مجلس الدان الحضرمي

[الواقعي]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

كلامك زين ذي الليله طلع في الراس غياتي=تغل عالصوب وتجيب الدواء ياحضرة الدكتور واما لكع ذاك الزقر لاسيادي وساداتي=صدق به ماكذب لكن محسبها كذا بتدور ولما دارت الدنيا ولا سمعن مناجاتي=بلاهن ربنا بالحوت مثل المغص في الامصور

معليش غياب اضطراري

دحقت الشوك والرمضا ولاحد خزّم احذاتي=وعاد الجول قدامي ولكن عالحفى مجبور
فشل طبي في السكني وسحري هو ووصفاتي=ولا با يفلح الا لو يمينه والقدم مبتور
دعه يا الذيب عا ربك ولي مكتوب با ياتي =وخل الحوت فا الغبه وبكره با يجيه الدور

[عمر الذيب]

اقتباس : المشاركة الأصلية كتبت بواسطة الواقعي [ مشاهدة المشاركة ]

معليش غياب اضطراري دحقت الشوك والرمضا ولاحد خزّم احذاتي=وعاد الجول قدامي ولكن عالحفى مجبور فشل طبي في السكني وسحري هو ووصفاتي=ولا با يفلح الا لو يمينه والقدم مبتور دعه يا الذيب عا ربك ولي مكتوب با ياتي =وخل الحوت فا الغبه وبكره با يجيه الدور

عوض حددت له مده تعدى كل ميقاتي=اظن انه طويل العمر وانه بالهوى مسحور
اذا تنازل رجع واعدل وعدته لا متاهاتي=اشل واحط واحيانا بيدي عدل الدستور
بغيت الصدق قل للواقعي ياكثر وقعاتي=ولكني مصمم حطكم في بوتقة قعرور

[احمدباعجره المشجري]

صبر قلتو صبر لما متى طالت معاناتي =وفي درب المحبه درب مظلم ماعرفت النور
برغم ان لي مكاني عند من يعرف بميزاتي = ولاتحسب كلامي يالملاحظ كبريا وغرور

[أحمد العمودي أبوفيصل]

اقتباس : المشاركة الأصلية كتبت بواسطة احمدباعجره المشجري [ مشاهدة المشاركة ]

صبر قلتو صبر لما متى طالت معاناتي =وفي درب المحبه درب مظلم ماعرفت النور برغم ان لي مكاني عند من يعرف بميزاتي = ولاتحسب كلامي يالملاحظ كبريا وغرور

هلا بابيات من شاعر دري واعلم بازماتي = ترك بعض الكلام خلك في العشقه تلف ودور
ونا برفع لرب الكون قال الشيخ مشكاتي = من الظالم تراني ياحمد يالمشجري مقهور

[احمدباعجره المشجري]

اقتباس : المشاركة الأصلية كتبت بواسطة أحمد العمودي أبوفيصل [ مشاهدة المشاركة ]

هلا بابيات من شاعر دري واعلم بازماتي = ترك بعض الكلام خلك في العشقه تلف ودور ونا برفع لرب الكون قال الشيخ مشكاتي = من الظالم تراني ياحمد يالمشجري مقهور

رعى الله يالعمودي وقت مر ولّعاد باياتي =لعد ترجع قدم من عادتك في أول الطابور
ونا قدلي شهر وسنين في حزني واهاتي =لإنه في النهايه لاحضر ناصر ولا منصور

[الواقعي]

اقتباس : المشاركة الأصلية كتبت بواسطة احمدباعجره المشجري [ مشاهدة المشاركة ]

رعى الله يالعمودي وقت مر ولّعاد باياتي =لعد ترجع قدم من عادتك في أول الطابور ونا قدلي شهر وسنين في حزني واهاتي =لإنه في النهايه لاحضر ناصر ولا منصور

الربط خذ حقه يا جماعه
براسك الربط الليله يابا عجره
لعل وعسى يدخل مجمل للمجلس الي شايفينه قريّب الليله نبا منّه كم موّال تصم الراس

[الرقيب]

اقتباس : المشاركة الأصلية كتبت بواسطة احمدباعجره المشجري [ مشاهدة المشاركة ]

رعى الله يالعمودي وقت مر ولّعاد باياتي =لعد ترجع قدم من عادتك في أول الطابور ونا قدلي شهر وسنين في حزني واهاتي =لإنه في النهايه لاحضر ناصر ولا منصور

زمان اول عبر ما كان حد يقراء جواباتي=واما اليوم شفنى يالمعنى قاهر المغرور
كذا الايام تتبدل احد رايح وحد ياتي = ولا دامت لحد كمن ولد فيها صبح مغدور

[عيون المكلا]

جبرنا الظلم عاقبول الاسئ واخماد صرخاتي =بلا سيناريو يصبح بطل بين العرب مشهور
مسيكينه عليهاسلطوا الاضواء .ماسمعت نداءاتي=ولا لبت رجاء من عاقل الحاره ولا مسرور

[الرقيب]

اقتباس : المشاركة الأصلية كتبت بواسطة أحمد العمودي أبوفيصل [ مشاهدة المشاركة ]

هلا بابيات من شاعر دري واعلم بازماتي = ترك بعض الكلام خلك في العشقه تلف ودور ونا برفع لرب الكون قال الشيخ مشكاتي = من الظالم تراني ياحمد يالمشجري مقهور

لعاد تشكي لحد ياخوي وتقّبل مواساتي = وصبرك في النهايه ياعزيزي بايجيه الدور
ومن طوّل في الغيبه مصيره يوم باياتي = مصير الحي يتلاقى ويظهر عنده المستور

[الرقيب]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

عوض حددت له مده تعدى كل ميقاتي=اظن انه طويل العمر وانه بالهوى مسحور اذا تنازل رجع واعدل وعدته لا متاهاتي=اشل واحط واحيانا بيدي عدل الدستور بغيت الصدق قل للواقعي ياكثر وقعاتي=ولكني مصمم حطكم في بوتقة قعرور

ومهما طال في عمره تأكد ساعته تاتي = وكل شاطر وله وقعه علينا ياعمر مقدور
ودستور الهوى مابايعدّل لجل لذاتي = وكم فارس خضع للحكم عنده قد صبح مجبور