مساجلات الزامــــل الشعبي

[بن عسيم]

بديت بسم اللي خلق لنسان=وغيره في اللون والاشكال
سلام للشعارفي الميدان=الكل منهم يستلم فالحال
ماخص حدمخصوص من الاخوان=اشوفهم كلهم كمارجال

[أحمد العمودي أبوفيصل]

بسألك ياثابت عن الألبان = لأنك لاشربها دايمن ميال
أيه لي يطفي ظمى الضميان = رد علي بسرعه وبعجال
يمكن زمن اول طعمها فنان = لوكان شي عده طعمها مازال

[أحمد العمودي أبوفيصل]

كلن هنا يشكي وانا بشتكي = كلن صبح يشكي وأصحابه معاه
الوضع في الداخل شوفه معتكي = كلن بغى ينهش ماحصل مناه
يكفي من الماضي لي ماينتسي = يكفي من عنتر ومن ليهو رعاه
الوضع صبح ممتاز بقدرة معتلي = الله يحفظها ربي في سماه

[احمد العمودي]

ما حد بكى على اللي أبد ما ينبكي

والزين اللي مثلك سرح خلاه

منه معك قسمك ولا مختبي

واذا تبتعد منه هنا المأساه

[مجمل]

كلن صفي جوه وجوي ماصفي = هذا نصيبي قال شاعر فالحياه
كل مامشى مترين موترنا البطي=عدنا ثلاثه مادرينا وش بلاه
هل هو من السواق ذي فيها علي = والا من الركاب ذي فيها حفاه
ماتعطي السواق ع مايشتهي =كلن يشلح والمخرب من قداه
فالسوق حد يعرض ولاخر يشتري= وان باعوا الموتر ترى جات البداه
نقمس سواء ماحد على حد معتلي = والتاليه كلن يقلد ع فناه

[أحمد العمودي أبوفيصل]

كله من الركاب ماهو من علي = كلن بغى يركب ولاهمه أخاه
كلن بغى ألأول على مايشتهي = يبغى ألأول وخلق الله وراه
كل ماطلع سواق قلنا منتهي = بيجيلنا أخر عاده في عماه
أحسن لهم ينباع عاواحد ثري = بايصلح المؤتر وهذه هي البداه

[شيخ المناصب]

صح لسان يا الغازي

[ثابت بن ماضي]

سلام عل الشعار خص المبتدي=ذي هو حكم ساسه وحكم في بناه
وسلام ثاني عل ذيهو ماعكي= شرح لنا موقفه من كل اتجاه
سمحوا لنا ابغا بدلوي بادلي=في ماحصل من فعل سبته الشناه
كل ماصفاء خمجوه قالوا ماصفي=وكيف بايصفاء وكلن من قداه
حاقد وحاسد والذيهوا مبتدي=يبغاء يجرب خاف تسعفه الحياه
وأن شي قصر بايدخل اليد الخفي=وابليس بايدخل ويمشي عاحذاه
افيين اهل العقل ماحد قال شي =لكن ربك فوق ينظر من سماه
ذا فصل يابو شيخ انت أسألتني=في فصل سابق كنت تسأل عن وصاه
ذك تركت الشيبان ماباتنتسي=ياحي ذاك الوقت ذي ماشي كماه
ماتوا ولكن صيتهم مازال حي=لأن كل رامي قد نجب بعده رماه
وتركوا الميازر يلولي يبن الولي= وشيبانكم ايضاً لكم تركوا الولاه
ديار النبوه عل العوايد تحتمي= واحنا لكم لو حد عطا صوته ملاه

[أحمد العمودي أبوفيصل]

جوب ماثابت لي مايختفي = تربات ذك الحصن لي ماشي كماه
معروف بن ماضي دايم لي وفي = حتى في الرمضاء باندحق قفاه

[محمد سعيد بن مخاشن]

اقتباس : المشاركة الأصلية كتبت بواسطة مجمل

كلن صفي جوه وجوي ماصفي = هذا نصيبي قال شاعر فالحياه كل مامشى مترين موترنا البطي=عدنا ثلاثه مادرينا وش بلاه هل هو من السواق ذي فيها علي = والا من الركاب ذي فيها حفاه ماتعطي السواق ع مايشتهي =كلن يشلح والمخرب من قداه فالسوق حد يعرض ولاخر يشتري= وان باعوا الموتر ترى جات البداه نقمس سواء ماحد على حد معتلي = والتاليه كلن يقلد ع فناه

موترك قد باعوه في منفذ حضي=مسمار في عندل وصاموله بساه
والسايق إللي كنت ظنه قبولي=وقع وحط يمناه في طاسة عشاه
ولعاد ببكي لك ولا تشكي علي=بالشان يا مجمل نحصل شي نجاه
مسكين بن مخشون في شخره بلي=سلاّه في عينه وسبقتها قذاه

محمد بن سعيــد بن مخــاشــن