<<هنا المدروف الغياضي والساحلي <<الدان >>

[أبونمر]

مالي ومال الرياضه منها يقرح =بندقي من دون ماحد يسمع قروحه
مليتها من بطي ولعد لها اطرح = موضوع عندي ولا في البال مطروحه
يوم اتحاد الكره للآن ماصرح=بمشاركتنا وخلى النفس مجروحه
وعلى كذا مستمر ولعاد بايبرح =هذه عوايده في مضواه وسروحه

[البكري]

اقتباس : المشاركة الأصلية كتبت بواسطة أميرة الوادي

ألم يحن الوقت لفصل جديد؟ حبذا لو تشاركوني: حد للسمر عاشق وحد يصبح = يترقـّب الأسياد في الدوحة يهوى الرياضة واهلها يفرح = لا شافها قنوات مفتوحة

الانا لازم بما فيه ينضح = والقلب صعب تنتسي جروحه
النوب على زين الورود يبرح = يعرف طريق مضواه وسروحه
والسمر هو لخاطري يشرح = والرياضه لها قوم صبّوحه

[أبونمر]

والنعم يالبكري تولهوا سمروا الليله جمعه

[البكري]

اقتباس : المشاركة الأصلية كتبت بواسطة برق المشقاص

ماشي مثيل الصدق ذي ينقح = لاتقول لي كلمة الكذاب مملوحه منه تباعدت يالبكري وباتصفح =باحسب مجيي قبل شي روحه

صاحبي يمثل على المسرح = ونا حاسب الصدق في بوحه
عادها رجال في الشهود تجرح = وماتقبل الشهاده المجروحه

[أبونمر]

اقتباس : المشاركة الأصلية كتبت بواسطة البكري

الانا لازم بما فيه ينضح = والقلب صعب تنتسي جروحه النوب على زين الورود يبرح = يعرف طريق مضواه وسروحه والسمر هو لخاطري يشرح = والرياضه لها قوم صبّوحه

باعلن كلامي وبانوه وباصرح =العشق عارفه قدني واعرف صروحه
وبالسمر لاحضر بافرح وبانمرح=ويزيد راسي بصوت الدان وشروحه

[أبونمر]

اقتباس : المشاركة الأصلية كتبت بواسطة البكري

صاحبي يمثل على المسرح = ونا حاسب الصدق في بوحه عادها رجال في الشهود تجرح = وماتقبل الشهاده المجروحه

وش بايباعدك وانته جيت باتقدح =ولعاد حصلت ذي في البئر مقدوحه
يالبرق لاتعترض في مشيتك سمح =في العرض مشيتك شفها غير مسموحه

نرجو ان ترجع قصيدتك يابرق المشقاص كونها جميله وهادفه

[البكري]

ذا الكذاب بان قبل لا نسرح = وجنى بفعله على روحه
حدف كلامه بعد مابه صرّح = وعاده بايطالبنا السموحه

[أبونمر]

فصل جديد

لاحول و لاقوه إلابالله من تالي زمن =اهله يسوون الصبر وسط اللبن
وسقوه بن يومين ودموعه تسيل =الوضع ذا ماظن له عدشي بديل
ايقنت وتأكدت ان الشعرحريه و فن = لاتلوم الشاعر اذاطبل بشن
ابدا لأن له قصد في الموال والتطبيل=الوضع ذا ماظن له عد شي بديل

( الوضع ذا ماظن له عد شي بديل ) هذه تخميسه ياشباب

[البكري]

الصبر للطفل دوا مايقدر بالثمن = يصلح احواله من احسن لا حسن
فوايد كثيره له ماهي قليل = الوضع ذا ماضن له عد شي بديل
المشكله العيشه مع كثر المحن = وصاحبك اليوم دهن منه دهن
يلصق لك التهمه ما يفكر للدليل = الوضع ذا ماظن له عد شي بديل

[أبونمر]

ياماصبرنا لامتى نصبرتعبنا من سهن =وتحولت افرحنا احزان يالبكري ولن
نحصل على المعقول كيف المستحيل = الوضع ذا ماظن له عد شي بديل
العرض في بغداد يهتك والمطبل في اليمن =يطبل وفي لبنان بقعه مرجحن
والأجر لفلسطين يعظم بعدماحان الرحيل =الوضع ذا ماظن له عد شي بديل