11-24-2006, 09:43 PM | #461 | |||||
حال نشيط
|
اخوي الغالي /ابو محمد
مريت على عجل ونزلت هذين البيتين اثبات وجود ..وخيرها في غيرها ..بارك الله فيك [b]ولعاد باقي في المسبت ولا عشرة =كل المخابيط ضاعت مابقي عشـري والمال ذي كان من مصدره يتعشر= معاد حصلت منه شي عشر واعشـار[/b] |
|||||
التعديل الأخير تم بواسطة بو فيصل ; 11-24-2006 الساعة 09:49 PM |
||||||
11-26-2006, 07:53 AM | #462 | |||||||
شاعرة السقيفه
|
فصل جديد:
ذا فصل نحنا يا العرب صرنا عجب= أمة ولا تلقى محل بين الدول
عبنا زمننا والزمن ما هو السبب=لابد نفتش عندنا فين الخلل كل من بيصلح شاننا هج وانسحب=لانّ الفساد اصبح فيِ الساحة بطل |
|||||||
11-26-2006, 09:01 AM | #463 | |||||
شاعر السقيفه
|
الخلل في قيادتنا ماحد لاصله انتسب = ولعاد حدمنهم يخلص للعروبه العمل
زمن كان نجمنا ساطع ماليوم قد غرب = قد حكمنا ارضنا وحكمنا لهم شمل نعود الى ديننا ونعمل ماعلينا وجب = بايعود لنا مجدنا وبايسطع نجمنا لي افل شبعنا من كلام وكم سمعنا من خطب = والشعب اليوم من مايقولونه مل |
|||||
11-26-2006, 08:49 PM | #464 | |||||||
حال متالّق
|
وش من عروبه عادها والعود نب =لادخلت الخشه في العود انتصل
عا قولة البكري العرب مثل الخشب =ياخير هم لما يلبسون البدل والوازع الديني من البعض استلب =لو شي ديانه قد لقوا الفين حل للقدس لو شي فوق كل لحيه شنب =لا الشيخ بايقتل ولا الطفل انقتل |
|||||||
11-27-2006, 10:16 AM | #465 | |||||||
حال نشيط
|
انا متابع لهذه المسلجله
المتعددة المواهب والافكار والطرح ويعجبني اكثر ذكى الشعار
ايش معنى هذا البيت |
|||||||
11-27-2006, 10:00 PM | #466 | |||||||
شاعرة السقيفه
|
في خلاف من قمنا على أصل النسب = وخلاف في الميراث ما سيب السقل
وصراع حول الحكم شب النار شب= ما توهد الا والعدو فيها شعل والحاصل اصبحنا حكاية في الكتب= تاريخ في العدوان عاده ما اكتمل لبنان تغلي والعراق اضحت لهب= والكل يتفرج ولاجاه الملل |
|||||||
11-27-2006, 10:54 PM | #467 | |||||
شاعر السقيفه
|
الهيج معاد ينفع اذا جاه الجرب = وكم من الاحمال على ظهره حمل
غصب يطلقه عصبه من بيده عصب = وبايطلّع الماء من دلوه نزل الآكله لي في الجسد معادلها طب = بايموت صاحبحها اذا جاه الاجل بايشيب على العاده لي عليها شب = ومن ربي على مهونه منها ماخجل |
|||||
التعديل الأخير تم بواسطة البكري ; 11-27-2006 الساعة 10:57 PM |
||||||
11-27-2006, 11:22 PM | #468 | |||||
حال متالّق
|
تبا(ن) لحاضر وقتنا هذا وتب =وقت التقاعس والتخاذل والفشل
وياحسوفه عازمن عدا وهب =عهد التكاتف عهد يضرب به مثل يوم الخليفه كان يحكم عاسهب =حتى على نفسه في احكامه عدل عهده حروفه مسجله بماء الذهب=ذي ماكسب منها مباني اوفلل لمنا الزمن واللوم عااهله وجب =ومن يلوم الوقت في التقدير زل اهل الزمن هذا ربع فيهم عيب =وربع منافق منهم وربع دلل وربع تقي منهم وجاهد وأحتسب =اجره وعلى ربه توكل وأتكل |
|||||
11-28-2006, 12:10 AM | #469 | |||||
حال متالّق
|
فصـــــــل جـديـــــــــــــــــــــــد
خائف على اللآذقيه تتبع البصره =ودمشق تذهب كما بغدادفي ودره
وبعدهم مادري من بايجيه الدور= الحاصل الوضع ماهو زين بالمره =ولعاد شي باتعم افراح ومسره في الألف واحد تحصل في العرب مسرور= من عهد بلفور والكره وراء كره =والحبل ذي في القدم كلما ربخ زره صهيون ولعاد بايربخ وهومزرور = |
|||||
التعديل الأخير تم بواسطة أبونمر ; 11-28-2006 الساعة 12:25 AM |
||||||
11-28-2006, 01:04 AM | #470 | |||||
شاعر السقيفه
|
ايش من ربح بايحصّل من باع بالغدره = ولا بدا جماله جات من صاحب القصره
عمره يتعذّر من قام وهو في التقصور = بغداد نار شاعله في وسطها حمره = والقدس ضاعت عليها في الكبد حسره كم مؤمن قلبه عليها مسى محسور = |
|||||
مواقع النشر (المفضلة) |
|
|
|