ضريبة العشقه

[ابوفضل سالم]

ضريبة العشقة

سلام لك ياصاحب المعروف= لي عندنا تسوى كتيبه
عزّك وقدرك عندنا مردوف=لصغيركم وان كان شيبه
محمد العطاس لي موصوف=واحمد القبه حبيبه
انتم دوى احسن من المصروف=والقلب به حصّل طبيبه
شاعر على المغنا وعاالمدروف = ينظم قوافيه الغريبه
راسه قوي ماهو بحد مكلوف=بالرجل يرزح عالصليبه
قد شفت شيبه في الهوى مهتوف= عاده يدوّر له خطيبه
من جور مابه عالوقاء مكروف = مسكين في حاله صعيبه
وحلان في الوردي ولون الموف=بين القماشات الرهيبه
العشق في تالي زمن مكشوف = ولعاد له حشمه وهيبه
وصاحب المزحاه والجاروف=معاد حد بايهتري به
في العشدلي يشعط ولابه خوف = وحاسب ان ماحد دري به
باترجع التمره مع لقذوف =لصاحب النخله غصيبه
بالقامزي قد ردّوا المخطوف=جابوه من سوق الخريبه
لاتطلق المصرور والملفوف =كيس الذهب لاحد يصيبه
ولاتقع في عشقتك ملقوف=لاتحسب الدنيا نهيبه
تدخل بنفسك في مكان النوف = كل من دخل بايروح طيبه
صبرك على الدكمه وعالجلفوف=وادفع على العشقه ضريبه

اخوكم ابو فضل سالم