بدع وجواب بين الواثق بالله وبلعور اليوم السبت

**الواثق بالله** · 03-26-2011, 10:33 PM


	اليكم اخواني في سقيفة الشبامي البدع والجواب بيني وبين الاخ بدر بلعور اليوم السبت تاريخ 21-4-1432هجريه بدع بلعور ذافصل والثاني لدور عالدواء=لكن ماشي طب للعقل الخفيف مالك ولهل الزيغ واصحاب الهواء=حد بالكرب يرشن وحد يرشن بليف الواثق بالله ياذي تخبرني عن اصحاب النقاء=وين الذي هو عاد تاريخه نظيف ماحد يصدق في مقاطيب الرجاء=اللا المغفل والذي عقله خفيف بلعور في زام اصحاب النزاهه والوفاء=في القطن حد يصبح وحد يصبح بصيف حتى صلات الناس سارت في الخفاء=ويدرسو ثوبك ولو ثوبك نظيف الواثق بالله الوقت مالحسبه ذي مبطي مضا= عهد القعيطي والغفيلي والشريف ذا عهد سابق والرديه للردى=والذيل والكرعان قسم الباجخيف بلعور نحنا فرحنا لاسكنا من غثا=وانته تدور عالمشاكل يالطيف حنبه بولد الويل شليته بكا=دورت بين الناس ماله حد وصيف الواثق بالله كلن قبض خطه وعاخطه مشى=وانتوا تبون الجاده هي والرصيف ماعد باحاور اذا ماشي صفا=بلعب بكم بالاحتياطي والرديف الوثق بالله شو دلوكم يابس ولامنه سقا=والماء مغلق ذي تبقى في الكريف وشجرة الزقوم مافيها فقا=واوراقها سقطت كما اوراق الخريف بلعور من شجرة الزقوم تبغون العشاء=لو كان مطلبكم ترا مطلب ظريف لاراد رب الكون يفعل مايشاء=واحنا على المله وعالدين الحنيف الواثق بالله شف كل شي محسوب في حكم القضاء=وانته صبر ياصاحب القصد العفيف وكل شي لو طال شف له منتهى=والصبر ساعه يارفيقي والوليف بلعور صابر على غلين والثالث بداء=وانته تبا الرابع قداهم باتضيف شكواي للمولى ويوصله الدعاء=دعوتي له وحده وعاصحابي نصيف الواثق بالله نحنا طلبنا العون من رب السماء=دعوه مجابه للمفتح والكفيف حليفنا الرحمن غيره مالنا=وابليس والشيطان ماحد له حليف بلعور دخلتك الاسلام وانته ماتبى=ذالحين متشبث تبى رتبة عريف حسبي عليك الله ناكر للوفاء=ذالوقت ملقي لي كما عنتر بسيف الواثق بالله تميت في الجلا لو حدك والخلاء=لنته في الحاجب ولنته في الخليف والغيث من فوقك وبرقه قد لما=والنزل عاراسك اذا حط في القنيف