مساجلات الزامــــل الشعبي

[بالليث]

هذا الزامل للشاعر الكبير يسلم بن لكسر المشجري السيباني رحمه الله ويشكو فيه الناس وضعف همتهم وتقلب الأوضاع لأحد الشعار :

ياسالم الدنيا علينا مقفيه = بايجيلها بوّاش يعدي من بعيد
ذي كانت الأول من خمجها صافيه = واليوم ماشي بايجينا عل عويد
والنار قدها من حطبها طافيه = لاقام واحد قال الاخر بالرويد
والوقت كلّه راجيين العافيه = لمّا يحل الهيج بخطامه وقيد

**************
هذا الزامل للشاعر أحمد بن سعيد المشجري حيث حضر مناسبة زواج لأحد القبائل المجاوره فدخل أحد الشعار وبدأ يحاول الفتنه
والتذكير بنزاعات سابقه فدخل أحمد بن سعيد وأنشد هذه الأبيات الرائعه:

ياهاجسي لاجيت والشعّار = إتواجهو بينهم لابين
بترك لك الولاء والشار = لإنك ماتجيب إلا الكلام الزين
وذرع من الغالي ثلاث أمتار = لاسمعت هرج حسن ولا حسين
وخل من يهوى ومايختار = يمشي مثيل الوعل بو قرنين

************
هذا الزامل لـ سعيد بن ناصر المشجري جابه يوم زواجه حيث كانت هناك إنشقاقات ونزاعات في صفوف القبيله
فقدم مصلحين من عتق ويوم شافهم سعيد بن ناصر فرح بقدومهم فدخل وأنشد هذه الأبيات الرائعه :

يالهاجس المرصون فككها حلق= صح ماتشوف البحر ذي هو طافح
حيّاكم يلي جيتونا من عتق= لاحل حله تطرحون الطارح
ضروف الوقت خلتنا فرق = ولا قرون المربعي باتناطح
مسكين ذي مايعرف إن الموت الحق =ون العمل ماينفع إلا الصالح

****************

هذا الزامل في سريه بالليل إلتقى فيه قبيلة الديّن مع المشاجر وكلهم دخلو زامل في الليل دخل باخريبه وقال :

يالعرب لاتكلفوني عاخروج الليله=مانا خروج الليل ماقاويه
مافي زمان الفيل باحاجيه =لمّا يجي من كل وادي سيل

(إعتذر الشاعر في هذه الابيات عن الدخول في الزامل في الليل )

فدخل بابدر الديني وقال :

ونا مثيلك خروج الليل ماقاويه =لاتكلفوني عاحمول الميل
صاحبي ذي فيه ماخليه =حيّه وعقر ب يقبصو بالذيل

(صف بابدر بجانب صاحبه في الإعتذار )

**************

إن شاء الله وفقت في إختيار هذه الابيات للزوامل ,,,

[طالب النعماني]

شكرا لك اخي بالليث على تسجيل هذه المراجيز الرائعه
ونرجوا الاستمرار معنا وافادتنا بكل جديد ومفيد
واعلمك اخي بانه هناك موضوع خاص بالمساجلات البدع والجواب
نرجوا ان تفيدنا بالذي عندك في موضوع مساجلات البدع والجواب
وتقبل تحيات اخوك
ابوراضي

[طالب النعماني]

اقتباس :

الرسالة الأصلية كتبت بواسطة سبع الليل في العيد باتكمل مشاعر فرحتي=مااليوم بتنشر في الثوب الجديد باخالط اصحابي وبترك وحدتي=بانوكل المظبي وبانوكل عصيد ياهل السقيفه باعتبركم أسرتي=نرسل تهانينا لكم عبر البريد

نعود الى اخر قصيده في الزامل نرجوا من الاخوه المشاركه
وان الفصل مسموح للجميع

[طالب النعماني]

هذه الابيات من زامل في العيد في شرقي باتيس
للشاعر طالب باتيس ابوراضي
وهذه قصيده واحده من عشرين قصيده في الزامل
ارجوا ان تنال اعجابكم

ربي جمعناء في نهار العيد=يالله عسانا نجتمع كل عام
لا بو حمد زفلت لنا التمهيد= في كل سنه بخرج ثلاث ايام

[سبع الليل]

والله ماباتحكم التسديد= أيش باتلقي لك ثلاث أيام
في كل سنه وانت بعيد بعيد=لوغيبتك شهرين ماتلتام
هذه ثنعشر شهر بالتعديد= كل شهر بايعبر كأنه عام
والشوق ياصاحبي له تمديد=في القلب يتمدد وفي الاعظام

[طالب النعماني]

يامرحبا بالجيد ولد الجيد=لي مايرد يمشي على قدام
قله تعب قلبي من التعقيد=هذا السنه ماهي مثيل العام
عندي زياره للوطن في العيد=ياصاحبي تسوى ثنعشر عام
وعاد لي تمناه روح الصيد=وادحق برجلي عادكس وادقام

[طالب النعماني]

ياهل اليمن يكفي من التمجيد=لا تمجدوا صالح في الاعلام
لي هو يهدد عالامم تهديد=ماعذر مايقع له كما صدام

[سبع الليل]

أصحابنا مشيو مع التقليد=ماطبقوا شي من نظم الاسلام
حكموا وزادوا الحكم تشديد=والبخص في ذي هم هيك وايتام
هل عادشي ناهي لكل عربيد=صدام أولهم مثيل الهام

;baw ;baw ;bounc

[سبع الليل]

شي خبر من بايعاله لي يدحري في البعر=ردو الغومه علينا والملامه عاالبعير
قلت شوها مشكله ياناس لقوا لي بصر=ربنا يعلم بحالي ربنا وحده بصير
في شبام العاليه عده تقشب باالشعر=وأهل بوزايد يخلطون الذره هي والشعير
ليلة الجمعه سمعنا صوت عالي في السمر=قلت لهم ذا بازقامه بايصيح عاسمير

[طالب النعماني]

يالسبع شف عادني معي وجهة نظر=باحطها عنوان لك راس النضير
في شبام العاليه جاء بونصر=نكد على بقبق وعمه بو نصير

اعذروني على التاخير والغياب ياشباب
كنت مسافر في عمل للامارات ولكن عدنا وشاهدنا العجائب في السقيفه
نرجوا ا ان لاتبخلوا علينا بالجديد والمفيد