مساجلات الزامــــل الشعبي

[أحمد العمودي أبوفيصل]

يامرحبا بابيات هي حقك ولك = من عند بوطارق ضوتني مرسله
منذو زمن غائب ولاحد يسمعك = الغيث مالليله بروس المسفله
باحذرك منه ولاهو ي ينطحك = الثور يتبرع بغاله قلقله
من سمح دور لك وريته حصلك = ليهو مسى ينطح وملقي بلبله
ماحد سلم منه نوى بيبهذلك = ويقول للبياع وين مرجله
وان كان شفت الثور في العقبه برك = ماعذر لحمه ميصبح في المتفله
باصيح في مجمل يدك الحصن دك = لاحد رفع راسه لقاله قبوله
عارفك يامجمل ولاشي فيك شك = منته فضولي من صحاب الفضوله

[طالب النعماني]

اهلا وسهلا باللاخ الشاعر عمر الذيب
ونورة السقيفه يابوطارق
لاتحرمنا من مشاركاتك

[القنّاص]

اقتباس : المشاركة الأصلية كتبت بواسطة طالب باتيس النعماني

قال العبيثي مامسك قطب الشبك=لامامسك في ذا الجبل باحوله يالمخشني من حيث تمشي بتبعك=بسمر وبتوله معك وقت الوله وان كان قولي في السمر مايعجبك=ماعاد شي حاجه لهرج القروله

الرجل مكسوره وحركه عالورك = والرجل ماتشيله وهذه مشكله
في المحنبه عاجز وهيجه قد برك = عدت دواسرها طنون محمله

[أحمد العمودي أبوفيصل]

اقتباس : المشاركة الأصلية كتبت بواسطة طالب باتيس النعماني

قال العبيثي مامسك قطب الشبك=لامامسك في ذا الجبل باحوله يالمخشني من حيث تمشي بتبعك=بسمر وبتوله معك وقت الوله وان كان قولي في السمر مايعجبك=ماعاد شي حاجه لهرج القروله

باقول ياطالب ميه يهوين لك = يمشي قفا واحد وهوقد زعله
خلك على موقفك طالب ايش بك = شوفك وراه اليوم تمشي هروله
ان كان قد غشك وقربع عاتنك = والابكلمه شف مسارك حوله
لاتامن الغدار بكره يغدرك = احسب حساب التاليه والاوله

[أحمد العمودي أبوفيصل]

ذاخرج فصل والثاني تقول العباره = ماتصل حيث ماتبغى ويدك خليه
ساير الوقت يامجمل بحلوه وقار ه = اسرح الصبح واترك من يروح عشيه

[القنّاص]

اقتباس : المشاركة الأصلية كتبت بواسطة عمر الذيب

كلن سلك حظه وحظي ماسلك =من بعد ما قد كنت راعي لوله في وقت لي هذا وشل هذاك لك=وقت الغثاء وقت النكد والبهذله بعض السوع يالمخشني تنسى سمك=يوم القنابل كل ساعه قنبله تقرح على يسارك وتقرح بايمنك=وتهز بقعاء كل ليله زلزله واما التهم لي ماتظرك تنفعك=يالي تهمتوني ببعض القروله قد لي سنه مادخلت هذا المعترك=لاذقت حاليه ولا مر حنظله عمر الذيب

دي قسمه المنحر زايد الورك = واجب نرحب به وذا مقدار له
الذيب بوطارق بطيبك نذكرك = بالعز والمقدار راعي المرجله
تسلم سلم راسك ابد مانخذلك = باتذوق حالي الوقت ذهن تتعجله

[أحمد العمودي أبوفيصل]

هكذا قال الشاعر ياعيال النماره = شوني اليوم بتحدى الزنود القويه
وينه الذيب ماهمه ولاهم جاره = من وقف في طريقي قله اكتب وصيه

[جمال العطاس]

لاقلت لك بقْطع عليك انته مسك = ماغيرنا يفتيك في ذي المسأله
بالبسملة تبدأ السور بس أسألك = قل لي براءة ليش دون البسمله
نا بانشدكم ليش وإن ما خبّرك = حد باعطيك القول منّي وإنقله
ياصاح غير العلم لا . لايشغلك = بعض العرب ياخوك غِر ما أجهله
يمر وقته في المسامر ع الدكك = مايحكِم إلا القربعه والهضْوله
المعرفة والعلم ماهو في السكك = ماتنبت الأزهار فوق المزبله
المعدن الصافي يبيّنه المحك = وامّا الغشر يبقى بوسط المنخله

[أحمد العمودي أبوفيصل]

لي دخل قل لطالب غصب بمسح شعاره = بعصب الحبل يلقيله ثلاثين ليه
كيف بيسوق لا رخصه ولااستماره = وانته يالسيد العطاس صكه بليه
مشكله لاخرب موترك عند الاشاره = لا تصيح يجي عالصوت عقرب وحيه
ارتفع عالجبل واعمد على راس قاره = لايجي سيل حن راعده راس النشيه

[جمال العطاس]

اقتباس : المشاركة الأصلية كتبت بواسطة الغازي 2007

لي دخل قل لطالب غصب بمسح شعاره = بعصب الحبل يلقيله ثلاثين ليه كيف بيسوق لا رخصه ولااستماره = وانته يالسيد العطاس صكه بليه مشكله لاخرب موترك عند الاشاره = لا تصيح يجي عالصوت عقرب وحيه ارتفع عالجبل واعمد على راس قاره = لايجي سيل حن راعده راس النشيه

الجهالات قسمك والغلط والغراره =والمعارف نصيبي والعلوم العليّه
ماحسبنا لمن يجهل لسبك العباره=نحسب إلا لأهل العلم واهل المزيّه
قرض الأشعار ياصاحبي وعي وشطاره=هذه آداب تعرفها العقول الزكيّه
في قصيدك مواتر أو مرور أو إشاره = ذي ثقافة طرق ياصاح وشوارعيّه
القوافي لها مبنى وعالي جداره=ينبني بالأدب والذوق والأريحيّه
قلت صكّه !! وأنا اللي دائما فالصداره= مثلك أنته عسل كشمير وإحنا البغيّه
أعرف الشّعر وأتحكّم أنا في مداره = وإن ختلفوا إلينا الحُكم و المرجعيّه
أنت حارس( لبيت الشعر ) وإحنا الإداره=لاحضرنا عليك إلاّ تدّق التحيّه

.