مجلس الدان الحضرمي

[بوشاكر]

اقتباس : المشاركة الأصلية كتبت بواسطة سبع الليل [ مشاهدة المشاركة ]

على كرسي الرئاسة قل لبو صالح تنازعنا = ولكن كل شي ياتي بحكم الوقت والقانون ثلاثة ارباع في شعب اليمن شفهم يبومعنى = ولاسيب الذي قالو بلادالعزهي سيئون

تنازعتم ونحن قبل نتنازع تودعنا = وقلنا خل ذيهم بعدنا يلقون ذي يلقون
ولكن القرار الصعب ذي خذناه ضيعنا= نباكمران ودتنا سفينتنا الى ميّون

[سبع الليل]

اقتباس : المشاركة الأصلية كتبت بواسطة بوشاكر [ مشاهدة المشاركة ]

تنازعتم ونحن قبل نتنازع تودعنا = وقلنا خل ذيهم بعدنا يلقون ذي يلقون ولكن القرار الصعب ذي خذناه ضيعنا= نباكمران ودتنا سفينتنا الى ميّون

بنيّه صادقه جينا وعالوراق وقعّنا=وقلنا باتقع عيشه من البترول لي مدفون
مع الوحده وللوحده وكل الناس تسمعنا=وخلينا عرب مابينهم ثارات يتحدون

[بن بريك]

اقتباس : المشاركة الأصلية كتبت بواسطة سبع الليل [ مشاهدة المشاركة ]

بنيّه صادقه جينا وعالوراق وقعّنا=وقلنا باتقع عيشه من البترول لي مدفون مع الوحده وللوحده وكل الناس تسمعنا=وخلينا عرب مابينهم ثارات يتحدون

وقعنا فالمطب يالسبع لأنّا ما توقعنا = ولا هو من طمع بس كان يدفعنا نظام الهون
وذلحين الندم ما ينفعك ولعاد حد معنا = وقد خابت اماني شعبنا بالكنز ذي مسهون

[ملك اليمن]

اقتباس : المشاركة الأصلية كتبت بواسطة سبع الليل [ مشاهدة المشاركة ]

بنيّه صادقه جينا وعالوراق وقعّنا=وقلنا باتقع عيشه من البترول لي مدفون مع الوحده وللوحده وكل الناس تسمعنا=وخلينا عرب مابينهم ثارات يتحدون

طمع شو السبع في الثروه وورطناء = ولحسبها النهايه كيف هي بتكون
ومن قبل الطمع شوفوا صحابه خربوا المبناء = صقع جاهم في الآذان ميسمعون

[سبع الليل]

اقتباس : المشاركة الأصلية كتبت بواسطة بن بريك [ مشاهدة المشاركة ]

وقعنا فالمطب يالسبع لأنّا ما توقعنا = ولا هو من طمع بس كان يدفعنا نظام الهون وذلحين الندم ما ينفعك ولعاد حد معنا = وقد خابت اماني شعبنا بالكنز ذي مسهون

تراها الا هذاوي كل ابوها مالها معنى =ولكم الحقيقه قد خفاها السرسري المهيون
من ضرع اللبن نحن وهم قالوا تراضعنا=ألا ياضرع كل منه شرب منك مسى مجنون
ومن كثر الخجل ذي هو رباء معنا تواضعنا =وقطبّنا قرون الوعل لي هو بالسره مرصون

[سبع الليل]

اقتباس : المشاركة الأصلية كتبت بواسطة ملك اليمن [ مشاهدة المشاركة ]

طمع شو السبع في الثروه وورطناء = ولحسبها النهايه كيف هي بتكون ومن قبل الطمع شوفوا صحابه خربوا المبناء = صقع جاهم في الآذان ميسمعون

انا من قمت ياملك اليمن ماحد يفزعنا=لأنا مقبض الرشوه ولا اقبض سيرك المدهون
بحبل الله متمسك عظيم الشأن مرجعنا=ولا بي خوف من جُحدر ولا جابر ولد حسنون

[بن بريك]

اقتباس : المشاركة الأصلية كتبت بواسطة سبع الليل [ مشاهدة المشاركة ]

تراها الا هذاوي كل ابوها مالها معنى =ولكم الحقيقه قد خفاها السرسري المهيون من ضرع اللبن نحن وهم قالوا تراضعنا=ألا ياضرع كل منه شرب منك مسى مجنون ومن كثر الخجل ذي هو رباء معنا تواضعنا =وقطبّنا قرون الوعل لي هو بالسره مرصون

مع الوحده مشينا كلنا والله جمّعنا = ولكن بعد ذاك الجمع صاحبنا صبح مسجون
تفرقنا وحاولنا نجيب اسباب تجمعنا = ولكن للاسف قد ضاع ذاك الحلم والمضمون

[بوشاكر]

اقتباس : المشاركة الأصلية كتبت بواسطة سبع الليل [ مشاهدة المشاركة ]

تراها الا هذاوي كل ابوها مالها معنى =ولكم الحقيقه قد خفاها السرسري المهيون من ضرع اللبن نحن وهم قالوا تراضعنا=ألا ياضرع كل منه شرب منك مسى مجنون ومن كثر الخجل ذي هو رباء معنا تواضعنا =وقطبّنا قرون الوعل لي هو بالسره مرصون

بغيت الصدق مالنكبات لايالسبع تتبعنا= من المولى مقدر والقدر لابدله مايكون
ولامعنا في الغربه نسم ولعد تمتعنا =بمسقط رأسنا ماسوى معانا الفرقزه بعيون
ومهما بانحبك يالوطن او بك تولعنا=نحس بالذل منك والمهونه والنكد وغبون
على رغم انتمانا ورغم ما انا تربعنا=على عرشك وعانينا عناءموسى مع فرعون

[سعيد عبيد]

اقتباس : المشاركة الأصلية كتبت بواسطة بن بريك [ مشاهدة المشاركة ]

مع الوحده مشينا كلنا والله جمّعنا = ولكن بعد ذاك الجمع صاحبنا صبح مسجون تفرقنا وحاولنا نجيب اسباب تجمعنا = ولكن للاسف قد ضاع ذاك الحلم والمضمون

من الخيرات كلنا سعفكم لما تجشعنا =وانتم مابغيتونا بغيتوا وحدكم تكلون
ولوكان النوايا صادقه فيها تمتعنا=ولاحد جاته القرحه ولاحد جاله القولون

[سبع الليل]

اقتباس : المشاركة الأصلية كتبت بواسطة بوشاكر [ مشاهدة المشاركة ]

بغيت الصدق مالنكبات لايالسبع تتبعنا= من المولى مقدر والقدر لابدله مايكون ولامعنا في الغربه نسم ولعد تمتعنا =بمسقط رأسنا ماسوى معانا الفرقزه بعيون ومهما بانحبك يالوطن او بك تولعنا=نحس بالذل منك والمهونه والنكد وغبون على رغم انتمانا ورغم ما انا تربعنا=على عرشك وعانينا عناءموسى مع فرعون

كلام محبوك يابوشاكر صح لسانك بارك فيك يالنشمي