مساجلات الزامــــل الشعبي

[باكعيكعوه]

الحمد له والشكر ربي ذي رحم = عبده وغيره قط مايرحمونه
فشل بهم ربي كشف كم من قزم =وكشف لنا اشيات جم مدفونه
ياماكثر اسماءهم ياكم وكم =من اسم تحته نارهم مرشونه
ياريتهم مثلي يمصون العجم =ويصدرون الحكم من قانونه

[باكعيكعوه]

نا ماعرف قصدك ولكني فهم =وإعطه كلامك ذهم بايفهمونه
اما الفقم من يوم مايخلق فقم = ويموت وفقامته به مدفونه
من بينعس لابد له مابيحلم =ومن حلم بيبول في صارونه
لاقد شتد البرد بوعنتر عزم =للحيق من برد المقد ومزونه ]

[القفيل]

اقتباس : المشاركة الأصلية كتبت بواسطة طالب باتيس النعماني

بيلم سكت يالمنقد السمسار=شفها قراراتي شديده لاقد نويت الشوف بالمنظار=شوف القريبه والبعيده يوم الكلام الزين للزوار=مكتوب واحروفه بنيده من عند غلمه شارهم يندار=ابطال ثورتنا المجيده

يامرحبا بالشاعر البيطار = من نسل نعمان الشديده
طالب رفيع المنزله والكار =ماهو من اصحاب المكيده
وش رايكم يامرجع الشعار = من قول غازي في قصيده
ماشفت هرجه لي علينا جار = جور علينا في الجريده

[البكري]

اقتباس : المشاركة الأصلية كتبت بواسطة باكعيكعوه

من بعدما كل ناب يالبكري استقم =والسوس جاء للآدمي بسنونه ظهرت عين غبره وجم صمرات جم=كلما بغو شي بيدهم يلقونه لو حد يراقب من كتب والا ختم =بالمهر عاورقه غلط يثنونه ان كان مالقزمان يخفون العلم =لكن ماشي عذر مايظهرونه

ان جيت للجودات جي منك وثم = والمكر من ذي دائما يشنونه
من مات يالصاحب معد حس الالم = وهم بغو من مات بايذبحونه
ماميزوا بين المواشي والغنم =للثور جو يجرون بيحلبونه
يالكعكعي لاتؤخذ الحره بجم =ونائب المشرف لعد تجفونه

[أحمد العمودي أبوفيصل]

اقتباس : المشاركة الأصلية كتبت بواسطة البكري

البحر ماتقايسه شك لاقد لطم =والبحر اهله قط بيقيسونه لاقد الغليله سال في وادي سقم =سقم سيوله وين بايودونه

ماليوم يابكري شك ماترتحم = شوفه طلع نابه بين اسنونه
وين المسب ليهو معك يامحتشم = حافظ على العادات لي مرهونه

[الطامع]

الكعكعي عده كما خالي وعم = الله يصيب الناس ذي يشنونه

والجيد بن با تيس شوفه كالهرم = ماشي سمر بيطيب لي من دونه

اثنيهم اركان في الساحه مهم = واقوالهم وسط الكتب مصيونه

بالله سألكم ربنا رب الحرم = صفو الخواطر ذي بطت مشحونه

[باكعيكعوه]

اقتباس : المشاركة الأصلية كتبت بواسطة البكري

البحر ماتقايسه شك لاقد لطم =والبحر اهله قط بيقيسونه لاقد الغليله سال في وادي سقم =سقم سيوله وين بايودونه

البحر قايسته وقايست القمم =الشامخه ياكم جبل بحصونه
وفرتت سيل الخرف يالبكري لثم =والثور بيداتي كسرت اقرونه

[باكعيكعوه]

اقتباس : المشاركة الأصلية كتبت بواسطة الطامع

الكعكعي عده كما خالي وعم = الله يصيب الناس ذي يشنونه والجيد بن با تيس شوفه كالهرم = ماشي سمر بيطيب لي من دونه اثنيهم اركان في الساحه مهم = واقوالهم وسط الكتب مصيونه بالله سألكم ربنا رب الحرم = صفو الخواطر ذي بطت مشحونه

الطامع الليله تبسم وابتسم =لماتبسم شفت برق اسنونه
يومين دور له ورصيت القدم =فوق القدم دور بغيت ألحونه
وبغيت باتخبره من واحد فجم =رأسه صبح من كثر مايرجمونه
شاعر ومتستر على اربع كلم =وان ماعرفته العين هي من دونه

[جمال العطاس]

الغازي

أراك عدت ثانية للتعريض بالمسميات . وأراك تتعمد جر الإخوة إلى المهاترات وذلك بذكرك لمسمياتهم . التعريض بالمسميات والمهن لايحق لك . فلا تعاير الناس بأنهم دلل أو غيره . فالدلالين شريحة من شرائح مجتمعنا التي لها إعتبارها ودورها المجتمعي . فلا تحاول معايرة أحد بأنه دلال أو غير ذلك . تكرار مخالفاتك أمر محسوب عليك أرجوا أن تنهج نهج ( التلميح ) فالشعراء لديهم أنماط واساليب يستطيعون من خلالها إصابة هدفهم ولكن بالتلميح ( لا بالتصريح ) فهل ستسلك مسلك الشعراء الكبار ؟؟

تحياتي

[أحمد العمودي أبوفيصل]

بالكنش والباروت باشل العلم = وبانطفي نارك المرشونه
من قبل لاودي التحيه والقسم = صاحبي عاهدته ولاباخونه
بكري يكلمني وياريته فهم = يسجب على الثيران لي مرصوته
والغيل مايعرفه من وادي حمم = صكه شبيه الثور لي يرعونه
هذكلامي وانت يافاهم فهم = ذي ميعرفون الصقر بايشوونه