مساجلات الزامــــل الشعبي

[سبع الليل]

ياريت هم صبروا على جــــيرانها= وتمـــسكوا بالوعــل وقرون الغـــزال

ياعوا بضــاعــــتهم بقل اثــمانها=وتحسفـــوا من بعـــد ماغـــاب الهــلال

لا الراعيه سلـــكة ولا بعــــرانها= ماليـــوم قـــدها سحــــابه في خــــيال

دركوا عليها وارفعوا من شأنها= والا ابعـــدوا منها وقـــولوا لي تــعــال

[أحمد العمودي أبوفيصل]

من بعدماكثروا هنا عيلانها = ماليوم قد شلت لكل واحد عقال
مادامه الشيبه سمع خلانها = ماليوم قدها يارفيقي عالتفال
لاضقت باكسر لكم بيبانها = وباخلي الدولار في صرف الريال
وانك تبى معنا حسب حسبانها = بنقول ياحيابكم عاكل حال

[سبع الليل]

لو هـــي قويه ماسقــــط بنـــيانها= ولاتــزحـــزحن القـواســم والقـــبال

يوم الركيـــكه يعـــترف عنـوانها = فــشلت ولا زالت غنيمه للفـــشال

وقعت مع بدوي نـتخ كرعـــانها = هيـــم بها بين الصحاري والتـلال

ضـــيع فر املــها مع سكـــانها = لــــنه مــــبد يابــــداله من بـــدال

[سبع الليل]

ذا فصــــل بـــــتوكل وبالله الوكـــل=في حـــالة الشــــده يبـــتيها الوكـــــيل

باتمم الجـــوده وباصــــب ا لعسـل= وبسقيك يالغازي من الماء سلسبــيل

اسمي وعنواني على راس الدقل = ما انا من الناس ذي لهم قيلاً وقـــيل

مرضى بشي باطل ولا حب الحيل= ولا بـــنكر المعروف هذا مستــــحـيل

مسكــنك يالطيب ويا الشهم المقل=وان كان هذا مــدح في شخصك قليل

انت الوفي ابن الوفي مالك مــثل= في ذا الزمن ياصــاحبي مالك مثــيل

[سبع الليل]

ردوا علي قـــولوا ســلام الفين هـــل= ما بـــادوم ألا المـــروه والجمـــيل

نحن رجـــال العـــقـــل ما نحن سقــل = ان كان شي غلـطه وزله باتمــيل

ذالا ســـلاء مابـــينــنا ما هو زعــل= وممازحه بــين المعــــلم والقبــيل

[سبع الليل]

بــبدع وباجوب لوحـــدي بازهل=نعرف لزام اليوم والزام الدويل

باقرب الشتني جواري والبصل=والشـــاذليه بالجفل والزنجبـــيل

[سبع الليل]

عندي رساله والرساله في عجل=مابابعد عنكم وألا انا مستــقيل

باحبكم والحب معطيـــنا أمـــل = فيــكم وباحب المغاوي والزميل

[سبع الليل]

خيره في البـــياع خــيره في الدلل = هاتوا لنا مخلوق بايمــلك دلـــــيل

لافد فــتحــنا الباب والمفــقر دخل = ماينتكر غير المخـــازي والدخـــيل

ماالليله الا من على راس الجـبل= بانسمع اصوات المعانق والصهيل

خمسه وستين الف مثـنات الوحل= واربعميه مابــين حوره والسحــيل

[سبع الليل]

الفيـــن باصلي على بوفــاطمه= المصـطـــفى المخــتار سيد المرسلين

والأل والأصحاب روس القائمه= بــفــعـالهم فـــازوا بهــا دنــيا وديـــن

ياريت ريســان القـبل متفاهمه= ذالأ على ماشـــي كــذا متــخاصميــن

الســوس ينخر والدويبه ظالمه= توكل من النخله وتقمح في الطحين

[سبع الليل]

ياسامعين الصوت شــوها خاتمه= الوله زانت ولخرى باتــزيـــن

باسير في الوادي قيـودي ناسـمه=الجــوهره بــيدي لها أربع سنيـن

من بايـــسالمــنا انــا باســـالمه = بعطيه من مالي ربع وألا ثميــن

ومن بايقاسـمنا سوى باقاسمه =العز والناموس في راسي مكين