مساجلات الزامــــل الشعبي

[مجمل]

ذا فصل يامعبد زمل عالصوت = هاجسي يحظر لاسمع زملات
اباه يحظر قبل فوت الفوت = اعرفه له صوله وله جولات
والسبع من بحره يجيب الحوت =هكوا على راسه على العادات

[معبد]

عفت المشارب كلهـــا والــقوت = واسباب ذلك عــــادهــا حــنات
عل الـوادى الى بلكرم مصيوت = لـى مـن فروعه تسرح الجودات
طينه ذهب واحجاره الـيـاقوت = ماقـــدر على افراقه ولوساعات
لايامجمل عاد شى بــاروت = ومن حــصــونك باتقــــع غـــزوات
اوتذكـر الافـى الـثمد والحوت = ونسـيت ماضينا مع العــــــادات
والسبع لى فى الوادى الحانوت = لاجــاع مايمسى محل مابـــات
والختم صلوا عالذى مـــايموت = دينه وتشريعه نــــــــزل بآيــات

[سبع الليل]

برسل لكم عاني مع مبخوت=بالصوت باينهم وله ردات
بيده رساله خطها منحوت=واخبارها باتصلب الهمات
البربريه عامده سيحوت=وعيالها صوعه من الصوعات
بايلقمون اللحم والمفتوت=واكياسهم باتمتلي بيسات
والبخص في لندن وفي بيروت=لي ما لها حاكم ولا رايات

[طالب النعماني]

السلام ليكم ياشعارنا الافاضل
نرحب بالاخ الشاعر معبد وكل من انضم الى قافلة شعرا الزامل الشعبي

[سبع الليل]

مرحيب يا مرحيب جينا نشترح=جينا نطبل بالهوهير والدفوف
اليوم بقعه كلها باتصطلح=با يظهر المخفي وذي هو عالرفوف
والعايبه بين العرب باتنطرح=ما عزها ألا بين عيدان السقوف
الثور في هذه السنه باينذبح=والبقره السوداء عمت ماباتشوف
والجيد يالاخوان جوده ينذلح=زايده في البطحاء وفي مسيال ثوف
قل لي متى يا ذا السمك باتمتلح=وألا فسحنا فيك بانذبح خروف

[معبد]

يامرحبا بابيات من شاعر سمح = عينى تشوف اشيا وهو مثلى يشوف
شوف القوافى لى بهاقلبى فرح = يامعد ن الشعّار حكمت الوصوف
واليوم شوف السبع ظّلا يلتفح = و يدور الخرفى لذى هو فى القروف
طب الجروح الداميه لى ماتصح = الا بتمزيق الطلاسم والصروف
واهل الكتب والعلم كلن يقترح = توحيد للكلمه وترتيب الصفوف

[مرعي بن سميدع-]

اعزائي مشرفي واعضاء وحلان سقيفة الشبامي اسف كثير على انقطاعي عن السقيفه وعدم التواصل معكم في الفتره السابقه وانشاء الله سنتواصل
وكل عام وانتم بخير وانشاء الله يكون عام 1427هـ عام خير وسلام على الجميع

[سبع الليل]

حيا بمرعي صاحب القلب السمح=انستنا وأرحبت ياخير الضيوف
الزف من غيرك تراه ما با يصح=رص القوافي عالقوافي والحروف
وين المجمل غير ما هو قد ضبح=يسرح الى مكه وباكعبه يطوف
كل من يزور البيت قلبه ينشرح=يذكر رسول الله مشهود الوصوف

[مجمل]

السبع نا جنبك ودونك ماصلح = ذلا انا مشغول قد زرت الهفوف
معبد يجيد القول والله مامدح = معبد يجيب الحلي عالخرسه يهوف
مرعي كنان الراس كنه مافصح =ياطارف ارفع لاخصب غيث الصيوف

[مرعي بن سميدع-]

مادام شوف الباب سدي انفتح =بيدي قديميه على المفصل تهوف
لتخالفو اهل العمايم والسبح = بتشوف ارائهم تجي لك بل الوف
لبغاء كلام الجد مالبغاء مزح =والصدق في الختمه واذلاق السيوف
لنته معي باطير من شد الفرح =ولا الزمن ذا عاف معليه الحسوف