مساجلات الزامــــل الشعبي

[أحمد العمودي أبوفيصل]

حدهم منهم يخطي ولابيصيب = لمى متى وحنا معاكم
كل من تصوب منكم بيطيب = مادام تفلتنا دواكم

[أحمد العمودي أبوفيصل]

كل ماحصل في الارض من تخريب = من عندهم او من قداكم
ياباكتيفه عاسؤالي جيب = من شان نحضر عادعاكم
ماشفته الطامع ولابونصيب = ليهو يدور عارضاكم
ياله عسا امالنا متخيب = للمخشني اخر عشاكم

[الطامع]

ذا وقتنا دايم نكد وعجيب = يهل السقيفه ميخفاكم

شف شاتنا ترغب بتيس غريب = لي هو بقرنه قد غراكم

ذي شاه سمينه وجم فيها حليب = من سمح ترعى في خلاكم

[يسلم باكتيفه العكبري]

الشمس غابت والقمر بيغيب = عارض من القبله وجاكم
والسيل بيقطب ضمر تقطيب = وان ماترفعتوا حجاكم

[أحمد العمودي أبوفيصل]

اقتباس : المشاركة الأصلية كتبت بواسطة المخشني [ مشاهدة المشاركة ]

خـــارج السيـــاق يصبر أبو مخشن إذا هو قد بلي=وشعبة عمر من عرضنا منكوعه وإنك هداك الله بذبح لك طِلي=بعرف بان غلطاتكم مرجوعه محمد بن سعيــد بن مخــاشــن

الطلي مبغيته ونا جدي ولـي = قوتي نجيبه من خطم مقطوعه
لاماذبحت الثور لاتنكد علـي = شفها الذبيحه مننا مرجوعـه

[يسلم باكتيفه العكبري]

ماني من اهله التفرقه والعيب = ولاهنا قاصد عداكم
عن دارنا لاياحمد ماغيب = بس جبت من داري دواكم

[يسلم باكتيفه العكبري]

وتصبحون على خير

[أحمد العمودي أبوفيصل]

النفط في الصحراء بغى تنقيب = والظاهر ان هرجي خطاكم
ومن ضري عالهوش والتهريب = ماعذر يصبح في المحاكم
مشاه لاودت ولابتجيب = لاقمت باسيل دماكم
كل من يعمر يحسب التشطيب = لاطيروا في الطين ماكم

[أحمد العمودي أبوفيصل]

اقتباس : المشاركة الأصلية كتبت بواسطة يسلم باكتيفه العكبري [ مشاهدة المشاركة ]

ماني من اهله التفرقه والعيب = ولاهنا قاصد عداكم عن دارنا لاياحمد ماغيب = بس جبت من داري دواكم

هرجك على معنى وله ترتيب = من شان ذا بروي ضماكم
ودواك انا باجربه تجريب = ان قد نفع ولا قداكم

[الطامع]

الطعم حالي لا أكلت ازبيب = منه كلوا واملوا شواكم

مثل الكلام الزين لي هو رطيب = يكفيك عن بعض التراكم

انسان نا عاقلي ولاني خيب = والخيب لا يمكن نلاكم

هذا كلامي يا عتيد ارقيب = كتبوه في الصفحه معاكم