مساجلات الزامــــل الشعبي

**طالب النعماني** · 03-22-2007, 10:30 PM

ياجماعه كيف الخبر
ماتطلع عندي الصفحه الاخيره

**مرعي بن صالح بن سميدع** · 03-23-2007, 12:48 AM

حياء بمن هو قال بوفيصل سئل =ترحيب من خاطري له قدره وجاه
ماشفة شي حاجه تهيض فالزمل =ماغيره الاء هدم كلن من قداه
وان كان بقيت هكذا ماسار حل =بتشوف كل مخلوق سارح في خلاه
ومشاغل الدنياءومن هم العمل = ميخلي الانسان يسمع من دعاه
لاشفت واحد في كلامه قدعدل =لاقيت لاخر جاء يهدم مابناه
واتخالفت لشوار والمحذور قل =وافرح اذا صاحبك ربك قد هداه

**أحمد العمودي أبوفيصل** · 03-23-2007, 01:01 AM

اقتباس : المشاركة الأصلية كتبت بواسطة أبونمر

بايتصل بي قال لكن ما اتصل=واحد مهم من صدق مستامن علاه
مخلوق خير دوب نضرب به مثل =فيه الرضاء والجود والمعروف فاه
سلام له مني عدد ماقد هطل =ماطر وعدما النشو يخصب في سماه
وسلام عا قريه سكن فيها وحل = قريه زبينه تعجبك فيها المياه
والمال فيها والمزارع والحجل =كلما ضمي سبحان من فضله سقاه
واهلها اهل العطايا والبذل =كل من طلب شمروخ من نخله عطاه
الخيل والخيلين كل واحد زقل = للجازع طريقه الذي هو قد كفاه
هذه حقيقه قولها كلن اكل = من خيرها الصاحب يكل هو والشناه

يابونمر نبغا لاعندك نصل = سماعة التلفون ماتقضي الوصاه
لازم أجي عاني لاعندك وصل = مابعتذر شفني لوحطوا في دربي حماه
بمشي على ألأقدام من شان البطل = من شان ولد نمران لي ماحد كماه
هذا هو ألتاخير بأسباب العمل = لاجيت بستاذن جابوا لي حزاه
مشكور مالصاحب وشهره مكتمل = لازم تجي فرصه ونحققله مناه

**أحمد العمودي أبوفيصل** · 03-23-2007, 01:23 AM

ماليوم يامرعي ذا سيلي وصل = ليهو سقا الوادي وغيره ماسقاه
السيل ذا حرار لاشفته قبل = و من وقف في السيل ذا شله معاه
بعض العرب قاعد ياناس عالعسل = وأخوه يتفكر وربي ماعطاه

**يسلم صالح بن عكعوك** · 03-23-2007, 01:24 PM

رجال ماله عقل يصبر عالبكا = وش عاد باينفعه لوزيد بكاه
يومه كسل مايعمل الا فالشتا = وانحر شوب القيض يتذكر شتاه
اينام فالجلى ولايلحق وقا = ظوا معه ضيفان سرقوله وقاه
صكه ضعيف العقل ماحصل عشا = عبدالله الحداد ذي كله عشاه
لفكرت هو نقنوق شغلته الغثا = سكنت من دله ومن كثرت غثاه

**أبونمر** · 03-23-2007, 01:48 PM

لاقول له ريض ولا هذا سوا =غير الدعاء له مامعي نا شي سواه
ياولد بن عكعوك في الدنيا بلاء = والعيف لاقد راح تسلم من بلاه
والناس حد رايق وحد قسمه شقاء =من يوم مايخلق وقد رباه شقاه
واما سعيد الحظ يسعد باللقاء =في يوم فيها كل حد يطلب لقاه
لقيا بسيدنا الحبيب المصطفى =محمد المختار ذي ربه اصطفاه
وابعثه بالأسلام وبدين الهدى =يا بخت من ربه في الدنيا هداه

[/poem][/poem]

**طالب النعماني** · 03-23-2007, 04:18 PM

اقتباس : المشاركة الأصلية كتبت بواسطة عمر الذيب

الغازي الليله فتح قرف العسل=قدم عسل جردان لي ماشي كماه
لكن طالب نيم قاتله الكسل =هو صاحب المعرض ولا قد يوم جاه
ويكد على العمال في سوق العمل=ويقول يامرحيب لا طابت معاه
ملقي كما كوفي ويفتن عا الدول=ون حد قتل بيقول من هذا بداه
تعبات يالغازي وطالب في المحل =لا ضاق عا الكرسي عطاء صوته ملاه

عمر الذيب

ياذيب يابن الذيب ماهذا العمل=تهمز وتغمز والعرب وقت الصلاه
كوفي يشل الحمل لاحط الثقل=والمشكله في اللي يهز راسه قفاه

**مرعي بن صالح بن سميدع** · 03-23-2007, 04:32 PM

المشكله هي المشكله

**أحمد العمودي أبوفيصل** · 03-24-2007, 12:59 AM

نبغاك ياطالب تجلس في المحل = أنته بنيت الساس لي ماشي كماه
ليش يالطالب كل هذا كسل = لاجيت ياطالب كل شي زاد حلاه
خلك هنا موجود عارأس العمل = كلن هنا يطلب من القاضي براه
واليوم القاضي ماعمره عدل = لهو بغا بيبيع وحده من كلاه

**أبونمر** · 03-24-2007, 12:37 PM

طالب اظن مشغول بالدنيا انشغل =والا معي نا حسن ظن والله فاه
مابيخلف عادات له حل القبل =يظهر ولاحد في القبل شفته كماه
ظرف العمل احيان لو يبغي يصل =عن صاحبه يمنعه لا وقت الصلاه
وان بايترك في صلاته ماهو دل =هذا معه بيقول كل من بايراه

مساجلات الزامــــل الشعبي

سقيفة عذب القوافي