مساجلات الزامــــل الشعبي

[محمد سعيد بن مخاشن]

اقتباس : المشاركة الأصلية كتبت بواسطة ثابت بن ماضي

وان كانك اتناسيت ذيهو من بطي=لابد ماذكرك بيام الطغاه ايام لاتذكرتها يدوي دوي=فكري وحس العقل يالعقال تاه ايام عدت السوي ماهو سوي= والفسل حصل يامحمد ذي بغاه هذا الذي بينت لك واما الخفي=اكثربجم لكن ذكره مانباه وختم هذا القول صلوا عل النبي=صلاة ربي عل النبي ازكاء صلاه

ولْد الهلالي شوه ما يدري بشي=التابعيه بلكرم ربي عطاه
يرفل في النعمه وغيره مصطلي=بالنار ذي تكوي المؤخر والجباه
أندر قدا الأوطان يا هذا العني=يا كم هرم فرعون بالسُـخره بناه
ذي لقاه صاحبنا القديم الأولي=والله ما يبلغ عشُـر ذي هو لقاه
واليوم ما دافع عن إبن الشاذلي=لكنني مبغى حرامي جاء كماه
وختمها بصلاه جم عا الهاشمي=ما ورّث إبنه أو علي أو من يباه
ما هو كما حسني ومعْـمَـر قاذفي=با يخلفوا لك بعدهم ( وِدْ ) أو ( مناه )

وِد و مناه = من أصنام قريش

محمد بن سعيــد بن مخــاشــن

[ثابت بن ماضي]

اقتباس : المشاركة الأصلية كتبت بواسطة المخشني

إخواني الشعار المبدعين ... مجمل وثابت بن ماضي والغازي: أبدعتوا وأمتعتوا. والشعار لازم يتضادون في السمر لكي تحلى الجلسة. بمعنى آخر ... لو قلتوا يمين سأقول شمال ولو قلتوا شمال سأقول يمين وإلا سنصبح كالقطيع يمشي في إتجاه واحد. و......... ( ألا ترى أنهم في كل وادٍ يهيمون وأنهم يقولون مالا يفعلون؟ ) صدق الله العظيم. والله يخواني ذُ كُـر مالا عِـني=آقول ( زَح ) وإقصد بـ ( زَح ) وقّـف و ( حـاه ) محمد بن سعيــد بن مخــاشــن

================================================== =
اخي محمد الكلام اعلاه جميل جداً جداً ولا عليه اختلاف بل ويسعدنا جميعاً ان نكون فريقان أو اكثر من اجل الاثاره
ولكن لي ملاحظه على بيت الشعر لمن تقال (زح) ولمن تقال (وقف) ولمن تقال (حاه)؟؟؟
ونحن ثلاثه فأن كان لنا الاختيار فأنا اختار (وقف) والجماعه يتقاسمون الباقي. هههههههههههههههه هذا من اجل الدعابه لااقل ولااكثر واعرف ماتقصد يلمخشني

[ثابت بن ماضي]

ذا فصل يالهاجس خرج ولادخل= ولا الحليله عايميني واقفه
ومادامني في مشكله عجل بحل=عجل بحل ان كان عندك سالفه
المخشني بالشيش في الضمنه قفل=مسكين مايعرف زقل بالطارفه
ويقول ثابت قد غفل مابا غفل=بحكم بعقلي ماحكم بالعاطفه
لاتقول لي حسني ولا زعماء الدول=ما حد مثيله في المناطق كافه
وحد ومافرق ويضرب به مثل=وسجل له التاريخ بعض امواقفه

[طالب النعماني]

يامرحبا بالقول ذي طعمه عسل=صاحبه يعرفني وطالب عارفه
قلوا لثابت ذي يدحق في العمل=ذكروك خالفته وانا باخالفه
يالمخشني ثابت في القسمه عدل=وانتوا رضيتوا تنقسم بالناصفه
واحنا وشعار السقيفه في الجبل=تعصف بنا في كل ساعه عاصفه

[أحمد العمودي أبوفيصل]

ثابت في القسمه شوفه ماعدل = يمكن هالايام حواله ناشفه
الزح لبن مخاشن لازم يكتمل = حسب العوايد لوله والسالفه
مكتوب في خطه ياثابت قبل = ورثه من ألأجداد ماهو عايفه
غلطان ياطالب خلك مستقل = تشهد مع ثابت شهاده زايفه

[ثابت بن ماضي]

ان كانني زليت قبلي الشهر زل=وماباتلفظ بالهروج الجافه
على سبيل البسط بينت الخلل=ولصواب ماتاذي اذا هي طافه
انته جبل وش بايرقل بالجبل=ماترتقل مثل الحيود النايفه

[ثابت بن ماضي]

ذا فصل والثاني صحابي وينهم=افين رحتوا قل لحمران العيون
يرتاح قلبي يوم ضلي بينهم=لو زعلوني الزعل منهم يهون

[طالب النعماني]

لو ماتعين الربع من بيعينهم=ازهم عليهم قل لثابت تليفون
وانك على دينك وهم عالدينهم=كلن يروح والمقدر بايكون

[ثابت بن ماضي]

سيل الشعاب المروسه شل طينهم=وقطب جربهم قل طالب والدفون
وان كان ماعرفوا حذر تحكي لهم=للاه في خلقته وبخلقه شؤون
سددت ديني ولي تبقاء دينهم=باينقضي في يوم تتقاضاء الديون
وان كان سمحوا ايش باتلقي لهم=وان كان يبغوا حق منه يطلبون
ان كان جاهم حقهم هذا المهم=وان ماعرج للحق يرمون الزبون
وباتدخل الجاويد فيما بينهم=وبانكون نحنا خشم مابين العيون

[محمد سعيد بن مخاشن]

اقتباس : المشاركة الأصلية كتبت بواسطة ثابت بن ماضي

ذا فصل والثاني صحابي وينهم=افين رحتوا قل لحمران العيون يرتاح قلبي يوم ضلي بينهم=لو زعلوني الزعل منهم يهون

ثابت وبو راضي حرقنا بنّـهم=لا قد ذكرنا الحق منّـه يحنقون
غشمان عا الكزمه ولا با حِنّـهم=من بعد ما إنفطموا بغوا با يرضعون
قد كنت أنا جاهل وأنا في سنّـهم=وبغيت با خلّي عدب مثل القطون
لُمّـا عرفت إن أهل حدرى دلّهم=ما هو كما دل العوابث في الحصون

محمد بن سعيــد بن مخــاشــن