مجلس الدان الحضرمي

[سبع الليل]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

بلادي مبعده والشوق يحرقني كما الجمره=وكل ماجيت باغادر مقيد والقدم ماسار ولكن ذي السنه يهل الهوى بن غير السفره=وبانتبع بنادم حيث ما يبغاء بنا يختار

وانا من كثر شوقي للوطن خنقتلي العبره=ولاهميت باسافرتوالت عندي الاعذار
سببه العوق لي ملقي لنا زره قفاء زره=عكينا ياعمر ماليوم في المدخل وفي المندار

[محمد سعيد بن مخاشن]

وانا من كثر شوقي للوطن خنقتلي العبـره
ولاهميت باسافرتوالـت عنـدي الاعـذار
سببه العوق لي ملقي لنـا زره قفـاء زره
عكينا ياعمر ماليوم في المدخل وفي المندار

يقولون الفلك يا سبعنا ترّه وراء ترّه
وكل كرسي ولو ما له عجل يا خوك شـُـه دوّار

عسى هذا يصح ونشوف عمّي الشيخ با مرّه
يجي من راس حالق يزتقل مــ الصُّـبر عشر إمرار

[سبع الليل]

اقتباس : المشاركة الأصلية كتبت بواسطة محمد سعيد بن مخاشن [ مشاهدة المشاركة ]

الأقتباس لا يعمل عندي لذلك لجأت إلى النسخ واللصق بلادي مبعده والشوق يحرقني كما الجمـرهوكل ماجيت باغادر مقيد والقـدم ماسـار ولكن ذي السنه يهل الهوى بن غير السفرهوبانتبع بنادم حيث ما يبغاء بنـا يختـار شوي قيزان ما بينك وبين العبر أو بدره ولكنك ضريت البعد لا يا الذيب يا المكار جزاه الله ذي غرّب مقدّم سر عن سرّه وغرّبني عن الأوطان سُبّة معركة ذي قار

متى بتقع لبن عاقور من داخل عدن فره=بكينا واشتكينا لكن العري يحب الفار
قليل الخير لي سيّب بنبّه بالغه حره=لقطاع الطرق تلعبها لعبة سري وقمار

[محمد سعيد بن مخاشن]

متى بتقع لبن عاقور من داخل عدن فره
بكينا واشتكينا لكن العري يحب الفـار
قليل الخير لي سيّب بنبّه بالغـه حـره
لقطاع الطرق تلعبها لعبة سري وقمار

تصرهد لي وضيعني ووهدرني أبو غرّه
حسن منـّـه في إعلوم السياسه (( طوشه الغوّار ))

وظن الحكم ألعوبه ومغنى دان في سمره
يلـُـمّا جاه بللـّـحمر خزق عينيه بالمسمار

[الواقعي]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

بلادي مبعده والشوق يحرقني كما الجمره=وكل ماجيت باغادر مقيد والقدم ماسار ولكن ذي السنه يهل الهوى بن غير السفره=وبانتبع بنادم حيث ما يبغاء بنا يختار

هنا بالارض لك سمعه وفالمريخ لك شهره=محل ماسرت تلقى ناس تستقبلك بالازهار
تجوّل في بلاد الله رو حاسدك مايكره=وصاحب طيبين الصيت ذي لك عندهم مقدار

[المستقل]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

بلادي مبعده والشوق يحرقني كما الجمره=وكل ماجيت باغادر مقيد والقدم ماسار ولكن ذي السنه يهل الهوى بن غير السفره=وبانتبع بنادم حيث ما يبغاء بنا يختار

اذا نادى الوطن ما جيت وان نادت لكم زقره=با تسرع تلبيها مهما مهما قد حصل او صار
واجب يا عمر لازم تسافر للوطن بكره=يكفي ياعمر يكفي كفاية زادت الاعذار

[محمد سعيد بن مخاشن]

رعاش الله ييّام القعيطي ماس أو درّه
ربينا في حمى دوله لها سلطان هو الجُـعْدار

ولا شفنا مظالم أو تكالب عيف بالمرّه
ومن لندن يجيك الحل للإشكال بإستمرار

رجع يا اللندني وأحكم ... رأيت آبوي في قبره
يقل لي يا محمد لندني أفضل من أهبل عار

خروج وعوده إن شاء الله

[سبع الليل]

اقتباس : المشاركة الأصلية كتبت بواسطة محمد سعيد بن مخاشن [ مشاهدة المشاركة ]

متى بتقع لبن عاقور من داخل عدن فره بكينا واشتكينا لكن العري يحب الفـار قليل الخير لي سيّب بنبّه بالغـه حـره لقطاع الطرق تلعبها لعبة سري وقمار تصرهد لي وضيعني ووهدرني أبو غرّه حسن منـّـه في إعلوم السياسه (( طوشه الغوّار )) وظن الحكم ألعوبه ومغنى دان في سمره يلـُـمّا جاه بللـّـحمر خزق عينيه بالمسمار

تكو عالراس يامحمد وعاحلقه لقوا شفره=معد هو بالخيّر وقع بقوة قمع وتبطار
لانه كبش مايفهم خلط حشفه مع تمره=تبانا اقولك ذولا عرب والا كبب واكوار

[محمد سعيد بن مخاشن]

هنا بالارض لك سمعه وفالمريخ لك شهـره
محل ماسرت تلقى ناس تستقبلك بالازهـار
تجوّل في بـلاد الله رو حاسـدك مايكـره
وصاحب طيبين الصيت ذي لك عندهم مقدار

ترون الواقعي علـْــنه يخالف يا عرب سرّه
ويعلم إن بن يمنان هو مرفوض في الأقطار

وأما الورد ذي أهدته له لمّـا وصل قمره
فمهو ألاّ محبّه في عيون الين والدولار

أكيد إنك مكرّم في حماهم سُـبّـة التجره
ومن غيرك ترى يخافون لا يشحذ من التجار

[عيبون]

سلام الفين من شاعر لولد الذيب في وكـره=وضيــــــفانه لهم مني تحياتي وللــــــزوار
هلا بالسيل ذي ديّع وفي الوادي لقا عــــرّه=وصل للمبعده سيون ومنه خضبت الاشجار
الا ياريت لي تمناه يالشعار بس نظــــــــــره=على لي ربت الاجداد وياكمن جمل هــــدّار
خلوفة عاد في الخاطر نميّزها على البصره=تحية شوق من عندي تصلهم دار تلو الدار