((( الدان )))

[أبونمر]

لغير الله لكشف الضر ماندعي ونتوسل =ولاحاجه من المخلوق وحده عنها بانسال
بهمتنا وقوة عزمنا في الله نتأمل = قريب النصر منا عادها ماخابت الأمآل
وأهل النصر عدهم منهم للآن ماتوصل=احد منهم من الذي بايخلون العدو اوصال
وحال الناس والأمه لحفظ النصر ما تأهل =بغا ايمان يتقوى ويبغي عاد له أهال

[البكري]

لاتقطع الامل في المجنون يجيله يوم يعقل = ويصبح في القعيده يتناقش مع العقّال
والطفل لي في المهد بين الايادي يحمل = ولا كبر كم يشل على ظهره من الاحمال

[مجمل]

فصل جديد يابوعبدالله حقه معه

[أبونمر]

من عندك يابوعبدالله ان شي جديد

[مجمل]

ايش باقول في ذ الوقت ياهل المغاني = ضاع عقلي وضاع الخو هو والحميه
ايش باقول والهاجس تركني جفاني = قد تركت السمر لاهل القلوب السليه

[البكري]

قال مجني وهو في الاصل جاني = وانا مسكين حسابي على الوليه
لا جل السمر نا جيتكم عاني = والسلا له في داخل القلب حنّيه

[أبونمر]

ايش الذي جرى مشاركات كثيره محذوفه حاول يابوعبد الله تعيد القصيده ماشفنا البدع حقك

[مجمل]

اقتباس : المشاركة الأصلية كتبت بواسطة مجمل

ايش باقول في ذ الوقت ياهل المغاني = ضاع عقلي وضاع الخو هو والحميه ايش باقول والهاجس تركني جفاني = قد تركت السمر لاهل القلوب السليه

هذا الفصــــــــــــــــــــــل الجديد

[أبونمر]

صبركم عالجفاء لما يجي وقت ثاني =يامجمل تصبر فوق صبرك شويه
من صبر بايكل من كل عنقود داني =من خريف العنب ويشل منه هديه
والتعجل ندم والدي منه وصاني = والوصيه معي مابانخل بالوصيه
بابذل الروح للذي هو بدمه فداني =والسلف به سلف رد والعطاء به عطيه

ملاحظه ؟
هذا القافيه تروها زامل ياشعار ماهي دان

[مجمل]

تلخبطت الحسبه يابوعبدالله والله ياخوي خربت الهواجس معد عرفنا الزامل من الدان سامحنا