((( الدان )))

[البكري]

لاوصلت الوطن عاراسك نا بازمل = باقول راد ياعواد رجع راس المال
وباتتبدّل الاحوال والخير بايكمل = والبدر في جوف السماء بدايته هلال

[alraai]

ونا ودي معك حتى على لقدام بترحل = ولا غبطه معي مسواء لذي هو في بلاده حال
وكل من كان شوره بيد غيره غصب يتقبل=ويصير لجل ذي في قوتهم مبعد نقح مكيال
ولا يرضون لاما قوتهم كل يوم يتشكل= وذا يبغاء قلم وآخر بغاء للمدرسه بنطـــــــال
ولا ضنيت عدشى حال غير الحال يتبدل=ولا ذكرت الزمن ذي كان دمعي فوق خدي سال
زمن ماشل شئ بالشكل شله دوب بالبندل=ولا حسب ولا فكر ولا دنيا طرت ع البال

[البكري]

اذا الانسان في حياته لحب الخيريعمل = وعلى طريق الحق يمشي ما مال
يعيش في بلاده قانع بماكتب له يقبل = وبحبل مولاه تمسّك وترك جميع الحبال

[مجمل]

انا لاحل حله ياطــــويل العمر بتجمل = بغيت الا مذنب مابغيت التمر لاقـــــــــــــد دال

وبابطل في الغربه انا من صدق بابطل = معد شي مصلحه تذكر مع الهندوس والبنقال

****************

[البكري]

قصدي لباس الصوف وانته قصدك المخمل = والادمي يفخر لا لقا لولده خال
والولد يتفاخر باخواله ولاجلهم دوب يتحمّل = والخال يصبح والدصدق ماهو محال

[أبونمر]

اذا كانك بغيت التمر قالوا شفه في عندل =وترك في الحروف الباقيه وقبض بحرف الدال
وحل في القطن والغرفه على الفقوز والحنضل =وناضل منها ماشي يجي لا بالتعب ونضال
ولا تلبس حذين البوت في رجلك لبس صندل=ولا تشكي من الآلام ذي هي في الركب والصال
وكافح عالمعيشه في الوطن واسعى لمستقبل =يضي لك درب مظلم ساعة التدبير والأقبال

[الشهاب الساطع]

سلام مني للعرب لي منهم مشعل ** لي رافع الراية نمر لي في السماء شعال
ياتاج راس العرب شف لبنان تتحمل ** بعد الصواريخ الكبيرة جات سفنهم بالمحال
كمن طفل مالة في المدخل وفي المنزل** قتلوة ثم نسفوة مقاطيب الحبال

[البكري]

وحزب الله بالضربه لي لقاها تجمّل = قال نصرالله انظروا للبارجه قرحها لهم في الحال
والنصر من الله بايجي وعده لنا مقبل = يالسهم ماشي عذر باتشل القواسم والقبال

[يسلم صالح بن عكعوك]

وحزب الله يالبكري من النيران يتملمــل=ولكن ذي بجمبه كلهم يتململو مــــلــمــــال
ولا واحد طلع شاطر يريده صاحبه يفسل=يريده مثل بن عمه وخاله كلهــم فـــســــال
ردي مادام فك الباب ذي مصكوك ومقفل=يبا يرضي زميله بوش بايكسر له الاقفـــال
من اكبر لايمه با يخلط البسباس فالجلجل=وهو جلجل مندب صاحبه قد جلجله جلـجال

[البكري]

اذا كانت القياده خايبه الشعب ايش بايعمل = الشعب يايسلم يبا من يقوده لخير الاعمال
والجها د كلمة وحدة اذا علناها لنا الدين بايكمل = وبايخاف العدو منا اذا وصلنا للكمال