مساجلات الزامــــل الشعبي

**طالب النعماني** · 12-22-2007, 02:19 PM

يامرحبا حيا تراحيب المطر=باجواد جونا والخواطر صافيين
قولوا لبن قطمان في الرابع عشر=حبيت هنيكم بعيد المسلمين
والعيد عيد العافيه يامن حضر=من زانت احواله حياته باتزين

**بن قطمان** · 12-22-2007, 11:23 PM

سلام للغازي وطالب معتبر=شعارنا وكلهم متميزين
سلام ماشرقت وما بر القمر=النصف قد شلوه والباقي ثمين
رجال ماتهتاب تدخل في الخطر=والنعم فيهم الرجال المخلصين
تعجب قوافيهم مع وقت السمر=كلن متابعهم لهم متسمرين
ونا متابعهم على نفس الاثر=وان شي طلب جاء منهم له حاضرين
ميزانهم وافي على وزن العبر=قاضي قده بين البيع والمشترين
والمال بعد الحرث بايلقي ثمر=لاهل الحجل والناس ذي متوسمين

**أحمد العمودي أبوفيصل** · 12-22-2007, 11:53 PM

باقول ياحيا بكل واحد حضر = حيا وسهلا بالرجال الحاضرين
انست بن قطمان سمعي والبصر = صيتك بلغ عند النجوم الزاهرين
في شانك عالعود بنزر الوتر = وبن تسلى بالقلوب الساليين
طالب وبن قطمان عقدوا مؤتر = وعهودهم ماليوم شوها موثقين
في سعف طالب قالي مابعتذر = وانا معه من سمح في شده ولين
مابخلف في خير وانه كان شر = هذا كلام الصدق جبته واليقين

**القنّاص** · 12-23-2007, 12:23 AM

تحيه مع التقدير بنعماني فخر = والكل بهم نفخر ديهم حاضرين
بالجود بلغ صيته لاسطح القمر = من زام شيابنه عليها باقيين
يالله عسا الزامل هوكه قد سبر = عالمخيره والجبر نبقا سابرين

**القنّاص** · 12-23-2007, 12:37 AM

بسال الغازي وحاله ماستقر = بين الرجا والياس واعزومه تلين
في العشق والعشقه مسا حاله بشر = يسره عافرشه وساعه عاليمين
ذا بحر يالغازي يبلغ من قدر = عاموج يتلاطم بغا ماهر فطين

**أحمد العمودي أبوفيصل** · 12-23-2007, 12:44 AM

انست يالقناص ياوعل النتر = ياوعل من بين الوعول الحانيين
عزك ولك تقدير عندي ياعمر = تقدير لك في القلب من عدة سنين

**بن قطمان** · 12-23-2007, 12:47 AM

العشق والعشقه خطر زايد خطر=والمبتلي بالعشق ربه بايعين
والكاف بايشهد مع يحيى عمر=ومجنون ليلى قبلهم جر الونين
والعظم ذي جابر من العشق انكسر=واكسور ماتجبر يطحنها طحين

**أحمد العمودي أبوفيصل** · 12-23-2007, 12:56 AM

باقول مالقناص في بحره طمر = له شهر مايلتام يردف بالونين
يتذكر الماضي وقته لي عبر = يقطع بسكينه في اللحم السمين
واليوم عالحم السمينه مابدر = يومه طمع يبغى ربع والاثمين
ولعاد شي باقي لربعك في السمر = تسري لحالك والبقيه نايمين

**القنّاص** · 12-23-2007, 01:13 AM

اليوم يالغازي الى اين المفر = البحر قدامك ومن خلفك كمين
القصد بانبلغه يكسب من صبر = والهام ماخافه دي وسط الهمين

**أحمد العمودي أبوفيصل** · 12-23-2007, 01:15 AM

ذا جيب للقناص من المينا صدر = كن الجمارك بتقسم ظهره ثنين
الجيب مستخدم وكنه معتبر = ماللون لي هو فيه سر الناضرين
المشي ماكروه ياصاحبي كر = خمسين كيلوا قد مشى اواربعين
لاتفوت الفرصه وقرشك في الكمر = ملك من المعرض شهودك حاضرين
وماشي مثيل الستر وربك قد ستر = الستر لاتشهد يسارك عاليمين

مساجلات الزامــــل الشعبي

سقيفة عذب القوافي