مجلس الدان الحضرمي

[عمر الذيب]

اقتباس : المشاركة الأصلية كتبت بواسطة ميراد باسودان [ مشاهدة المشاركة ]

تهم ذلا تهم والشعر ماشي فيه صدقيه=وقلي اي شاعر لي تعبر في غبب سيلان ولا داهمه ليله حن وون وبات في أذيه=وخايل يالمخايل لاعبر سيله في الوديان

انا شفني معي خبره وورشه في الصناعيه=ونعرف مشية المؤتر وعاده جاي للميزان
تقر او ما تقر كثرة في المؤتر بلاويه=وبعض احيا ن يحذف بك وانته قابض السكان

[ابوشحوف]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

يطيب القول قال الذيب كل ما طابت النيه=وكل ما طاب لك بايطيب لي يا مقصع العمدان بعيد الكي ما قارب بغينا عالبخص كيه=لذي مبطي من الحمه مرقد عالوقاء تعبان

رحب ببيات من شاعر معه للشعر جنيه =ويسقي من وصل عنده بغيه من عسل جردان
وصلني قوله الوافي وله شفرات سريه =وكل من ماعرف للرمز مابيفتح البيبان

[عيبون]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

انا شفني معي خبره وورشه في الصناعيه=ونعرف مشية المؤتر وعاده جاي للميزان تقر او ما تقر كثرة في المؤتر بلاويه=وبعض احيا ن يحذف بك وانته قابض السكان

هلا بالهرج لي هو مثل راعد تسمع ادوـيّه=لقا هزات في بمبي ولقا هزات في الــــــــيابان
وسمعوبه هل احويره ولي هم في العقوبيه=سمر لا ياعمر نقح على المغنى وصوت الدان
جمل باداس قد روح وشفته زوّع الخــــــيّه=لقو معروف هاتولي خبر لا يارجال الشــــــان

[ابوشحوف]

سحرني كاحل العينين بوعينين سحريه = وصوبني بنظراته وذا ماكان فلحسبان
في الشارع عبر سدي وكان الوقت عصريه =وانا من يوم ماشفته نبيت علوقاء سهران

[عيبون]

اقتباس : المشاركة الأصلية كتبت بواسطة ابوشحوف [ مشاهدة المشاركة ]

سحرني كاحل العينين بوعينين سحريه = وصوبني بنظراته وذا ماكان فلحسبان في الشارع عبر سدي وكان الوقت عصريه =وانا من يوم ماشفته نبيت علوقاء سهران

هلا بالسيل لي جاني معمّد وسـط واديّـه =سقا ارضي ومالزايد وصل لمّا حدود اعمان
هلابك الف في الفين فـي مليـون مثنيّـه =وقدرك عامد الصمّام ويجري داخل الشريان
زمن واحنا ندوّرلك في اسـواق الجنوبيّـه =ولا حد جابلي اخبار لي هي تفرح الغثــيـان

[عيبون]

خروج للصلاه وبالرجع

[ابو صقر..]

لا هبت انواد الخلا شفني معك ياطيب النيه=وباحط القدم عندك وبه من دحقت العميان
ولا باحل في الدوحه ولي قاطين شرقيه=ورثها بوي من جدي وتعرفها قبل سيبان

[ابوشحوف]

اقتباس : المشاركة الأصلية كتبت بواسطة عيبون [ مشاهدة المشاركة ]

هلا بالسيل لي جاني معمّد وسط واديّـــه=سقا ارضي ومالزايد وصل لمّا حدود اعمان هلابك الف في الفين في مليون مثنيّـــه=وقدرك عامد الصمّام ويجري داخل الشريان زمن واحنا ندوّرلك في اسواق الجنوبيّه=ولا حد جابلي اخبار لي هي تفرح الغثـــــيان

رحب ببيات من شاعر كلامه شهد وبغيه =وقهواني يمانيه وانا قد لي زمن خرمان
وهو مشهور من لي يقنصون الصيد صدريه = وذكره قد وصل معروف فلسيطان والوديان

[ابو صقر..]

بغينا مالنا يشرب وكل ماء من مجاريه=على العاده يضل مابيننا في العتم والمعيان
وما لماطر يجي في الخرف ذي تحسن مذاريه=ولا تتحصل الهلباء في الوديان في السيطان

[عيبون]

اقتباس : المشاركة الأصلية كتبت بواسطة ابوشحوف [ مشاهدة المشاركة ]

رحب ببيات من شاعر كلامه شهد وبغيه =وقهواني يمانيه وانا قد لي زمن خرمان وهو مشهور من لي يقنصون الصيد صدريه = وذكره قد وصل معروف فلسيطان والوديان

بروق الغيث تعجبني وتعجبني مناشيــــــــّه=بها يستانس المهموم وينسم خاطري الملـــيان
فراق الدار يابوشحوف لقا في القلب حنيّه=وحس اللحم يتمسمس ولا باقي سوى العظمان
بغينا حل للغربه وفيها شعوب مبـــــــــــليّه= حكم واقدار قد كتبت من المولى عظيم الشان