مجلس الدان الحضرمي

[عمر الذيب]

اقتباس : المشاركة الأصلية كتبت بواسطة الواقعي [ مشاهدة المشاركة ]

زقيرتكم من القفّاز مدعوله ومرقوبه= ولاحد غير(شتمه)بايداوي علّة المرقوب مهندس صمم المبنى وعارف حد منسوبه=ويقدّر يهدم المبنى أذا قد جاوز المنسوب وفي بُنيان جارك ما تَرك طوبه على طوبه=لأنهْ ما معهْ تصّريح يبنأ بالحجر واطوب

من ابنانا عجم وهنود والعربان مرعوبه=وليهو مرتعب بالامس شفته يرتقل مرعوب
متى لما متى وعيو نكم بالعصب معصوبه=طلق عصبه على عينك وبا تعرفه لي معصوب
كشفنا عمكم هذي السنه مدلبه وعيوبه=عيوبه واجده وانتو تقولو ماعليه اعيوب
كشفنا خطته يالواقعي واعرفت ملعوبه=لذي هو حالف الشيطان والعبه مئة ملعوب

[صوت سيبان]

الظاهر أنني جيت وقد طارت الصقور بأرزاقها
بغينا من الواقعي الليله الفصل 0وغير مقبول الأعتذار من الجميع
الليله أنا المتحدث الرسمي بأسمهم توكل على الله وقل بسم الله
المغنيين والمدرف جاهزون

[الواقعي]

اقتباس : المشاركة الأصلية كتبت بواسطة صوت سيبان [ مشاهدة المشاركة ]

الظاهر أنني جيت وقد طارت الصقور بأرزاقها بغينا من الواقعي الليله الفصل 0وغير مقبول الأعتذار من الجميع الليله أنا المتحدث الرسمي بأسمهم توكل على الله وقل بسم الله المغنيين والمدرف جاهزون

سلمت يا بو رائد
لآسباب خارجه عن أردة الكبتن
الأجوا لن تسمح للكبتن بالهبوط سوى أضطرارياً

[بن بريك]

اقتباس : المشاركة الأصلية كتبت بواسطة الواقعي [ مشاهدة المشاركة ]

زقيرتكم من القفّاز مدعوله ومرقوبه= ولاحد غير(شتمه)بايداوي علّة المرقوب مهندس صمم المبنى وعارف حد منسوبه=ويقدّر يهدم المبنى أذا قد جاوز المنسوب وفي بُنيان جارك ما تَرك طوبه على طوبه=لأنهْ ما معهْ تصّريح يبنأ بالحجر واطوب

مرضها يا رفيقي صعب فيها الكبد معطوبه = ومن كبده مريضه صار كل الجسم له معطوب
ومن هو في البلد والقلب عنده تنزف اصوابه = حياته في خطر يوم المعلم ما يداوي الصوب

[صوت سيبان]

اقتباس : المشاركة الأصلية كتبت بواسطة الواقعي [ مشاهدة المشاركة ]

سلمت يا بو رائد لآسباب خارجه عن أردة الكبتن الأجوا لن تسمح للكبتن بالهبوط سوى أضطرارياً

إذاً عذرك معك والذيب فيه البركه ولاهو مقصر مع ضيوفه
ذلحين بايقرح بومقصين وباتسمع ردوده
أه؟نسيت حاجه0 بس ذكرت كنت باسألك هل شي برشوت معاكم ولاّ لا؟

[عمر الذيب]

اقتباس : المشاركة الأصلية كتبت بواسطة صوت سيبان [ مشاهدة المشاركة ]

إذاً عذرك معك والذيب فيه البركه ولاهو مقصر مع ضيوفه ذلحين بايقرح بومقصين وباتسمع ردوده أه؟نسيت حاجه0 بس ذكرت كنت باسألك هل شي برشوت معاكم ولاّ لا؟

نشوف البرق والراعد على الوديان يتحطرم=وساهن سيل مروس با يبيت يفتك الوديان
سيول الخرف لاقد جات تقبض بالجبل تلطم=غواربها تشل وتحط في الوادي من الحنشان

[بن بريك]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

من ابنانا عجم وهنود والعربان مرعوبه=وليهو مرتعب بالامس شفته يرتقل مرعوب متى لما متى وعيو نكم بالعصب معصوبه=طلق عصبه على عينك وبا تعرفه لي معصوب كشفنا عمكم هذي السنه مدلبه وعيوبه=عيوبه واجده وانتو تقولو ماعليه اعيوب كشفنا خطته يالواقعي واعرفت ملعوبه=لذي هو حالف الشيطان والعبه مئة ملعوب

علوم اهل البلد ماجت لنا واليوم محجوبه = ولاباتعرف اللي صار لاصار الخبر محجوب
ومن عنده ريالات السعودي نال مطلوبه = ومن قال الحقيقه بايبيت عندهم مطلوب

[صوت سيبان]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

نشوف البرق والراعد على الوديان يتحطرم=وساهن سيل مروس با ينقرها سمر وعلوب سيول الخرف لاقد جات تقبض بالجبل تلطم=غواربها تشل وتحط في الوادي مشط وصلوب

سحابت صيف ماشي منها مكسب ولا مغنم= يبات الرعد يقصف في الهوى ماشي قنف وطهوب
ولاشي سيل منها ياعمر يوصل لبامهشم= ويسقوبه جواحز أو يسقوا في حجل منخوب

[محمد سعيد بن مخاشن]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

نشوف البرق والراعد على الوديان يتحطرم=وساهن سيل مروس با يبيت يفتك الوديان سيول الخرف لاقد جات تقبض بالجبل تلطم=غواربها تشل وتحط في الوادي من الحنشان

مَسَاك الخير يا شاعر لِمَه يا خوك تتبرّم؟
تركها عا الذي خطط لنا الفقـّـوز يا ذيبان

إذا شربت وإن تمّت جروبك ذبر جلد أجذم
كتب ربي صنوف البوس عا البرصان والجذمان

[عمر الذيب]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

نشوف البرق والراعد على الوديان يتحطرم=وساهن سيل مروس با يبيت يفتك الوديان سيول الخرف لاقد جات تقبض بالجبل تلطم=غواربها تشل وتحط في الوادي من الحنشان

يرفع للاطلاع