![]() |
#9131 | ||
شاعر السقيفه
![]()
|
![]()
لاياعمر مبعد بدينالاتقول اني محايد=يهديك رب العرش يهديك
لامتت يالقلب يحييك= قلنا الخوي ينقذ خويه فالمأزق والشدايد=لما متى وحنا لنادييك لامتت يالقلب يحييك= |
||
![]() |
![]() |
#9132 |
شاعر السقيفه
![]()
|
![]() السلام عليكم ورحمة الله وبركاته
|
![]() |
![]() |
#9133 |
شاعر السقيفه
![]()
|
![]()
سمر يادينميتي حط لنا طوبه على طوبه= وبنسوي ماصانع للبك فالعاصمه والطوب
وبنجيب المهندس لي نحب شغله وأسلوبه= وعمره مالقا حاجه بلا معنا ودون أسلوب عماله كلها زينه ومدروسه ومحسوبه= ووقته بالدقايق والثواني دائماً محسوب ولي وصي العرب يسرح يتكي فوق عرقوبه= ويدخل موديه والعصر يطلع عقبة العرقوب |
![]() |
![]() |
#9134 | ||
شاعر السقيفه
![]()
|
![]()
رحب ببيات من شاعر وصل خطه ومكتوبه=وبين لي حقايق واجده في داخل المكتوب
وعمّر لي مصانع عاليه بالفعل منصوبه = وحصن القبوله فوق الجبل ياصاحبي منصوب ونا بنشدك من رجال قالو جاب تقروبه=يباله حصن قد جاب المدر والطين والتقروب ولا حصل معلم ذي يقّل الغلب والنوبه=رجع صابر على قبص الذبر لسود وقبص النوب |
||
![]() |
![]() |
#9135 | ||
شاعر السقيفه
![]()
|
![]()
بنادم لاغفت عينه لحق جربته مصروبه= ومن قل البصر والمعرفه مال القزه مصروب
رفيقك ماوقف عالسوم لمّا ضاعت أجروبه= ولكن لاتلومه في مواقف واجده مجروب ولمّا الأن يتعتر وعاده معلن التوبه= بغيته يعتدل ومن الخطايا والذنوب إتوب وشف ماشي همل تعذيب من سبحان وعقوبه=إذا ماتاب للي قد عقل يوسف على يعقوب |
||
![]() |
![]() |
#9136 | ||
شاعر السقيفه
![]()
|
![]()
رفيقي ماغلط وانته بحيله خذت مركوبه=بنيه صادقه سكنك ونته ترمق المركوب
خيانه واضحه منك فتلت احبال معصوبه=وهو مسكين ما يعرف بدات الحبل ذي معصوب وقلبي منكم متعوب عاده مندمل صوبه=عالاجك عيف يالحلتيت جبت التيتوه لصوب ولاكن النمر ساكن جبل في راس شنطوبه=تّحذر من خلاليس النمر ذي ساكن الشنطوب |
||
![]() |
![]() |
#9137 |
شاعر السقيفه
![]() ![]()
|
![]()
سنين الويل يالحلتيت عالشعار مقلوبه=ولكن الزمن نفسه بن ادم فالزمن مقلوب
وبعض الخلق من تخلق وهي رثه ومغلوبه=مصيبه في القبيلي لاقده بين العرب مغلوب وبن سالم طلب حاجة ولكن ضاع مطلوبه=وضاع الحق من يده واصبح للفناء مطلوب وجبت الحب للمذلح بغينا نذلح الشوبه=لان اللحم متهالك وحس العظم غادي شوب حبال العسكري يالاجودي بالهم معصوبه=ملوا الحبل كم ليه بغيتك تطلق المعصوب |
![]() |
![]() |
#9138 | ||
شاعر السقيفه
![]()
|
![]()
أنا تحملت عاهاته وأمراضه ومكروبه= ومن ملقاه في لازلت شفني عادني مكروب
تربى في قبيله خاينه دايم ومنكوبه= ويبغا ينكب الأمه لانه صاحبك منكوب ولكن قد كشفنا ياولد شغله وملعوبه= علينا ماتمر القربعه والكذب والملعوب ويتخايل بأن البنت منه دوب مشغوبه= قنع قله ترى ماحد بوجهه عندنا مشغوب |
||
![]() |
![]() |
#9139 | ||
نائب مشرف عام قسم الأدب والفن
![]() ![]() ![]() ![]() ![]()
|
![]()
تربّى عند قوم الهوبره وحروب مشبوبه=بني عمرو الحمومي كيرهم ما ينطفي مشبوب
ولكن ما لقي له ناس حُمْر إعيون شلهوبه=وقد قيّده بن ثالث معا الكابوس والشلهوب وعدّل قل لبن حلتيت ... قولك ممتلي حوبه=ولا تغالط ولا تقرب لِيَم الظلم هو والحوب وعاده بايدور الدهر والشارات معقوبه=مزون الخرف يا الحلتيت دايم سبْلها معقوب |
||
التعديل الأخير تم بواسطة محمد سعيد بن مخاشن ; 01-24-2011 الساعة 12:26 AM |
|||
![]() |
![]() |
#9140 | ||
شاعر السقيفه
![]()
|
![]()
صبر هذ السنه بايضهر البارق وجلبوبه=ودور لك مكن لا خّلت فالقبله طرف جلبوب
لان الوضع متغير وجربة نصر منقوبه= ترا مالك جدر الاتقربون المال ذي منقوب ولا تحسب خشاع النوب يالحلتيت مصقوبه=تشوف المختلف فالجبح لاتحسب لبو مصقوب مجاني باتقع زينه وكلن بيملي كوبه=بغيه صافيه ونته من الحلتيت قسمك كوب |
||
![]() |
![]() |
مواقع النشر (المفضلة) |
|
|
|