مجلس الدان الحضرمي

[عمر الذيب]

في زمن عشقي من اول كنت انا قود المسيره=انما ذلحين قدني احتياطي فوق كرسيه
مثل لي جاب المقص بيده وقطعبه حريره=بعد ما قد كان له قيمه وعالتجار مغليه

[الاسد القرشي]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

في زمن عشقي من اول كنت انا قود المسيره=انما ذلحين قدني احتياطي فوق كرسيه مثل لي جاب المقص بيده وقطعبه حريره=بعد ما قد كان له قيمه وعالتجار مغليه

الذيب له صوله وجولة بين خط ابين وصيرة = ياكم في الوادي ضحية سلّمت بين نابيه
ذاك الزمن لاول تعدى لي رفع قدر الصغيرة = يوم في القمة تعلت ذيبنا ماحد يواسيه

[البكري]

ذاك الزمن عدا وروح شل شره هو وخيره = وانت يالذيب تتفكر وتذكر لي تلقيه
مرت ليالي حالكه فصلت الريان من وادي حويره = ومن حبيبه هلك معد يصبح يناجيه

[سبع الليل]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

في زمن عشقي من اول كنت انا قود المسيره=انما ذلحين قدني احتياطي فوق كرسيه مثل لي جاب المقص بيده وقطعبه حريره=بعد ما قد كان له قيمه وعالتجار مغليه

لا تعابر عازمان اول وليام اليسيره=قد مضي ذي هو مضى ولعاد شي داعي تزكيه
الامور اتغيرت وتغيرت شبه الجزيره=ومن لقاء له شي في الدنيا بصر الله يهنيه

[سبع الليل]

شاورونا عالتجاره كنها يدي قصيره=التجاره ماتباء واحد يمد فرشه ويطويه
من معه شي قلب يقدم ماتهمه شي عسيره=ان ربح وان ماربح المال ذي حوزته يكفيه

[خرج ذا فصل والثاني]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

في زمن عشقي من اول كنت انا قود المسيره=انما ذلحين قدني احتياطي فوق كرسيه مثل لي جاب المقص بيده وقطعبه حريره=بعد ما قد كان له قيمه وعالتجار مغليه

في زمن عشقتك تتبع ياعمر زقره صغيره=وانما ذلحين قدهابالصبغ ليلي تداويه
لاتحسف مامضى راح خل آمالك كبيره=خاف يظهر ظبي ثاني إحكم الشبه وإرميه

[عمر الذيب]

اقتباس : المشاركة الأصلية كتبت بواسطة سبع الليل [ مشاهدة المشاركة ]

شاورونا عالتجاره كنها يدي قصيره=التجاره ماتباء واحد يمد فرشه ويطويه من معه شي قلب يقدم ماتهمه شي عسيره=ان ربح وان ماربح المال ذي حوزته يكفيه

عمت ياسبع الليالي في غبب سوداء غزيره=كم وكم من بحر خضته مارجع من فوق شاطيه
انما ذلحين قدني ما قدر عوم البحيره=شوفها الا بحر يلطم ماقدر عومه وعديه

[الواقعي]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

عمت ياسبع الليالي في غبب سوداء غزيره=كم وكم من بحر خضته مارجع من فوق شاطيه انما ذلحين قدني ما قدر عوم البحيره=شوفها الا بحر يلطم ماقدر عومه وعديه

عاد عضمك زين يا ذيبان والشقعه مطيره=مثل نهر النيل لي تعجب في الدلتا مساقيه
وانت مثل الهيج لي قد قاد يا كم من قطيره=با تشب الجحي واما الجول في يومين تطويه

[سبع الليل]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

عمت ياسبع الليالي في غبب سوداء غزيره=كم وكم من بحر خضته مارجع من فوق شاطيه انما ذلحين قدني ما قدر عوم البحيره=شوفها الا بحر يلطم ماقدر عومه وعديه

انت الا ذيب والذيبان جباره خطيره=ماتهاب البحر وامواجه ولا رفعه وواطيه
الظروف ذي هي تخلي صاحب القوه المثيره=يحتكم لحكام غبراء ماتدانيها معانيه

[محمد سعيد بن مخاشن]

في زمن عشقي من اول كنت انا قود المسيره = انما ذلحين قدني احتياطـي فـوق كرسيـه
مثل لــي جاب المقص بيده وقط ّ ع بـه حريـره = بعد ما قد كان له قيمـه وعالتجـار مغليـه
( عمر الذيب )

اقتباس : المشاركة الأصلية كتبت بواسطة الواقعي [ مشاهدة المشاركة ]

عاد عضمك زين يا ذيبان والشقعه مطيره=مثل نهر النيل لي تعجب في الدلتا مساقيه وانت مثل الهيج لي قد قاد يا كم من قطيره=با تشب الجحي واما الجول في يومين تطويه

يقول المثل ( إللي فيك ما يخلّيك )

إنكسر ما العظم لا يا الذيب يبغى له جبيره=ما تفيده قولة الله ربّنا هو با يعافيه
ما إشتحنّا بهل عندل با لهم ألاّ طريره=بس بنادم ما يخلّي له حواله ذاك ذي فيه

محمد بن مخــاشــن