مساجلات الزامــــل الشعبي

[أحمد العمودي أبوفيصل]

من سمح نا معروف بالشرع الوفي = ان حد بغى المعروف عندي مايضيع
ماهمني من راح والي بايجي = ماهمني من كان لو صالح مطيع
قولوا لبوشايع ظهر لاتختفي = من قبل اخبارك في الدنيا تشيع
لاتامن الدنيا حضر ياصاحبي = قد شيبت بالشاب والطفل الرضيع

[أحمد العمودي أبوفيصل]

وسط المعارك دوب ننزل لولي = ماهمني حرك ولاالبرد الصقيع
سوق الدلل فيه البيع والمشتري = ماعرفت من شاري ومن فيهم يبيع

[بوشايع]

اقتباس : المشاركة الأصلية كتبت بواسطة الغازي 2007

وسط المعارك دوب ننزل لولي = ماهمني حرك ولاالبرد الصقيع سوق الدلل فيه البيع والمشتري = ماعرفت من شاري ومن فيهم يبيع

«®°·.¸.•°°·.¸¸.•°°·.¸.•°®»
يا شيخ بو شايع يجيـــكم الأولي @ يظهر كما الـــــبراق ذي يلمـع لميــع
مهو الفارس لا ظـهر با يختـــــفي @ ينــدر في الهــدات لا عظمـه وجــــيع
وأنته ظهر لي حـب موسم لـــولي @ لا تخلي المخــزون دايــــم فالوضـيع
والهرج لــه ميــزان عند الحميري @ هرج النفس في الضيـق لازم بايضيع
بانشـدك من رجـال كرمـه للنـبـي @ من عند ربه راعي العـرش الرفــــيع
لما أعتـرف انـه في الختـمه نبـي @ وشاع صيته كمــل الكــــــون الجميع
ورجال عا أسمه كثير(ن) يا علي @ شي منـــهن مخزون والثـــــاني يـبـيع
والبيـض بايفتيـك بأقــواله ذكــي @ كريم باليمــنى ولــه مجلس وســـيع «®°·.¸.•°°·.¸¸.•°°·.¸.•°®»

[علي سالم البيض]

اقتباس : المشاركة الأصلية كتبت بواسطة بوشايع

«®°·.¸.•°°·.¸¸.•°°·.¸.•°®» يا شيخ بو شايع يجيـــكم الأولي @ يظهر كما الـــــبراق ذي يلمـع لميــع مهو الفارس لا ظـهر با يختـــــفي @ ينــدر في الهــدات لا عظمـه وجــــيع وأنته ظهر لي حـب موسم لـــولي @ لا تخلي المخــزون دايــــم فالوضـيع والهرج لــه ميــزان عند الحميري @ هرج النفس في الضيـق لازم بايضيع بانشـدك من رجـال كرمـه للنـبـي @ من عند ربه راعي العـرش الرفــــيع لما أعتـرف انـه في الختـمه نبـي @ وشاع صيته كمــل الكــــــون الجميع ورجال عا أسمه كثير(ن) يا علي @ شي منـــهن مخزون والثـــــاني يـبـيع والبيـض بايفتيـك بأقــواله ذكــي @ كريم باليمــنى ولــه مجلس وســـيع «®°·.¸.•°°·.¸¸.•°°·.¸.•°®»

ختم النبوه لي نزل عالهاشمي = بين المناكب خصّها الفرد السميع
ماهي خواتم من يباها يشتري = فادا الكواعب يا حسن تلمع لميع
البيض في ذا اللغز ما بايعتجي = الله خَصّه بالذكا بين الجميع

[علي سالم البيض]

البيض سيّد للقبايل يشتكي = لكن خاب الظن في الحصن المنيع
وانته عبيدي والعبيدي ينتخي = ماجيتني يوم البرت يخرع خريع
ورا المكاسب رحت ماهذا قدي = حد منكم شاري وابن عمه يبيع
بعتو حبايبكم بمصرا عوبلي = وثّقتو البيعه و عوّدتو نجيع
مالا علي عنتر معي ما مسّني = ذي جا معك تجلبه لاخوتك الجميع
في عهد عنتر وش حصل يالمعشري = من فعل عنتر رحت بالخط السريع

[أحمد العمودي أبوفيصل]

ذاخرج فصل بتخبرك قال العمودي = هت خبار المكلا او سعاد الزبينه
لجل عاملك شفني بالريال السعودي = والجنيهات قال الشيخ ليهي ثمينه

[أحمد العمودي أبوفيصل]

اقتباس : المشاركة الأصلية كتبت بواسطة الغازي 2007

ذاخرج فصل بتخبرك قال العمودي = هت خبار المكلا او سعاد الزبينه لجل عاملك شفني بالريال السعودي = والجنيهات قال الشيخ ليهي ثمينه

خلوكم على هذا الفصل

[الناغوص]

ه

الناغوص

مشاهدة ملفه الشخصي

البحث عن المشاركات التي كتبها الناغوص

[أحمد العمودي أبوفيصل]

حذر البيض مابغيتك تقارب حدودي = ايش سويت بس جبت الحنش في الفلينه
حكمك قد مضى بايام وليال سودي = يشتكوا منكم اهل القرى والمدينه

[علي سالم البيض]

البيض من ماحصل للعرْب حاله ملان = والقهر خيّم على راسه ودمّه نزف
وتكالبو ضد بو سالم شجاع اوجبان = من كل قطرن ومن كل صوب كل(ن) حذف
وصفقو كلهم خلف العريس الكلان = عريس جابوه يوخذ بنتهم والشرف
يتبادلون القبل خلف العريس الملان = فالبدله الفاخره وقفوله الناس صف
اهل الجزيره ولي فالشام لمّا عمان = وذناب شارون كل(ن) من جنابه هتف
وجاك حسني نهم سوس(ن) تنبّي جهان = وقال دورش بغينا من خيار التحف
نبغى تحف غاليه من غزل عربي زيان = هديت(ن) ماوراها مطلبه او اسف
هذا معرّس وصل من بعد لمّا المكان = واجب نمسّح رجيله ملباها تحف
من شان يرتاح في حجر الجميله ايمان = ام العيون الكحيله والجعود الردف
بنت الجليله فرسها رغل ماله ختان = والله حسافه كبيره ياحسوف الحسف
والبيض ميّت وبايلحق فسيح الجنان = لانه وقف وقفت(ن) ماحد مثيله وقف
ميّت وله اسم باقي حي عاكل لسان = واهل النواميس باتبقى تسن الشلف
ماظن من بعد موتي يهتنو بالامان = وعاد خلفي رجال الله رمات الحتف
اكبودهم موجعه من ماحصلي وكان = من قوم مسفر وبو مسعد وعمه خلف
لحقو مشجع وشجعلي عبيد العدان = وتناوحوني وكل واحد بيدّه وضف
الجدي فرحان لاكن خلفه السارطان = بيمص دمه وباتمسي عيونه قلف
قدهم يقولون من يفطر بلحم السمان = ويرصّع البشت بالياقوت هو والصدف
له يوم ياتي ويجلب له صنوف الهوان = من بعد مرقده عالديباج فرشه سعف
كل من يدين البري فأخر حياته مدان = وذي يقدمه يبقى في رصيده سلف
كل من صفق لك صفق ضدك تجلاّ وبان = بانت عداوته لك ويجيك ضربه نصف
البيض راهن على العليا وشل الرهان = ضلا ابحلي الشرف يعمل وهو عالصلف
مصير لنسان يفنى كن موت الجبان = مذموم حتى وهو مقبور له في لجف
تمت بيوتي ولاجايع ولانا ضمان = في جنت الخلد سجلّي محمد ملف