مساجلات الزامــــل الشعبي

[الطامع]

والجيد بن با تيس راعي الأوله = ما قد قصر شرعه شروعه وافيات
والمخشني يا ناس ما بنفكله = بنسايره لما النجوم الزاهرات
قله حسب للناس لي هم مقبله = وصلوا على شانك ومن كل الجهات
وانك من المخلوق مولى كربله = يا كم وكم خالف مذاهب واجدات

[الطامع]

ما باك تفسح فيه والا تهمله =وان جيت با تدعي دعيله بالثبات
وانه عطش بالكاس ايضاً مد له = لا تتركه وسط الخبوت الخاليات
دامه حلول الدار وانته من هله = بالصبر با تحتل كل المشكلات

[خالد بن مهنا]

سلام لش يادار جدي لوله =يادار ربيتي القرون الحانيات
عبرت على راسش ليالي القبوله=لي غرمت بااهل القلوب القاسيات

اعذروني اخواني ابيات طرت على بالي بعد مشاهدتي للفصل
ولو انها خارجه عن الموضوع اقبلوها

[الطامع]

با العز والناموس شوها مقلله = يشهد لها التاريخ في كل الوقات
عادات لبو حضرم وهي منه وله = بين الأمم يا ناس ما هن خافيات

[طالب النعماني]

ماقصرتوا كلام جميل جدا
بارك الله فيكم جميعا

[دربك خضر]

أنشهد أن هذا الزامل يرد الروح ومشكورين على هذا التألق ياأخوان وهذا هو المطلوب من الكلام العذب الذي يلزمك بالتوقف عنده وترجع خطوه لتتذكر شي من الماضي والحفاظ على التراث ،،،،،،،،،،،،،،،،،،،،،،،،

[أحمد العمودي أبوفيصل]

مشكور يالطامع و خل القروله = عندي عسل صافي مع سكر نبات
ماشي سوى النيران داخل كربله = باتاكل الاخضر وكل اليابسات
أبغاك تتوقع وخل الهروله = أرجوك ياصاحبي لاتركب فيات
للمخشني دمي تروني محلله = لانه صديقي من سنين الماضيات

[محمد سعيد بن مخاشن]

اقتباس : المشاركة الأصلية كتبت بواسطة الطامع

والجيد بن با تيس راعي الأوله = ما قد قصر شرعه شروعه وافيات والمخشني يا ناس ما بنفكله = بنسايره لما النجوم الزاهرات قله حسب للناس لي هم مقبله = وصلوا على شانك ومن كل الجهات وانك من المخلوق مولى كربله = يا كم وكم خالف مذاهب واجدات

عليت يا الطامع عدوّك تب له=يا كاسب الجوده وكل الكاملات
شاعر قوالك مثل علياء مرسله=إتلقّح النّو والسّحُب ذي مثقلات
وباتيس لا قالوا في النّتْ زامله=نترك جميع الأمر مسواها الصلاة
والشيخ ما نبغضه نا ألا خو له=وأبليس لا شرّف تجي كل الهْنات
والمعذره من قول أنا قد قلت له=وبدع هو قاله مكرر بالميات
ولعاد با جوّب لشان المشكله=إتموت وأصوابي يصيرن فالحات
إن جاء بزينه أو بعيفه مرذله=إتجوّب الستره ... ووقت الود فات

محمد بن سعيــد بن مخــاشــن

[طالب النعماني]

احسنتوا ياشعار الزوامل

[محمد سعيد بن مخاشن]

اقتباس : المشاركة الأصلية كتبت بواسطة خالد سالم بن مهناء المري

سلام لش يادار جدي لوله =يادار ربيتي القرون الحانيات عبرت على راسش ليالي القبوله=لي غرمت بااهل القلوب القاسيات اعذروني اخواني ابيات طرت على بالي بعد مشاهدتي للفصل ولو انها خارجه عن الموضوع اقبلوها

فيش النماره والذياب المذهله=وأشبال معْ آساد حمراء كاسرات
وريم ترتع في الضحى والمقيله=خُرّد على عين الشرف متربيات
يا الله بعوده يم دار وبنقله=وغلوب في علو الحيود النايفات
فيها الشهامه والرجوله حالّه=ولا بها قلّة حياء أو منكرات

محمد بن سعيــد بن مخــاشــن