مساجلات الزامــــل الشعبي

[الطامع]

من يشتكي الضارب باقول له حجم = والدم بايصفا لي هو في الوريد
حكم سواس الدار ولا تخاف الهدم = لنته وسط دارك با تمسي سعيد

[البكري]

ماتفيده الحجماه لاقد العظم رم = والمصيبه انه من الكي مابايستفيد
ان كان شي ينفع معه عود البشم = بانقول يادركاه قبل للعله تزيد

[الطامع]

كلين نا شوفه بنادم محترم = انه من الهجرين أو حل الرشيد
من عاش بين الناس دايم محتشم = بايذكرنه الناس في كل القصيد

[القنّاص]

الطير الا طير لقنصه ماعزم = عالوعل مشوافي واقناصه تفيد
يصعب طلوع الحيد لمن كانه قزم = يسهل على العملاق ومقدم وسيد
وتراثنا الزامل مابين الامم = لاتجيه يالجاهل بعد منه بعيد
البهم افضلك ترعى والغنم = كيف ينال المجد من اصله بليد

[الطامع]

أخوي القناص حفظه الله ورعاه

يا أخي العفو منك هل تقصدني بهذا الكلام ؟

أن كان نعم جوابك فأرجوا ذكر السبب على الرغم اني ذكرت البيتين الأخيره وهي واضحه ومعناها واضح اني لم اذكرك ولا غيرك بجهل وخلافه :

كلين نا شوفـه بنـادم محتـرم انه من الهجرين أو حل الرشيد
من عاش بين الناس دايم محتشم بايذكرنه الناس في كل القصيـد

وهو جواب على كلام الأخ البكري حفظه الله.

أما من حيث وزن الزامل فأنا أقبل التحكيم من قبل الأخ أبو راضي يحكم بين أبياتي وأبياتك من حيث الوزن وتكرار القوافي فإذا أصبح وزني مختل فوراً انسحب والوجه من الوجه أبيض .

لك تحيايي

[أحمد العمودي أبوفيصل]

اقتباس : المشاركة الأصلية كتبت بواسطة الطامع

من يشتكي الضارب باقول له حجم = والدم بايصفا لي هو في الوريد حكم سواس الدار ولا تخاف الهدم = لنته وسط دارك با تمسي سعيد

يالي بغيت الصدق جاوبني نعم = شي عندكم عده قلي ياوليد
ضارب في راسي ياكثر ألألم = دركاه ياطامع أرسلي عبيد

[أحمد العمودي أبوفيصل]

كل من معه همه قبالي يصطلب = وينه صليب الرأس لي راسه صليب
دورت عاطالب في نهار الطلب = ريته دخل بين المطالب والطليب
المخشني قد غاب في وسط الغبب = من الفجر دورله لمى المغيب
نيران من بعده شفها تلتهب = والشوق لبو مخشن يلهبها لهيب
ولابدى ثيران قالوا تحتلب = ذلابقار مناح لي تلقي حليب
واليوم مالبكري بيشوف العجب = يومه يتقلب مالبكري عجيب
لابد ماخليه ينسى النسب = من سمح أنا عده عمي والنسيب
يالي بغيت الموت مالليله قرب = لاتبتعد خلك من الغازي قريب

[الطامع]

اقتباس : المشاركة الأصلية كتبت بواسطة الطامع

كلين نا شوفه بنادم محترم = انه من الهجرين أو حل الرشيد من عاش بين الناس دايم محتشم = بايذكرنه الناس في كل القصيد

المشكله لا جاك ذا واحد عجم = ومعه عور لاقيه له ساعي بريد
ان جيت تهرجهم حسبوها لقم = العقل ذا مشغول في أكل الحنيد
كم لي ونا علم يا كم لي وكم = مابا يفيد العلم في واحد معيد

[محمد سعيد بن مخاشن]

المخشني لا غاب با يجيب الذهب=والدر من غبة قمر يا با صليب
تبت يدينه بو لهب والله وتب=منّـه أذيه با تجي ميجيك طيب
وعاد غيره شف غرامه له سهب=لا شاف عين البير يرجع من قريب
قل للعمودي يلتزم حد الأدب=وألا جرابه والله إنه با يغيب
خمير والروبه غذاء له ... ما يحب=مضبي ومندي والبغيه من حريب

محمد بن سعيــد بن مخــاشــن

[الطامع]

اقتباس : المشاركة الأصلية كتبت بواسطة الغازي 2007

كل من معه همه قبالي يصطلب = وينه صليب الرأس لي راسه صليب دورت عاطالب في نهار الطلب = ريته دخل بين المطالب والطليب المخشني قد غاب في وسط الغبب = من الفجر دورله لمى المغيب نيران من بعده شفها تلتهب = والشوق لبو مخشن يلهبها لهيب ولابدى ثيران قالوا تحتلب = ذلابقار مناح لي تلقي حليب واليوم مالبكري بيشوف العجب = يومه يتقلب مالبكري عجيب لابد ماخليه ينسى النسب = من سمح أنا عده عمي والنسيب يالي بغيت الموت مالليله قرب = لاتبتعد خلك من الغازي قريب

قدها لك العادات للعيفه تخب =مابا سعف للعيف ولاله بستجيب
المخشني لاغاب لاتظنه هرب = مشغول مايلتام ولا حد له يعيب
نحن القبايل هرجنا كله ذهب = مثل البغيه هرجنا صافي صبيب
مثل البخور الزين في المجلس ينب = وان كان حد مهموم به نفسه تطيب
وانته عليل القلب ماشي فيك طب = ما يرتغب هرجك ولاحد له رغيب
منته مثيل الجيد مفتول الشنب = عادك صغير السن وعظمانك رطيب