مساجلات الزامــــل الشعبي

[محمد سعيد بن مخاشن]

اقتباس : المشاركة الأصلية كتبت بواسطة ابو يوسف بن شحبل

الذئب وينة يا عرب قد له زمن=الذئب له تاريخ ماهو من قريب كلا عرف شرعة ولاساعة يون=يمشي بليلة دوب ينكر للغريب حارس الوديان والشعبة عدن=ذا ذئب مخلابة ينكبها نكيب

الذيب مدري ويش صابه يا فتى (ن)=ولعاد يسأل عا المحب هو والحبيب
كانت مياهه حاليه تملأ الشنن=واليوم مقطوعه في القصبه وشيب
البير معموره بها خير الزون=لكن سبب مجهول نضّبها نضيب
من زعّله ذيبوب أو سبب إحن=قوموا دعوا له بالجديعاء والقطيب

محمد بن سعيــد بن مخــاشــن

[القنّاص]

شيبه وفي التسعين عظمه قد وهن = الجرب مع المحراث قد باعه صليب
وان نزل في السوق بالجاوي رطن = ماحد فهم رطنه ولاله مستجيب
والذيب في وكره وفكره في الوطن= بالوم من لامه عالوضع العجيب

[ابو يوسف بن شحبل]

ذه بير بو طارق سقن منها سقن=ذه بير والغطاس طلّع كم تريب

ذلا قذا في عينها كثر الفتن=وأحوال يعلمها ربك يا مجيب

[البكري]

قبصه جت للذيب من قبص الدفن = اليوم يسال عالمداوي والطبيب
دي مداره وسطها الزافن زفن = من تعلم فيها مابضني يخيب
والمستعجل على رزقه قله تان = مايزيد الرزق بالخبه ولا بالنهيب

[سالم بن جوفان]

اقتباس : المشاركة الأصلية كتبت بواسطة البكري

قبصه جت للذيب من قبص الدفن = اليوم يسال عالمداوي والطبيب دي مداره وسطها الزافن زفن = من تعلم فيها مابضني يخيب والمستعجل على رزقه قله تان = مايزيد الرزق بالخبه ولا بالنهيب

علمت بالبكري بمستشفى ترقد وأن=محبوبنا الغالي طلع منها قريب
عساه متعافي لي بقلبي سكن=ويعود الى اهله معافى وخله والحبيب
وسلام يالبكري وبعلن لك علن=رن على جوالي برنه اذا ماني غريب
اهل الكرم والجود انته ياغالي الثمن=لك ندعي من المولى مشافى تطيب

[القنّاص]

باقولها صادق قد خذني الشطن = والعافيه قسمك وربي يستجيب
مشكور بوصالح بالحاله علن = مشكور خبرنا باحوال الحبيب
الحمدله والشكر قد زال الوهن = في القلب يالبكري ولك خاطر يطيب
نحنا وبوصالح وكم جنبك تمن = نفداك يالغالي وكل امرك نجيب

[البكري]

الحمد للمولى لي بالصحه عليّ من = واصبحت في نعمه من بعد النحيب
والصحه ذي نعمه مايساويها ثمن = الحمد لله يوم كتب لي منها نصيب

[أحمد العمودي أبوفيصل]

ماتشوف شر يالبكري والليله تهن = ماكنت انا اعرف البكري تعيب
نطلب من المولى على السيد يمن = بالخير والصحه وسرعه هو يطيب

[راعي غنم]

اقتباس : المشاركة الأصلية كتبت بواسطة عمر الذيب

قال بو طارق المهجوس في الحال غصه= من عمال الزمن ياناس غصه كبيره ضد مولا الشنب كلين شايل مقصه =والسبب بدر لي جاب الوجيه النكيره عمر الذيب

السلام عليكم هذه اول مشاركة لي واعجبتني البيتين اعلاه للشاعر عمر الذيب واحببت ان اشارك ببيتين على نفس الوزن

صاحب العقل لا ينظر لشي مايخصة=سد مسمعك واتعامى عن اشياء كثيرة
والقط الخاتم المتقون يعجبك فصه=واترك الفالصو لاهل العقول الصغيره

[سالم بن جوفان]

اقتباس : المشاركة الأصلية كتبت بواسطة راعي غنم

السلام عليكم هذه اول مشاركة لي واعجبتني البيتين اعلاه للشاعر عمر الذيب واحببت ان اشارك ببيتين على نفس الوزن صاحب العقل لا ينظر لشي مايخصة=سد مسمعك واتعامى عن اشياء كثيرة والقط الخاتم المتقون يعجبك فصه=واترك الفالصو لاهل العقول الصغيره

في السهل بمشي والشعب بعطيه رصه=مع الشجعان ربعي اهل العقول المنيره
وياكم وكم من الناس قد شاف غصه=من اللي سرح يتنقل من ديره لديره