((( الدان )))

[مجمل]

الله يصون الوعل ذي قرنه مزين بالعجر =تسلم من الافات لاياصقر ذي فالجو فار
الصبر ربك بايعينه من في الدنيا صبر =والصبر باتلقاه لاجاء يوم ما منه فرار
كل من حفظ دينه في الدنيا سعد يابونمر =يسعد ويستانس كما الحراث لاشاف المثار
لاتغبط الا من معه رشبه وعالبوري جمر = ومزله بوري من الحمي يطول بالعمار
وان شي قديمي ذي تقع فالقصع من فوق الكمر = والله باتنسى همومك للزمن قاسي وجار

[أبونمر]

مانا في الدنيا ولا في العشق طول ياعمر =العافيه مالي عسى يالله بس طول العمار
وبانراويك المذنب والمناصف في الخبر =واليابس المرزوم والذي في دروعه والوصار
واما القديميات والقصبي وياحي ماذكر = لالحقت لي قصبي زراف القرن ماهوقرن ثار
تردني بعد الشيوبه شاب بن اربع عشر= وتشل آثار الشيوخه والكهل وتزيدني ايضا وقار

[البكري]

شف القديمي لي معك ماليوم قده غبر = كمن قديمي مرمي في مكانه لدّحل والغبار
والشباب في القلب ماهو بتحسين الصور = مايرده شبابك لي معك مصرور في الصرار

[أبونمر]

الوقت يالبكري يشيب بك وعظمك لاانكسر=مابيرجع عاحسب ماقد كان قبل الأنكسار
والوقت هذا عيف تنوي خير لك ردوه شر =وتضيع جمالك وباتضيع حمولك والشوار
حتى الصفاء منك يبت ويجي لك بداله كدر=تفريط في واجبك اوتقصير في صاحب وجار
للآن عاد الأمر لي والله باقي ما احتزر =حيران في امرين يالبكري كما التوأم عبار

[البكري]

الامر الاول اليابس قط مايرجع خضر = ولا تستوي في الذوق يابونمر جميع الخضار
والامر الثاني القطار لي يقوده عور = باتضوي القطيره كلها بالمكسّر وصاحب العوار

البكري

[مجمل]

يامن خلقت الشمس في ذالكون واخلقت القمر = هون علينا يامهيمن ياعزيز الاقتدار
غايه رضى الانسان ماتلقاه في هذا البشر = خلك على دربك مع الاجواد باتجنى الثمار
واسميتلي فالخيل ذي فيه المذنب قد ظهر = تمر الزجاجه يالنمر يشفيك لاجاك الصفار

[أبونمر]

وحده قبضناها ووحده شلها طائر وفر =ولعاد حد يقبضه ذاهو في السماء طاير وفار
ثنتين شر منهن تخب تحت الشجر = والثالثه والرابعه عدنا عليهن في شجار
يالبكري التاريخ مايظلم جليلين العجر =الوعل يبقى وعل ماحد بيكتب اسمه جعار
وانك مشكك او معك في كلمتي وجهة نظر =باننتظر لكن عسى ماعد يطول الأنتظار

[أبونمر]

بامشي سعيف الجيد يامجمل ولازم باظفر =لاسرت سعفه بايوديني على دربه ظفار
ماغير ذلك لاخساره من تبعهم بيخسر =ويذل نفسه من سعف للذي يقع اوفيه صار
وذكرت لي تمر الزجاجه يامجمل والذبر = في الخيل ماشفته مسوي نار في قرن الحمار
مابا كل الشيشي وولابانؤكل البرحي وغر =ماشي كما الحجري مع لحم العراسي والجفار

[البكري]

يابونمر لا بد ما نميز عامر من عمر = ان ماعرفنا نميّيزبينهم شفه علينا عار
والثالثه والرابعه لهن لابدمانقص الاثر = لابد مانصلهن اذاما تحققنا من الااثار

[البكري]

يابونمر لابد مانميّز عامر من عمر = ان ماعرفنا نميز بينهم شفه علينا عار
والثالثه والرابعه لابد لهن مانقص الاثر = لابد مانصلهن اذا تحقّقنا من الآ ثار