مجلس الدان الحضرمي

[هاوي شعر]

وين الفصل يابورايد

[عمر الذيب]

خرج ذا فصل والثاني سقوني يامحبيني=عبر عمري ونا ضامي على جال الدلي والبير
محاصر مثل ما حوصر بني ادم فلسطيني=حصاره طال لي يحلم بيوم النصر والتحرير

[صوت سيبان]

اقتباس : المشاركة الأصلية كتبت بواسطة هاوي شعر [ مشاهدة المشاركة ]

بصبرعلى زينك وشينك*من حيث ماتبغى تمن=في القلب ببنيلك عماير*امرولحنابالجيب ون حدمعك خاتم يمينك*قلي بسرعه بافطن=باقولك خاين وباير*لوبعتني باعة صليب

وفرت مصروفك ودينك*سدده عاطول الزمن=من صدق ذا ماهو تفاخر* والله من فوقي رقيب
في المزعه شغل مكينك*والسمن جيبه واللبن=وفوق ذا تمر السقاطر*أمرسه لك فوق الحليب

[صوت سيبان]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

خرج ذا فصل والثاني سقوني يامحبيني=عبر عمري ونا ضامي على جال الدلي والبير محاصر مثل ما حوصر بني ادم فلسطيني=حصاره طال لي يحلم بيوم النصر والتحرير

كلامك زين ياالشاعر يحرك عا شراييني= وهز الجسم كله ياعمر والقلب والتفكير
وذكرني زمان اليافعي والشاهي الكيني=ينج ريحه ولنا لطبخه في رملة الخرخير

اليافعي(البن)

[هاوي شعر]

ونامثلك معذب والمحبه في شراييني=وكل ماجيت بتكلم عجزدايم عن التعبير
من اللي قدجرالي طول وقتي راحت اسنيني=وناساهن يجيني يوم يمكن بي حصل تغيير

[صوت سيبان]

اقتباس : المشاركة الأصلية كتبت بواسطة هاوي شعر [ مشاهدة المشاركة ]

ونامثلك معذب والمحبه في شراييني=وكل ماجيت بتكلم عجزدايم عن التعبير من اللي قدجرالي طول وقتي راحت اسنيني=وناساهن يجيني يوم يمكن بي حصل تغيير

لعد تشكي ولا تبكي وتتعبني وتاذيني= وتنكش صوب دامل من زمن عنتر وزام الزير
ولا بي فيدني الدكتور لو جبته من الصيني=علاجي عند ذي حبه وأنا من عادنيا أصغير

[ابوشحوف]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

خرج ذا فصل والثاني سقوني يامحبيني=عبر عمري ونا ضامي على جال الدلي والبير محاصر مثل ما حوصر بني ادم فلسطيني=حصاره طال لي يحلم بيوم النصر والتحرير

عمر يشكي وانا بشكي ولاحد بايداويني =مريض القلب من بعد المحب عايش على التقطير
ولاعندي سوا ذكراه فلغربه تسليني = وفي جوفي لاوهب من فراقه مثل نار الكير

[ابوشحوف]

ولاودي سوى كلمه وكلمه منه تغنيني =كلامه من عسل صافي ولاهو من عسل كشمير
وانا سميه مظنوني وهو ماشا يسميني = اذا هو قد رضي عني انا باقول له يامير

[عمر الذيب]

اقتباس : المشاركة الأصلية كتبت بواسطة صوت سيبان [ مشاهدة المشاركة ]

كلامك زين ياالشاعر يحرك عا شراييني= وهز الجسم كله ياعمر والقلب والتفكير وذكرني زمان اليافعي والشاهي الكيني=ينج ريحه ولنا لطبخه في رملة الخرخير اليافعي(البن)

يعين الله عا بعد المحب لي كان يسقيني=بما الورد واحيانا عسل يالمشجري وعصير
اموت ابغيبته والقاه قال الذيب يحييني=تعود الروح لا شفته وهو مقبل قداي ايسير

[صوت سيبان]

اقتباس : المشاركة الأصلية كتبت بواسطة ابوشحوف [ مشاهدة المشاركة ]

عمر يشكي وانا بشكي ولاحد بايداويني =مريض القلب من بعد المحب عايش على التقطير ولاعندي سوا ذكراه فلغربه تسليني = وفي جوفي لاوهب من فراقه مثل نار الكير

رجع لقدى المحب لتقولي تيني ولاويني= إذا ماشي مواتر في دركتر رد أبو جنزير
قفل باب السفر مثلي بغاء شفني مكاييني=غسلت القلب باالصابون من تونس ومن زائير