مساجلات الزامــــل الشعبي

**محمد سعيد بن مخاشن** · 02-03-2008, 08:50 AM

اقتباس : المشاركة الأصلية كتبت بواسطة الغازي 2007

يالمخشني متولع الفانوس = الدار في ظلمه وغدره
فوق الشرع شف دلوكم منكوس = وبيركم من دون ظفره
خل الضحك وانته بدون اضروس = من نوف بانعطيك دفره

عادني معاين ولْد بطليموس=ذي هو حكمها بر وبحره
هو وحّد الديره بحد الفوس=من لحج لمّا بلاد مهره
لا تظن حبّه قد دخله السوس=ما تدري ألا أعطاك طمره
وإنته تحب ذي هو يدوسك دوس=يلقي البطر وأعمال كفره
يا هِر خنّاقك قفا لِفلوس=وإنته قفا عظمه وفقره

محمد بن سعيــد بن مخــاشــن

**أحمد العمودي أبوفيصل** · 02-03-2008, 11:26 PM

يالمخشني شفني قمعت الروس = وانته قفا ثورك وبقره
العظم لجلك بكسره بالفوس = بطلع حسر صعبه وعسره
ملقيلها شده على الناموس = معروف مانا تحت شخره
لاجيت بذبح لك انا جاموس = بدعي المعارف وأهل بدره

**طالب النعماني** · 02-03-2008, 11:43 PM

فصل جديد ياشباب

**أحمد العمودي أبوفيصل** · 02-03-2008, 11:46 PM

عليك ياطالب

**الطامع** · 02-03-2008, 11:46 PM

للجيد في قومه وفي ربعه شرف = لا غاب عن قومه ترى الديره ظلام

الجيد يبقى جيد عمره مختلف = مثل الذهب ما يختلف مليون عام

**طالب النعماني** · 02-03-2008, 11:52 PM

يامرحبا حيا بذي عامد شنف=عامد شنف نايف على كل الدقام
الجيد خلف جيد يانعم الخلف=معروف ولد الهام ياصاحبي هام

**الطامع** · 02-03-2008, 11:57 PM

القرش ما بين الربابي يعترف = معروف عند الناس في مشرق وشام

والفسل ما حد عادواره بيكلف = ما حد يحبه من خواله والعمام

**أحمد العمودي أبوفيصل** · 02-04-2008, 12:02 AM

ياصاحبي ماباك تتكلف كلف = وش كلفك قلي على كثر الكلام
من سمح يالطامع انامخطي الهدف = معروف بو فيصل يقسمها قسام
في ساحة الميدان شفني محترف = امشي على القانون وامشي عالنظام
مانا كمى منهو مسوي له نظف = بلجيك عاكتفي وارزح عالقدام

**الطامع** · 02-04-2008, 12:28 AM

الهرج لي متقون يوزن في الكفف = والطن لا ما ظن بيساوي الغرام

ما دامها زانت معك ماهي حسف = بيطيب كل خاطر وبايرجع تمام

**أحمد العمودي أبوفيصل** · 02-04-2008, 01:09 AM

شلوا لحوم التيس خلولك كتف = لي مالحقله لحم يقحى في الظام
في الزمان العيف ماشي يعترف = لي ساكن الحمه يطالب في شبام

مساجلات الزامــــل الشعبي

سقيفة عذب القوافي