مساجلات الزامــــل الشعبي

[طالب النعماني]

مرحيب بالشعار
اهلا شعار المثمون
هذا والا بلاش

[محمد سعيد بن مخاشن]

شل شاة الرعاه اليوم شو الذيب لشخم=ذا عليهم مقدر ... ذا من الله ريده
من قصد منهّـم ذلحين وألا تكلم=ويش ينفع قصيده بعد دحر العضيده؟

محمد بن سعيــد بن مخــاشــن

[غالي الأثمان]

صح لسانك اخوي محمد بن مخاشن كلمات قويه والذيب تذيب يوم شاف الراعي تسيب !!

[أبونمر]

حي الله اخ مرعي شرفت يالغالي ومبروك عليك الشهر وكل عام وانته بخير

لاسمعت الزمل والهوك حالي تنسم =وانشرح خاطري لاقد لحق مايريده
يوم مرعي وصل ذلحين بالصوت بازهم=عالبقيه يجوا من يام وإلا عبيده
عامجمل وعاطالب وعالسبع باعزم =وابن خنتوب ذي ضايع علينا بريده
وعالحضور الأكارم واجب اني نسلم =السلام عليكم ياشنوف العضيده

[أحمد العمودي أبوفيصل]

اقتباس : المشاركة الأصلية كتبت بواسطة المخشني

شل شاة الرعاه اليوم شو الذيب لشخم=ذا عليهم مقدر ... ذا من الله ريده من قصد منهّـم ذلحين وألا تكلم=ويش ينفع قصيده بعد دحر العضيده؟ محمد بن سعيــد بن مخــاشــن

مامحمد تكلم علينا قد تحطرم = من سمح ماتعلم بألبلاجيك الفريده
مايفيد الندم لاصرت ياشيخ محطم = يامحمد تفهم راجع كلامك ونشيده

[ثابت بن ماضي]

شهر مبارك وكل عام والجميع بصحه وسعاده اسمحوا لي ايه الاحبه ان اشارككم زاملكم كما ارجوا ان تسمحوا لي بهذا بالفصل

وين طالب حسن بندقه شوفه مأمن=ماقرح من زمن أيش السبب يالجماعه
وأن ظهر في العلن وألا في الحال بعلن=وأن رجع للوطن برسل لوادي قضاعه
انا تعبني السهن وياكم مثيلي مساهن= له زمن مارطن والشعر طاوي شراعه

[أحمد العمودي أبوفيصل]

مرحبا مليون بثابت انست وشرفت الزامل

[البكري]

اقتباس : المشاركة الأصلية كتبت بواسطة ثابت بن ماضي

شهر مبارك وكل عام والجميع بصحه وسعاده اسمحوا لي ايه الاحبه ان اشارككم زاملكم كما ارجوا ان تسمحوا لي بهذا بالفصل وين طالب حسن بندقه شوفه مأمن=ماقرح من زمن أيش السبب يالجماعه وأن ظهر في العلن وألا في الحال بعلن=وأن رجع للوطن برسل لوادي قضاعه انا تعبني السهن وياكم مثيلي مساهن= له زمن مارطن والشعر طاوي شراعه

ياذي تسال تان عالذهب خير معدن = كل غالي الثمن يعترف من طباعه
بغيت سلوى ومن ماشوفها من زمن = لحمها فيه السمن غلت وقت المجاعه
رعد المناشي حن وكير الصوغ راشن = والادمي الفطن العيش ساعه وساعه

[ثابت بن ماضي]

بات راسي يحن وبتت لحن ودندن=لين ما الليل جن والصبح شعشع شعاعه
غمض الجفن كن القلب ماطاع يسكن=قد تذكر زمن عدا كما طين ساعه
في ربوع اليمن في خير ديره وموطن=حيث مايرتعن لضبا بروس الفراعه

[ثابت بن ماضي]

الظاهر ان طالب خارج التغطيه وهنا اوجه الدعوه للجميع بالمشاركه واعتذر اذا كان الفصل غير مناسب او اذا دخلت عرض كما يقولون . وساترك الفصل لاي واحد من الشباب وسنشارككم بعد ماتفصلون