02-16-2011, 11:01 AM | #1 | |||||
شاعر السقيفه
|
ياقناة الجزيره!!!!!!!!
ياقناة الجزيره!!!
ياقناة الجزيره ليش انتي صريحه = تفضحين العرب بالوضع هذا فضيحه
كان مفروض اول تبتدي بالنصيحه= ياقناة الجزيره ليش انتي صريحه كل تاجر من الأخبار حقتش فلس=حتى !الثّوب ذي لابسه له ماتقلس يوم من نشرت الأخبار لش شم ريحه=ياقناة الجزيره ليش انتي صريحه انتي الليش لش تتبعين الخلائق=تطرحين النكد عا كل مخلوق رائق وانتي اللي فقط عالوضع ذا مستريحه=ياقناة الجزيره ليش انتي صريحه اتجاهش معاكس دوب بالعكس يمشي= والزعل والجدل للقاسمي قده هم شي بينما هو رجل طيب ونفسه مريحه=ياقناة الجزيره ليش انتي صريحه الرياضه تركتيها هويتي السياسه =والسياسه وراها لاالتعب والتعاسه منهّا كمّ متعافي مسى في ضريحه=ياقناة الجزيره ليش انتي صريحه فتحي عين والأخرى من البعض غضّي=لاتخلين انظارش على الناس تفضي بايبغضوش اصحاب القلوب الجريحه= ياقناة الجزيره ليش انتي صريحه بوعزيزي وسط تونس شعل نار حمره=وانتي الحاضره عالوضع حلوه ومره ماخفيتي محاسن او ظهرتي قبيحه=ياقناة الجزيره ليش انتي صريحه كان دورش محايد بين هذا وهذا=بينما يختلف في ارض اخرى لماذا كان من قصد او بالأمر جادت قريحه=ياقناة الجزيره ليش انتي صريحه لاتهابين كل فرعون للناس ظالم= بالحجج اوقفي لابالجناح المسالم ايقضي ثورة التحريرصيحي بصيحه=ياقناة الجزيره ليش انتي صريحه لاتزعلين من نقدي وقد كون خاطي=واعتذر لك على كلما ورد من نقاطي اتركي السيئه منها وشلي المليحه=ياقناة الجزيره ليش انتي صريحه |
|||||
التعديل الأخير تم بواسطة عمر الذيب ; 02-16-2011 الساعة 05:33 PM |
||||||
مواقع النشر (المفضلة) |
|
|
|