((( الدان )))

[الوسام]

	بسم الله الرحمن الرحيم سلام يالبكري ويامجمل ولك يابو نمر @ ولكل من في المنتدى شارك معا نا في الحوار حبيت شارك ليتني بشور معاكم اوقدر @ وان شي غلط يالربع دلوني وباللغي القرار هذي السقيفة منبر الشعار واصحاب الفكر@ دي با يتا بع مايفرق بين ليله والنهار

[البكري]

مرحيب مرحيب بمن معنا في السمره حضر = نعمك الوسام لي بايشارك مع الشعّار
ذا فصل والثاني نبا الليله سمرنا يطيب = بايريض هاجسي يابونمر لا سمرنا طاب
ومجمل بايشارك وظني فيه مابايخيب = والسبع معانا مابدا ظنّي فيه خاب

[أبونمر]

مرحيب ياحيا عدد طش المطر =بك يالوسام الخير عم بقعه مطار
وادي عمر خضر مع وديان سر =والأرض زانت للذي يدحق وسار

[أبونمر]

لي عوده يالبكري نجوب عليك وشكرا

[مجمل]

بكري ولد ساده وحط النار مثناة الحطب= ولاحسب للخيط ذي حطوه في راس القصيب
خسران فالحسبه ولاظنيت فالحسبه كسب = كسبان باجندوح ذي باع البغيه والصبيب

عذرا يابن هاشم غيرت قافية الشطر الاخير لسهولة القافيه ووزن البيت اعذرني

[أبونمر]

ماقدر نجازيك يالرأس الفكير الصليب =لأني نعدك من الناس الزيون الصلاب
ريتك تقع دوب يالبكري بشقي قريب =بايكمل الصفو لاكانوا صحابه قراب[
وانته من الأرض عندي دوب مانته غريب =من حجر لحصين وحده لاحصون الغراب
قارب شوي من بعيد الماح ماباتصيب =شف من بعد مابدا بندقه بالضبط صاب

[البكري]

الشمس لا شرقت ماعذرها عا وقتها باتغيب = من حضر له شكري ولا نعتب عا من غاب
اليوم جمعه بانسمع يابونمر ما يقوله الخطيب = وباننصت لكلامه شفه موجّه لنا الخطاب
بندقي المبعد بايصيبه ماحد عا بندقي بايعيب = من معه حسن السلوبه مابدا حد عليه عاب

البكري

[مجمل]

القول حبه وحب القول ذي هو رغيب =عدا شبابي ونا بدوي دجون الشعاب
القرص مفتوت واخصاره بطاسه حليب = ايام حلوه مضت بدوي رعا بالركاب
وبعد سافرت للغربه بغينا الكسيب = واتبخر الحلم ذي هو قد ذهب فالهباب
عدا زمنا ونحنا فالسفر هيب هيب = ماليوم شيبان قد روح علينا الشباب

[أبونمر]

هذا نصيبك من الدنيا وهذا النصيب = دنيا ندم ماكمل فيها لواحد نصاب
حد ضاق حاله وحد له حال فيها رغيب =يالله عسانا من اصحاب الحوال الرغاب
دنيا ندم علبوها كلما لك يطيب = تفقده في طين ساعه والبقاء والطياب
في جنة الخلد بجوار المحب والحبيب =يابخت منه لفعل الخير هاوي وحاب

[البكري]

هذه احوال الدنيا يفهمها كل عاقل لبيب = وحسبوا حساب الاخره قبلك الوالالباب
اذانادا المنادي علينا لابد له مانستجيب = فاز بها دنيا واخره من للحق استجاب

البكري