01-08-2009, 08:37 PM | #1 | |||||
شاعر السقيفه
|
وش عاد ينفعك ياماسك بتاليها
السلام عليكم ورحمه الله وبركاته اضع بين ايديكم القصيده يا راس لاتنحني وانته بحيد اطخم = من فوق لي فوق في عالي /////////////////////////ها من حيث لاساد تسكن والنمر لدهم = في دقم فوق الخرابه عوق اعاديها دقم الشرف والنقا حتى الحجر صمم = مايقبل الهافيه ولايجي فيها ياحصن شمسان في دسمالك اتعمم = من فوق غلبك يرف فعلا سواريها اهدوه لك لي لهم تاريخ ماينذم = لبطال لي قلبو اسفلها اعاليها لجواد حد منهم يكوي وحد يعلم = من عهد لجداد مابردت مكاويها علوجة الحرب فيش الحلو والعلقم = ماهي من اليوم راجع عهد ماضيها لجلش بدع هاجسي بالشعر واترنم = وجاوبته الحليله من قوافيها عادات قدها لها وقت الطلب تنهم = تبدع في الصدق ماحاجة تخبّيها ولاتجامل ولاتخزى ولاتهتم = مادام قدها بعصمة من عشق فيها نفداش يالغاليه برواحنا والدم = شلي ثياب الفرح جمبش عواديها حاكو هدومش حرير اخضر عيال العم =صولي وجولي وزفي وسط ناديها لوغاد هم يحسبونش بنت با لعسم = خابت نوايا الذي تصفق اياديها قصرت عن العز.. خضعت للكدر والهم = لاماتت الجازية وش عاد يحييها لاروّحت وانتهت خليك ف المخيم = وش عاد ينفعك ياماسك بتاليها مايفهم ان بعد عرفه يدخل امحرم = شف سود ليام ماتامن شواضيها والباقطيّان قد جعبل بغض يسلم = منشان حرمته مايبغي يبكيها هو خوه لكن يحب لي خدها امنعم =خل المخوى يبي الحلوه يراضيها منشانها مايبي مرعي ولاهيثم = ولايفكر لبايعها وشاريها راضي بحب الغشر والسوس والجردم = ماله وللبر قد برّك سوانيها يمكن نسي يوم صب الدلو والمرزم = اخوته كلن وصل من قبل يدعيها لابد يجي يوم من بعد الطرب يندم = ويلعن ايام لي مرت وطاريها قدهم يقولون من كل لحم جم يتخم = يتحمل آلام مايقدر يداويها ياكم وياكم وياكم قبنا ياكم = غرته ليّام لي ماكان ياعيها ايام حلوه شبع فيها القبل والضم = في حجرها ضمته واسقته صافيها سحبته لاصوبها واعطته مايلزم = ولحّسته البغيّه من مجانيها وبعد جابتله الحلتيت هو والسم = واسقته لمّا شبع.. هذي تواليها؟! غشيم مايتّعظ مايدرس المعجم = لو يعرف اصقورها ماكان شاويها جات الحليله وانا ماودي اتكلم = وصلت تعاشي وانا ماريد اعاشيها اتت من الحصن.. قالت قبل يتهدم = رمّمه يحميك لاخصبت مناشيها وختمها عطر من باريس جا امختم =رشّوه فوق الذي يعرف معانيها يسلم صالح بن غانم |
|||||
التعديل الأخير تم بواسطة يسلم صالح بن عكعوك ; 01-08-2009 الساعة 08:56 PM |
||||||
01-08-2009, 10:06 PM | #2 | |||||
مشرف سقيفة الأدب والفن
|
اهلأ وسهلأ ومرحبأ..بشاعرنا الكبير,,بن عكعوك..
الله يعطيك العافيه على كلام..قوي..وجميل..هذا هوالشعر الحضرمي..الاصيل,.,اصاله .وفن وجوده في السبك والحبك..مفردات منقّاه..ومخربله..بغربال الشعر الحقيقي.. علوجة الحرب فيش الحلو والعلقم=ماهي من اليوم راجع عهد ماضيها
وانا اشهد..والله..والنعم برخيه وجميع مناطقها وقبائلها الاشاوس,,تقبل مروري وخالص تقديري واحترامي اخيك/خالد بن مهنا |
|||||
01-08-2009, 10:31 PM | #3 | |||||||
شخصيات هامه
|
شاعرنا القدير/ يسلم صالح بن عكعوك
صح لسانك وعلا شانك قصيده عانقت السحاب بشموخها ومضمونها ولاهي غريبه عليك الجزاله وانت راعيها . . دمت بهذا الحضور وهذه الشاعريه. تقبل فائق التقدير والاحترام |
|||||||
01-09-2009, 12:52 AM | #4 | |||||||
شاعرالسقيفه
|
الشاعر الرائع على الدوام يسلم صالح بن عكوك
نص شامخ بشموخ صاحب النص التمست فيه الكثير من الرمزيات الغير متكلفة دمت بحفظ الرحمن |
|||||||
01-09-2009, 04:51 PM | #5 | |||||
شاعر السقيفه
|
مشكورين اخواني ع المرور
سسلمتوا لي |
|||||
01-09-2009, 05:58 PM | #6 | |||||
حال متالّق
|
قصيدة رائعة من شاعر قديــــــــر
انتقى مفرداتها بكل دقه واتقان صــــــــــح الله لســــــــــــــانك |
|||||
01-09-2009, 09:37 PM | #7 | |||||
حال جديد
|
تكفى يابوصالح
صح لسانك ياشاعر القبيلة
والله انها قصيدة ترفع الراس على عادة قصايد رجال القبوله وفي مقدمتها والدك بويسلم. علوجه هي دار القبيله وستظل مرفوعة الراس انشا الله. تقبل تيحاتي واحترامي: اخوك في القبيلة من رضاوح |
|||||
01-10-2009, 03:08 AM | #8 | |||||
حال جديد
|
قـــصـــيـــــده مـــنـــضـــــومـــه وابــيــاتــها مــفـــــــهــومـــه
وتقبل تحياتي |
|||||
التعديل الأخير تم بواسطة ابوثامر بن حيدره ; 01-10-2009 الساعة 03:19 AM |
||||||
01-10-2009, 07:51 AM | #9 | |||||
شاعرة السقيفه
|
غشيـم مايتّعـظ مايـدرس المعجـم =لو يعرف اصقورها ماكـان شاويهـا
راااااااااااااائع وتصفيق حاااااااااااار جدا لهذا التعبير الجميل تألقت بالأبداع وحق لك ان تفخر!! تحياتي اليك. |
|||||
01-10-2009, 02:42 PM | #10 | ||||||||
مشرف سقيفة عذب القوافي
|
|
||||||||
مواقع النشر (المفضلة) |
|
|
|