مساجلات الزامــــل الشعبي

[بانصيب]

من طوربورا شن حكمة يار = الذايبي من فوقهم حنان
من عندنا ماشي سوى شمتار = من خط هنيه ذي في الميدان
وفيينهم ذي يسترون العار= وينزلون الهرج بالميزان
راحت عليهم من دقام الكار = وزن القذائف فوقهم اطنان

[خالد بن مهنا]

اقتباس : المشاركة الأصلية كتبت بواسطة بانصيب [ مشاهدة المشاركة ]

من طوربورا شن حكمة يار = الذايبي من فوقهم حنان من عندنا ماشي سوى شمتار = من خط هنيه ذي في الميدان وفيينهم ذي يسترون العار= وينزلون الهرج بالميزان راحت عليهم من دقام الكار = وزن القذائف فوقهم اطنان

الف مبروك يابانصيب صولك على لقب شاعر السقيفه..استحقيته وعن جداره..لاحرمنا الله منك ياشاعرنا الكبير..

[محمد سعيد بن مخاشن]

عدّى زمن بو نْضال معْ جيفار=ذا الوقت حق ( سوسن ) معا ( جيهان )
الصبر لمّا يحكم الجبّار=هذي الحقيقه كالحه يخوان
ماتت نخيلي مالية لزيار=ودِمْرت جروب البُر والشوفان
باقي الحدج مخبَثِه طعمه قار=وعا الخرابه تنعق الغربان

محمد بن سعيــد بن مخــاشــن

[محمد سعيد بن مخاشن]

اقتباس : المشاركة الأصلية كتبت بواسطة بانصيب [ مشاهدة المشاركة ]

وفيينهم ذي يسترون العار= وينزلون الهرج بالميزان

إبشر بقمّه با تقع ( فــ ) ظفار=أو في كويت العز والإيمان
وإبيان طوله لا مترت أمتار=وأما النتيجه ما كأن شي كان
الذيب با يتمي في الأوصار=كل يوم يتخيّر من الخرفان
والراعي إمغفّل ولا يعتار=لتقول ذا صاحي ولا غفيان

محمد بن سعيــد بن مخــاشــن

[محمد سعيد بن مخاشن]

اقتباس : المشاركة الأصلية كتبت بواسطة المخشني [ مشاهدة المشاركة ]

إبشر بقمّه با تقع ( فــ ) ظفار=أو في كويت العز والإيمان وإبيان طوله لا مترت أمتار=وأما النتيجه ما كأن شي كان الذيب با يتمي في الأوصار=كل يوم يتخيّر من الخرفان والراعي إمغفّل ولا يعتار=لتقول ذا صاحي ولا غفيان محمد بن سعيــد بن مخــاشــن

قمّه يبوها بعد بضع إشهار=من عقب ما قد نشفت الوديان
وإلليه يا الزّعْماء كلف وأضرار=تتحمّلوها لجل بن غزّان؟

إشهــــــــار = إشهــــــــور

محمد بن سعيــد بن مخــاشــن

[بن حاجب السعدي]

بي قهر وسط الجوف رشنت نار من يوم شفت اطفالنا تهتان
حد منهم ميت وحد منهار هذ افقد رجله وذا لعيان
عيشه صعيبه في قلق وحصار ياناس من باينقذ الخيفان
لا قوت يهناله ولا له دار الناس في نعمه وهو جيعان
صابر ومتسلح دعاء واحجار يقهر بها خصمه في الميدان
ربي يصبرهم على ماصار ويزيدهم قوه عظيم الشان

[سبع الليل]

شفهم ثلاثه يحكمون لشوار= اما البقيه يمضغون البان
الولي منهم عمر المختار=ذي هو انذبح في مشنقت للمان
وجمال بوخالد سعيف الجار=يشهد له الشامخ جبل ردفان
وفيصل لوحده مثل عشره انفار=لا قال كلمه لبت العربان

[محمد سعيد بن مخاشن]

اقتباس : المشاركة الأصلية كتبت بواسطة عاشق رماله [ مشاهدة المشاركة ]

مني سلام الاف لهل الدار=من حضرموت حتى تصل لبنان العين هلت دمعها مدرار=من مايصيراليوم فالاخوان ولا لنا حيله نرد الثأر=ياللاسف صرناكما النسوان وستضعفونا زمرت الكفار=الكلبه الكبرى مع الجروان

ذي سلّموا سِلْموا ومات الحار=ذي له شبه من ثورة البركان
صدام ذي شعفر بهم شعفار=أرسل صواريخه على الربحان
واليوم نحنا نطلب إستقرار=ولا نباها هضبة الجولان
ولا نبا شبعا و دِفْرِسْوار=والمسجد الأقصى له الرحمن

محمد بن سعيــد بن مخــاشــن

[سبع الليل]

اقتباس : المشاركة الأصلية كتبت بواسطة المخشني [ مشاهدة المشاركة ]

ذي سلّموا سِلْموا ومات الحار=ذي له شبه من ثورة البركان صدام ذي شعفر بهم شعفار=أرسل صواريخه على الربحان واليوم نحنا نطلب إستقرار=ولا نباها هضبة الجولان ولا نبا شبعا و دِفْرِسْوار=والمسجد الأقصى له الرحمن محمد بن سعيــد بن مخــاشــن

لا والنبي لا ياطوال لعمار =مابانسيب هضبة الجولان
ولا بانسيب الارض للكفار=حتى ولو هي جدفره ودمان
ولا بانسيب القدس مهما صار= حتى وانا ميت وسط لكفان
بنجيبها بالسر او بجهار =الارض هي والعرض مثل اخوان

[سبع الليل]

جاهد وربك يعلم الاسرار=راجع حسابك واقراء القران
ماباتجي بالعزف عالوتار=ماينفع الا السيف والرشان