مساجلات الزامــــل الشعبي

[ابوعامرالنعماني]

شفوا لنا فصل جديد ياشعار

[طالب النعماني]

ابشر يابوعامر
هوكوا وازتملوا ياشباب

ياهل السقيفه حكموا لبيات=لبغاء قوافي ترغب الشعار
ماعاد بتندم على مافات=عندي رضاكم ذي عليه البار

[طالب النعماني]

هاجسي ماتعود على القصرات=ياهل الوفاء والعز والمقدار
ماحسفه الا عالذي قد مات=روح وخلانا بباب الدار

[ابوعامرالنعماني]

تسلم يابوراضي

[ابوعامرالنعماني]

يابلكرم ياواسع المدات=ارحم عبادك من لهيب النار
واحفظ لساني ماتجي زلات=يابلكرم يالواحد القهار

[نايف باتيس النعماني]

وحشتنا يابوراضي بعد ماغادرت
اتمنى لك التوفيق وعسا ان نلقاك قريب
وربي لايحرمنا من شوفتك

في وسط قلبي عاد لك حنات=يابن حسن ياشاعر الشعار
لو بيعطوني ماس واجنيهات=ماباء فراقك يالوفي المغوار
لاكن ياهذا الزمن هيهات=فرقت مابين المحب والجار
واحد علي سافر ولاخر مات=يسكنه ربي جنة الابرار
الطف بنا ياواسع المدات=سالك بجمع الشمل وسط الدار

[طالب النعماني]

الله يسلمك يابوعامر واحسنت على الابيات
الاخ /نايف وحشتنا اكثر عسانا نلتقي قريب

من فوق راسي زادت الازمات=من عندكم شونا بغينا الشار
الاوله مرت ولخرى جات=والثالثه فوق العرب تندار
واللي لقى في خاطر حسرات=حكم المقدر من يرد لقدار
يسكنه رب الكون في الجنات=جنة عدن موطن لكل لخيار
يابن حسن ماختلفت النيات=يدي بيدك كمل المشوار
ولعاد تتندم على مافات=حكم المقدر كل ماقد سار

[طالب النعماني]

وهذا جواب ابوعامر

لما متى باتصارع الموجات=هذا الزمن ياصاحبي غدار
يصبح عشاء حيه من الحيات=من لاعدرف يمناه من ليسار

[طالب النعماني]

نداء لكل شعار السقيفه
نريد مشاركاتكم وينكم وين غيبتوا
السقيفه بدونكم لا شي

[طالب النعماني]

اقتباس : المشاركة الأصلية كتبت بواسطة طالب باتيس النعماني

وهذا جواب ابوعامر لما متى باتصارع الموجات=هذا الزمن ياصاحبي غدار يصبح عشاء حيه من الحيات=من لاعدرف يمناه من ليسار

حتى لانغيير القافي عليكم اقتبسناء الابيات السابقه