مساجلات الزامــــل الشعبي

[ابو خنتوب]

اقتباس : المشاركة الأصلية كتبت بواسطة راعي غنم

السلام عليكم هذه اول مشاركة لي واعجبتني البيتين اعلاه للشاعر عمر الذيب واحببت ان اشارك ببيتين على نفس الوزن صاحب العقل لا ينظر لشي مايخصة=سد مسمعك واتعامى عن اشياء كثيرة والقط الخاتم المتقون يعجبك فصه=واترك الفالصو لاهل العقول الصغيره

مرحبا مرحبا بالقول يعجبك نصه=راعي البوش منه بيت يعدل بسيره
قال بيتين فيها الهرج كله يرصه=هرج موزون من شاعر وباعه مطيره
هرج نسمعه واجد هرج ماحد يمصه=ويش باقول مسوى قول في الشعر خيره

[أحمد العمودي أبوفيصل]

قولوا لبو خنتوب يكفي من تعب = لمى متى واحنا بانركض وراه
اليوم يالشعار بتشوفوا العجب = لاني طلبت الله وحده في سماه
كلن من غلط ماليوم ماضنه كسب = باخليه كما لعور يدور عاعصاه
لابد مايعرف ويفهم مايجب = لابد مايعرف أخر ماقراه

[أحمد العمودي أبوفيصل]

اليوم بتحدى كل شاعر كتب = الجرب لي مصروب منهو لي رعاه
وينك يالبكري ياعز النسب = وينه ولد باتيس لي ماحد كماه
منهو بطل اليوم يوقف ينتصب = باقوم بادحق شوني في شواه
ياكم ولد قاسي روح مرتعب = فزعان لانفص من بطنه كلاه

[القنّاص]

يعجبك شبل النمر يومه على صيده وثب = والشعب فيه الذيب يعوي والثعل في قداه
عالكتف معه بلجيك والنسل من زين العرب = واخوان معه الفين قناص بروحه يفداه

[أحمد العمودي أبوفيصل]

هذا هو القناص وله راسي غلب = يستاهل التقدير لي ماحد كماه
مقناص يشهد له بضربه والسلب = والوعل بقرونه من حيده رماه

[بدوي الجبل]

السسلام عليكم ورحمه الله وبركاته:
تحيه طيبه,
وبعد:
يسسرني إن آحتسب عضو في هذه السقيفه وأيضا واحد من آخوانكم
كما يسرني إن اشارك معكم, واعذروني على الفصل

	وسـلام ياشعار كثره في العـــدد 0000 من بينهم ياكم ذي قواله تجــــــــــــود بعض الموارد خير لو هي ترتبـــد 0000 في ظل عـدود أنهـار عدها عالوجود كل من ضوى المغزى ومنه مابعد 0000 يمسك حزرّ من حيت خطه والحـــــــدود

[أحمد العمودي أبوفيصل]

مرحيب يابدوي وشد الحبل شد = قدامك حسر وعره في رؤس الحيود
اليوم يالهاجس على البدوي رعد = هذا الجبل ماليوم بايصبح ينود
ليهو بغى يربد وعاده مأستعد= مسكين مايسمع حنات الرعود

[البكري]

اقتباس : المشاركة الأصلية كتبت بواسطة الغازي 2007

اليوم بتحدى كل شاعر كتب = الجرب لي مصروب منهو لي رعاه وينك يالبكري ياعز النسب = وينه ولد باتيس لي ماحد كماه منهو بطل اليوم يوقف ينتصب = باقوم بادحق شوني في شواه ياكم ولد قاسي روح مرتعب = فزعان لانفص من بطنه كلاه

البهم عالقضب تاكل والقصب = والذيب يعوي ولا حد فزع من عواه
والشهم بايلاقيك عا وقت الطلب = قدام بايمشي ولا يرجع قفاه
وانت يالغازي تشب النار شب = كلين بايجني مازرعت يداه

[القنّاص]

اقتباس : المشاركة الأصلية كتبت بواسطة الغازي 2007

مرحيب يابدوي وشد الحبل شد = قدامك حسر وعره في رؤس الحيود اليوم يالهاجس على البدوي رعد = هذا الجبل ماليوم بايصبح ينود ليهو بغى يربد وعاده مأستعد= مسكين مايسمع حنات الرعود

حنّت رعود الصيف من فوق العند = مرحيب يالغازي عسا العاده تعود

[أحمد العمودي أبوفيصل]

ماليوم يالبكري خلك مستعد = خلك هنا موجود وافقهلي تعود
ابغاك مالليله تشد العزم شد = لاتصتقر لاسمعت حنات الردود