قصيدة قوية عن الفراق

[حضرميه بس عنيدة]

السلام عليكم ورحمة الله وبركاته

قصيدة رائعة عن الفراق

عقب البطا لاقيت ظافي الجديلات = ياليتنا عقب البطا ماالتقينا


سلمت وقلت لنور عيني سلامات = وش غيًرك ويش السبب ما تبينا


دنق وقال ارجوك إنه العلاقات = شيٍ حصل ماعاد هو في يدينا


قلت السبب قال الليالي غريبات = إنه العلاقه واعتبرنا انتهينا


انا بحبل انسان ماهي دعايات = ارجوك ابعد خايف انًه يجينا


طالعت فيه وهلت العين عبرات = في ساعةٍ غصبٍ علينا بكينا


حاولت اعبر عن همومٍ خفيات = بس الحكي شيفيد مهما حكينا


كتمتهن بالجوف لوهن قويات = راضي على ماصار لو مارضينا


وآخر كلامه قال لي كم كلمات = لاتسيء ضنك في غصبٍ علينا


ولف العباه وراح وانا بحسرات = فرقاًجرت من غير ذنبٍ جنينا


وقفت اخايل غض الأنهاد لحظات = فيهن تهدم كل شيٍ بنينا


وقمت اتذكر كل شيٍ لنا فات = قبل ايتغير بالمحبه حدينا


ياما سهرنا بأظلم الليل ساعات = وياما طلع نور الفجر مادرينا


وياما لنا فوق المراقيب ذكرات = وعلى جبال الزور ياما رقينا


وياما تحملنا الصعوبات مرات = وياما على سود الليالي شكينا


على زمانٍ فات جريت ونات = لو هن على ضلعان مكه تلينا


اقرا الموادع بالقصص والروايات = لاشك ماضنيت بيصير فينا


وارجع واكرر كلمةٍ لي بسكات = ياليتنا عقب البطا ماالتقينا

[عاشق الجوهره]

اولا ارحب بالعنيده حياك الله بين اهلك واخوانك
ثانيا القصيده جميله ورائعه وهل الاخت الحضرميه شاعره
انا اول مره اقراء لك شعر ؟؟؟
تحياتي
فمان الله

[نديم]

يسلموا حضرميه عنيده
كلمات قويه روعه تحياتي لك