|
|
09-30-2007, 03:56 AM
|
#1 | |||||||
|
حال نشيط
 
|
سلام عل الشعار خص المبتدي=ذي هو حكم ساسه وحكم في بناه
وسلام ثاني عل ذيهو ماعكي= شرح لنا موقفه من كل اتجاه سمحوا لنا ابغا بدلوي بادلي=في ماحصل من فعل سبته الشناه كل ماصفاء خمجوه قالوا ماصفي=وكيف بايصفاء وكلن من قداه حاقد وحاسد والذيهوا مبتدي=يبغاء يجرب خاف تسعفه الحياه وأن شي قصر بايدخل اليد الخفي=وابليس بايدخل ويمشي عاحذاه افيين اهل العقل ماحد قال شي =لكن ربك فوق ينظر من سماه ذا فصل يابو شيخ انت أسألتني=في فصل سابق كنت تسأل عن وصاه ذك تركت الشيبان ماباتنتسي=ياحي ذاك الوقت ذي ماشي كماه ماتوا ولكن صيتهم مازال حي=لأن كل رامي قد نجب بعده رماه وتركوا الميازر يلولي يبن الولي= وشيبانكم ايضاً لكم تركوا الولاه ديار النبوه عل العوايد تحتمي= واحنا لكم لو حد عطا صوته ملاه |
|||||||
|
التعديل الأخير تم بواسطة ثابت بن ماضي ; 09-30-2007 الساعة 05:10 AM |
||||||||
|
|
09-30-2007, 04:28 AM
|
#2 |
|
شاعر السقيفه
|
جوب ماثابت لي مايختفي = تربات ذك الحصن لي ماشي كماه
معروف بن ماضي دايم لي وفي = حتى في الرمضاء باندحق قفاه |
|
|
|
10-01-2007, 03:02 AM
|
#3 |
|
شاعر السقيفه
|
بن مخشون متأكد منهو المشتري = كأنه في البيعه وقع من قداه
المؤتر الفنان يمشي لولي = ساعه بألتعشيق وساعه في خلاه ناس حساده ودها ينتهي = حطوله التغريز وربي قدحماه ماطور يترنم على ماتشتهي = يعبر في الرمله وعاكوره وراه |
|
|
|
10-01-2007, 10:32 AM
|
#4 | ||
|
نائب مشرف عام قسم الأدب والفن
|
قد كان وادي العين يسقي الهابطي=واليوم مأرب فر به ماهو زحاه وسيل وادي العين رحمه تنبغي=وسيل مأرب جُهِل من ذي هو بغاه؟ قد دمر السد الذي ما ينبني =مثله وحال أهل الزراعه لا حفاه ويغزهم شوك السمر ما شي حذي=والناس يا بو شيخ في الوادي حفاه كم من كريم الأصل زين المحتدي=وعشاه هذا اليوم ما يلحق ضحاه الهـــابطــي = جرب كبيـــــر محمد بن سعيــد بن مخــاشــن
|
||
|
|
|
10-01-2007, 05:39 PM
|
#5 |
|
شاعر السقيفه
|
الساس ماكن بالحجر يالمخشني = كل من قمس قدام لايرجع وراه
بيني وبينك خط ماهو منتسي = نحنا شراكه يامحمد فالحياه وان كان باتبغى على ماتشتهي = كل من تمنى شي مايلحق مناه تهمه وراء تهمه ونا منها بري = قصدك تبا ترجع لماضي مانباه واليوم مستقوي بجارك باجري = يفتن عباد الله ربي قد بلاه فكر ودقق لاتصدق كل شي = والا تقابظنا وكلا من قداه |
|
|
|
10-02-2007, 12:32 PM
|
#6 | ||
|
نائب مشرف عام قسم الأدب والفن
|
الناس تحسدني على الجار الذي=من ما دري بايقول: يا ربي رعاه قلبه كما الجلمود لا هو قد قسي=وإن كان هو قد لان قلبه كالحصاه محمد بن سعيــد بن مخــاشــن
|
||
|
|
|
10-01-2007, 10:48 PM
|
#7 | |||||||
|
حال نشيط
|
يابن مخاشن لتلبس كل يوم زي=ولايغرك من تدغشر في كساه
شيذرك مامثله وشالك كابلي=وبندقك بومقصين عاده في غشاه حط فيه خمسه من رصاص الذايبي=وحطه على كتفك لأن ماشي كماه والاصل بايأهلك تقمس لولي=وخل الحثاله كل واحد في خلاه وان كانك اتناسيت ذيهو من بطي=لابد ماذكرك بيام الطغاه ايام لاتذكرتها يدوي دوي=فكري وحس العقل يالعقال تاه ايام عدت السوي ماهو سوي= والفسل حصل يامحمد ذي بغاه هذا الذي بينت لك واما الخفي=اكثربجم لكن ذكره مانباه وختم هذا القول صلوا عل النبي=صلاة ربي عل النبي ازكاء صلاه |
|||||||
|
|
|
10-02-2007, 12:57 PM
|
#8 | ||
|
نائب مشرف عام قسم الأدب والفن
|
ولْد الهلالي شوه ما يدري بشي=التابعيه بلكرم ربي عطاه يرفل في النعمه وغيره مصطلي=بالنار ذي تكوي المؤخر والجباه أندر قدا الأوطان يا هذا العني=يا كم هرم فرعون بالسُـخره بناه ذي لقاه صاحبنا القديم الأولي=والله ما يبلغ عشُـر ذي هو لقاه واليوم ما دافع عن إبن الشاذلي=لكنني مبغى حرامي جاء كماه وختمها بصلاه جم عا الهاشمي=ما ورّث إبنه أو علي أو من يباه ما هو كما حسني ومعْـمَـر قاذفي=با يخلفوا لك بعدهم ( وِدْ ) أو ( مناه ) وِد و مناه = من أصنام قريش محمد بن سعيــد بن مخــاشــن
|
||
|
التعديل الأخير تم بواسطة محمد سعيد بن مخاشن ; 10-02-2007 الساعة 01:13 PM |
|||
|
|
|
10-02-2007, 12:54 AM
|
#9 |
|
حال جديد
|
ماشي قنع مادام عادك وحــــــدوي=ولا قر منام العين في ليل الدجاه
عابات فكر كيف في هـــذي وذي=ولي قده سابر كيف يغير لتجـــاه كمين ضدي وكم لي عدهم معـــي=وهل بايطول العهد لاناسي معـــاه شي ذكر رماه العهد ذاك الأولي=أصبح سبب اليوم عانقطــف جــزاه |
|
التعديل الأخير تم بواسطة بدوي الجبل ; 10-02-2007 الساعة 01:13 AM |
|
|
|
|
10-02-2007, 02:31 AM
|
#10 | ||||||||
|
ابوراضي
|
ماشالله عليكم ياشعارنا
امتعتونا بهذا القصيد الجزل والمعذره لو قصرت معكم ولكن والله ان الوقت مايساعدني اشكركم على تفاعلكم وتواصلكم معنا |
||||||||
|
|
 |
| مواقع النشر (المفضلة) |
|
|
|
|
العرض المتطور
