلقت الشمس في ذالكون واخلقت القمر = هون علينا يامهيمن ياعزيز الاقتدار
غايه رضى الانسان ماتلقاه في هذا البشر = خلك على دربك مع الاجواد باتجنى الثمار واسميتلي فالخيل ذي فيه المذنب قد ظهر = تمر الزجاجه يالنمر يشفيك لاجاك الصفار |
|||||
06-07-2006, 02:20 PM | #387 | |||||
حال متالّق
|
وحده قبضناها ووحده شلها طائر وفر =ولعاد حد يقبضه ذاهو في السماء طاير وفار
ثنتين شر منهن تخب تحت الشجر = والثالثه والرابعه عدنا عليهن في شجار يالبكري التاريخ مايظلم جليلين العجر =الوعل يبقى وعل ماحد بيكتب اسمه جعار وانك مشكك او معك في كلمتي وجهة نظر =باننتظر لكن عسى ماعد يطول الأنتظار |
|||||
06-07-2006, 02:46 PM | #388 | |||||
حال متالّق
|
بامشي سعيف الجيد يامجمل ولازم باظفر =لاسرت سعفه بايوديني على دربه ظفار
ماغير ذلك لاخساره من تبعهم بيخسر =ويذل نفسه من سعف للذي يقع اوفيه صار وذكرت لي تمر الزجاجه يامجمل والذبر = في الخيل ماشفته مسوي نار في قرن الحمار مابا كل الشيشي وولابانؤكل البرحي وغر =ماشي كما الحجري مع لحم العراسي والجفار |
|||||
06-07-2006, 02:50 PM | #389 | |||||
شاعر السقيفه
|
يابونمر لا بد ما نميز عامر من عمر = ان ماعرفنا نميّيزبينهم شفه علينا عار
والثالثه والرابعه لهن لابدمانقص الاثر = لابد مانصلهن اذاما تحققنا من الااثار |
|||||
التعديل الأخير تم بواسطة البكري ; 06-07-2006 الساعة 02:55 PM |
||||||
06-07-2006, 02:59 PM | #390 | |||||
شاعر السقيفه
|
يابونمر لابد مانميّز عامر من عمر = ان ماعرفنا نميز بينهم شفه علينا عار
والثالثه والرابعه لابد لهن مانقص الاثر = لابد مانصلهن اذا تحقّقنا من الآ ثار |
|||||
التعديل الأخير تم بواسطة البكري ; 06-07-2006 الساعة 03:13 PM |
||||||
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
دركوا على حاج بامقنع وعا المردوف ..غن يالمغني صوات الدان بالمدروف | عيون المكلا | سقيفة عذب القوافي | 44 | 11-24-2012 03:10 PM |
رحلة مع شاعر الدان حداد بن حسن الكاف...!!! | أبوعوض الشبامي | سقيفـــــــــة التمـــــيّز | 26 | 09-29-2011 08:44 PM |
رحلة مع شاعر الدان حداد بن حسن الكاف...!!! | أبوعوض الشبامي | تاريخ وتراث | 26 | 09-29-2011 08:44 PM |
" الدان الحضرمي " بكافة تفاصيله في كتاب جديد لجيلاني علوي الكاف | حد من الوادي | سقيفة الأخبار السياسيه | 0 | 08-13-2011 02:24 AM |
|