مجلس الدان الحضرمي

[سبع الليل]

اقتباس : المشاركة الأصلية كتبت بواسطة محمد سعيد بن مخاشن [ مشاهدة المشاركة ]

معاين يوم يا محفوظ يوقع نقـْـــر أنياب(ي)=ولا يمكن يظل الشعب يتصبّر على كل ضار ومن حاول يصلّح شي قالوا عنه إرهابي=وهم لرهاب ... بيّاعه ومشتريه وحد سمسار

نباء نعزف على اوتارالفتى الموهوب زريابي = ولكن مامعي مسكة وشدة زرزر الااوتار
خذونا بالسياسية كسروا نابي ومخلابي = ولقوا لي لعب كرتون مثيل القط هو والفار

[الواقعي]

اقتباس : المشاركة الأصلية كتبت بواسطة أحمد العمودي أبوفيصل [ مشاهدة المشاركة ]

رحب بابيات من شاعر بشعره زاد أعجابي = وله تقدير عندي من زمن يامعشر الشعار وكل شاعر في السمره انا عده من أصحابي = خلاف الواقعي ليهو على خطي لعب بالنار

نشرّ ياشيخ فالمرعى وشي منعم وشي هابي=نصيحه لا تمر ياشيخ قرب المنيب الهدار
صحيح انّي من الغنّا وخالي شفه وهابي=وخالي ما دخل مولد ولا يعجبه صوت الطار

[أحمد العمودي أبوفيصل]

اقتباس : المشاركة الأصلية كتبت بواسطة الواقعي [ مشاهدة المشاركة ]

نشرّ ياشيخ فالمرعى وشي منعم وشي هابي=نصيحه لا تمر ياشيخ قرب المنيب الهدار صحيح انّي من الغنّا وخالي شفه وهابي=وخالي ما دخل مولد ولا يعجبه صوت الطار

انا من امس لمى اليوم فوق النت ونا صابي = وبالكشاف دورلك وركبنا لها احجار

[سعيد عبيد]

ونا مادريت مركب باخشب لاوين رسابي =بميناء خلف او ميناء عدن مابينهم محتار
لأن البحر دوخبي وقدني لا على اعصابي=من لذي فيه ياحافظ حفظ وتجنب الأخطار

[الواقعي]

اقتباس : المشاركة الأصلية كتبت بواسطة سعيد عبيد [ مشاهدة المشاركة ]

ونا مادريت مركب باخشب لاوين رسابي =بميناء خلف او ميناء عدن مابينهم محتار لأن البحر دوخبي وقدني لا على اعصابي=من لذي فيه ياحافظ حفظ وتجنب الأخطار

انا يا سعيد متوصي وجاري ما توصابي=ولكن حلها مالي في الصاحب ولا فالجار
جبال الكسر معروفه ولاشي منّها غابي=ندور عالزهر يوم الحطب مكّثره فالمعشار

[سعيد عبيد]

اقتباس : المشاركة الأصلية كتبت بواسطة الواقعي [ مشاهدة المشاركة ]

انا يا سعيد متوصي وجاري ما توصابي=ولكن حلها مالي في الصاحب ولا فالجار جبال الكسر معروفه ولاشي منّها غابي=ندور عالزهر يوم الحطب مكّثره فالمعشار

دهن في الجار لاتفرط وخلك دوب إيجابي =مع جارك وسابع جار قع يالواقعي هيدار
ولاشي بايقع زايد ولا ناقص في حسابي=بسعر اليوم عن ذي قبلها يفرق ربع دولار

[علي بن طالب الحامد]

اقتباس : المشاركة الأصلية كتبت بواسطة الواقعي [ مشاهدة المشاركة ]

نشرّ ياشيخ فالمرعى وشي منعم وشي هابي=نصيحه لا تمر ياشيخ قرب المنيب الهدار صحيح انّي من الغنّا وخالي شفه وهابي=وخالي ما دخل مولد ولا يعجبه صوت الطار

حلف ان شئ لك فالغناء ؟

[علي بن طالب الحامد]

اقتباس : المشاركة الأصلية كتبت بواسطة الواقعي [ مشاهدة المشاركة ]

نشرّ ياشيخ فالمرعى وشي منعم وشي هابي=نصيحه لا تمر ياشيخ قرب المنيب الهدار صحيح انّي من الغنّا وخالي شفه وهابي=وخالي ما دخل مولد ولا يعجبه صوت الطار

حلف انك من الغناء وبين موقف ايجابي=ونخلك فيه والمرعى ومالك والعمل والدار
وخالك ذي دغل شيبته ماضنيت ارهابي=بطي بدوي ولا يقرا متى قد جالس الاخيار

[الواقعي]

نبا احد يجيب فصل تحضير للسمره

[محمد سعيد بن مخاشن]

اقتباس : المشاركة الأصلية كتبت بواسطة الواقعي [ مشاهدة المشاركة ]

نبا احد يجيب فصل تحضير للسمره

خرج ذا فصل والثاني لقيت الياس ولقيت الخضر مرّه = ولا تمنيت ما صددّقت بن هذا الخضر والياس
وقد دبّر وخلاني ونا محتار لا يا همـــرة الهمـــــــــره = ولا بحكي لحد فزعان منـّــي يضحكون الناس

(

( عبد الله باصرّه )