مجلس الدان الحضرمي

[الاسد القرشي]

اقتباس : المشاركة الأصلية كتبت بواسطة سبع الليل [ مشاهدة المشاركة ]

سُمر ياهاجسي لما تدق وحده وسر دارك=ثلاثه ارباع في عقلي تسمسر والرُبع مشطون وقٌم يالزيلعي طرّح وشل طبلك ومزمارك=وسمعنا الصوات الشيقه قبل العرب يسرون وكل ماجاك من خالك ومن عمك ومن جارك=لقولك في الهواء مقلب وهم بالعقبه يدرون

يامرحب وياسهلا وفوق النجم مقدارك = بالشاعر ابونابين لي ورّد ذهب موزون
من جنة بياتك قد جنينا حالي اثمارك = شفت اهل المشارق والمغارب في السمر يجنون

[الواقعي]

اقتباس : المشاركة الأصلية كتبت بواسطة سبع الليل [ مشاهدة المشاركة ]

وهذا لي حصل ماليوم قل قدرك ومقدارك=قليل العرف ماله في الهواء حكمه ولا قانون تباء باتكسب البيعه ولكن ضاعت أفكارك=قنع ماشي مكاسب والعرب من ظلمكم يشكون

عرفنا طبعك الطيّب مع هيبتك وأوقارك=ذهن لا تنزلق رجلك كما لي فالطحس يجرون
لسان الآدمي نصه حذر غلطتك واتدارك=ولي ما يتّبع موسى تبع يا صاحبي فرعون

[ديناميت الجنوب]

اقتباس : المشاركة الأصلية كتبت بواسطة سبع الليل [ مشاهدة المشاركة ]

سُمر ياهاجسي لما تصل وحده وسر دارك=ثلاثه ارباع في عقلي تسمسر والرُبع مشطون وقٌم يالزيلعي طرّح وشل طبلك ومزمارك=وسمعنا الصوات الشيقه قبل العرب يسرون وكل ماجاك من خالك ومن عمك ومن جارك=لقولك في الهواء مقلب وهم بالعقبه يدرون

فقه من ولد بن قطمان قبل ان ينكشف بارك=ترا برهان فيهم للحمه يا صاحبي يرقون
وبن قطمان مثل الدوسري ذي لثقل بارك=ينوش بالعدل والعلو ماهو مثل ذي يرغون
ونا شوف المخيله والمطر مقبل وله حارك=عبر سله قبض من مريمه لما طرف دمون

[سبع الليل]

اقتباس : المشاركة الأصلية كتبت بواسطة الاسد القرشي [ مشاهدة المشاركة ]

يامرحب وياسهلا وفوق النجم مقدارك = بالشاعر ابونابين لي ورّد ذهب موزون من جنة بياتك قد جنينا حالي اثمارك = شفت اهل المشارق والمغارب في السمر يجنون

وصلنا بالقماش الزين هيا طّرف أمتارك= نباء وارين يالقرشي تصل لما قداء سيون
وللجذنه معي منشار صنعه مثل منشارك=صناعة لنقلند ماشي مثيله في الدول يلقون

[سبع الليل]

اقتباس : المشاركة الأصلية كتبت بواسطة الواقعي [ مشاهدة المشاركة ]

عرفنا طبعك الطيّب مع هيبتك وأوقارك=ذهن لا تنزلق رجلك كما لي فالطحس يجرون لسان الآدمي نصه حذر غلطتك واتدارك=ولي ما يتّبع موسى تبع يا صاحبي فرعون

على عيني وراسي باسمع نُصك واشوارك=ولكن لي نشوفه سدنا بيقيض القالون
وقلنا ياجحا لما متى والعذر مسمارك=خليق الله تتنفس ولنا في عيشتي مغبون

[سبع الليل]

اقتباس : المشاركة الأصلية كتبت بواسطة ديناميت الجنوب [ مشاهدة المشاركة ]

فقه من ولد بن قطمان قبل ان ينكشف بارك=ترا برهان فيهم للحمه يا صاحبي يرقون وبن قطمان مثل الدوسري ذي لثقل بارك=ينوش بالعدل والعلو ماهو مثل ذي يرغون ونا شوف المخيله والمطر مقبل وله حارك=عبر سله قبض من مريمه لما طرف دمون

انا الا باتعّلم عادنا ماوصلت لعبارك=بغيت النصح منك يالجنوبي كثرها والدون
ولا باقول شي منك ولا من كثر زوارك=معي خاطر يسع بحر العرب والنهرذي في الخون

[محمد سعيد بن مخاشن]

اقتباس : المشاركة الأصلية كتبت بواسطة سبع الليل [ مشاهدة المشاركة ]

على عيني وراسي باسمع نُصك واشوارك=ولكن لي نشوفه سدنا بيقيض القالون وقلنا ياجحا لما متى والعذر مسمارك=خليق الله تتنفس ولنا في عيشتي مغبون

ومالك عذر يا المصري يقودك حسني إمبارك=وبن يمنان ما له عذر ما يقوده علي عبدون
معد شي دهن يا سبع الليالي وسْطـَــه إصمارك=دِهِن بالقاز با يدفيك من ذا البرد في كانون

[ديناميت الجنوب]

اقتباس : المشاركة الأصلية كتبت بواسطة سبع الليل [ مشاهدة المشاركة ]

انا الا باتعّلم عادنا ماوصلت لعبارك=بغيت النصح منك يالجنوبي كثرها والدون ولا باقول شي منك ولا من كثر زوارك=معي خاطر يسع بحر العرب والنهرذي في الخون

بغيت الصدق ليلك ماعرفنا فيه ونهارك=تقلب قل لبو جمعان لك الفين لون ولون
تدور للرخيص البخس مايبدل بدوارك=وخليت الجروب المثمره للعايب المفتون

[محمد سعيد بن مخاشن]

اقتباس : المشاركة الأصلية كتبت بواسطة محمد سعيد بن مخاشن [ مشاهدة المشاركة ]

ومالك عذر يا المصري يقودك حسني إمبارك=وبن يمنان ما له عذر ما يقوده علي عبدون معد شي دهن يا سبع الليالي وسْطـَــه إصمارك=دِهِن بالقاز با يدفيك من ذا البرد في كانون

إذا همّتَك ذي الدنيا فـُرُش فرشتك وِدْثارك=ولا تهمر ولا تصبي ... فيينه قد غدى قارون؟
ولو سقطت سماء ربّي يجي لك عا ملى كارك=لبوها تلتِعِص دنيا النـّـدم وناسها يفنون

[سبع الليل]

اقتباس : المشاركة الأصلية كتبت بواسطة محمد سعيد بن مخاشن [ مشاهدة المشاركة ]

ومالك عذر يا المصري يقودك حسني إمبارك=وبن يمنان ما له عذر ما يقوده علي عبدون معد شي دهن يا سبع الليالي وسْطـَــه إصمارك=دِهِن بالقاز با يدفيك من ذا البرد في كانون

تعذر يالخشيني والذي با يقبل اعذارك=يروم المصلحه منك وعقب المصلحه ينسون
ولا باتحمل اوزراري واناما مابحمل اوزارك=ولي بيقدّره ربك علينا لازماً بيكون